Yeremia 1:1-19
1 Yai bangogo ya Yeremia* mwana ya Hilkia, nganga-nzambi mosi ya Anatoti+ na ntoto ya Benyamini.
2 Ndinga ya Yehowa kwisilaka yandi na bilumbu ya Yoziasi+ mwana ya Amone,+ ntotila ya Yuda, na mvula ya 13 ya luyalu na yandi.
3 Yo kwisilaka yandi diaka na bilumbu ya Yehoyakimi+ mwana ya Yoziasi, ntotila ya Yuda, tii na nsuka ya mvula ya 11 ya Sidikiya+ mwana ya Yoziasi, ntotila ya Yuda, tii kuna bo nataka Yeruzalemi na insi ya nzenza na ngonda ya tanu.+
4 Ndinga ya Yehowa kwisilaka mono nde:
5 “Na ntwala nde mono sala nge na divumu, mono zabaka* nge,+Mpi na ntwala nde nge butuka,* mono santisaka nge.*+
Mono kumisaka nge mbikudi sambu na makanda.”
6 Kansi mono tubaka nde: “O Yehowa Mfumu ya Kuluta Nene!
Mono me zaba ve kutuba,+ sambu mono kele kaka leke.”*+
7 Ebuna Yehowa tubilaka mono nde:
“Kutuba ve nde, ‘Mono kele kaka leke.’
Sambu nge fwete kwenda na bantu yonso yina mono ke tinda nge,Mpi nge fwete tuba mambu yonso yina mono ke songa nge.+
8 Kuwa bo boma ve na mutindu bo ke monana,+Sambu ‘mono kele ti nge sambu na kugulusa nge,’+ Yehowa muntu me tuba.”
9 Na nima, Yehowa tandulaka diboko mpi simbaka mono na munoko.+ Ebuna Yehowa tubilaka mono nde: “Mono me tula bangogo na mono na munoko na nge.+
10 Tala, bubu yai mono me pesa nge kiyeka na zulu ya makanda mpi na zulu ya bimfumu, sambu na kutumuna mpi kubwisa, sambu na kufwa mpi kupanza, sambu na kutunga mpi kukuna.”+
11 Ndinga ya Yehowa kwisilaka mono diaka nde: “Yeremia, nge ke mona inki?” Mono tubaka nde: “Mono ke mona lutangu ya nti ya amande.”*
12 Yehowa tubilaka mono nde: “Nge me mona mbote, sambu mono kele ya kusikama kibeni na yina me tala ndinga na mono sambu na kulungisa yo.”
13 Ndinga ya Yehowa kwisilaka mono mbala ya zole nde: “Nge ke mona inki?” Mono tubaka nde: “Mono ke mona nzungu mosi* ke toka,* mpi munoko na yo ke zola kubwa na ndambu ya nordi.”
14 Ebuna Yehowa tubilaka mono nde:
“Mpasi ta katuka na nordi mpi ta kwisa kubwilaBantu yonso ya ke zingaka na insi yai.+
15 Sambu ‘mono ke binga mabu- ta yonso ya bimfumu ya nordi,’ Yehowa+ muntu me tuba,‘Mpi bo ta kwisa; konso muntu ta tula kiti na yandi ya kimfumuNa munoko ya bakielo ya Yeruzalemi,+Bo ta ziunga bibaka na yoMpi bo ta nwanisa bambanza yonso ya Yuda.+
16 Mpi mono ta zabisa balusambisu na mono sa- mbu na bo sambu na ma- mbu na bo yonso ya mbi,Sambu bo me yambulaka mono,+Bo ke pesa midinga ya bimenga na banzambi ya nkaka+Mpi ke fukimina bisalu ya maboko na bo.’+
17 Kansi nge fwete yilama sambu na kisalu,*Mpi nge fwete telama mpi kuzabisa bo mambu yonso ya mono ke songa nge.
Kuwa bo boma ve,+Sambu mono pesa nge boma ve na ntwala na bo.
18 Sambu bubu mono me kumisa nge mbanza ya ngolo,Dikunzi ya kibende, mpi bibaka ya kwivre sambu na kunwanisa bantu yonso ya insi yai,+Bantotila ya Yuda mpi ba- mfumu na yo,Banganga-nzambi mpi bantu ya insi yai.+
19 Mpi bo ta nwanisa nge kibeni,Kansi bo ta nunga* nge ve,Sambu ‘mono kele ti nge,’+ Yehowa muntu me tuba, ‘sambu na kugulusa nge.’”
Banoti na nsi ya lutiti
^ Ziku yo ke tendula “Yehowa Ke Nangulaka.”
^ Na kisina, “na ntwala nde nge basika na divumu.”
^ To “tulaka nge na kingenga.”
^ To “solaka.”
^ To “mwana-fioti.”
^ Na kisina, “ya nti yina ke tedimisaka.”
^ To “nzungu ya kulambila ya kele ti munoko ya nene.”
^ Na kisina, “ya bo ke pupula,” yo ke monisa nde tiya ya bo ke pedisa kele na nsi.
^ Na kisina, “kanga mukaba na luketo na nge.”
^ To “bedisa.”
