Yezaya 64:1-12
64 A kana nge pasulaka zulu mpi kwisaka kukulumuka,Mpidina bangumba zolaka kunikana sambu na nge,
2 Bonso ntangu tiya ke yokaka bankuni,Mpi bonso ntangu tiya ke salaka nde masa kutoka,Ebuna bambeni na nge zolaka kuzaba zina na nge,Mpi makanda zolaka kutekita na ntwala na nge!
3 Ntangu nge salaka mambu ya ke pesaka boma yina beto vandaka ve ti kikesa ya kutula kivuvu na yo,+Nge kulumukaka, ebuna bangumba nikanaka na ntwala na nge.+
4 Katuka ntama ata muntu mosi ve me waka to me tulaka dikutu,Ata disu mosi mpi ve me monaka Nzambi ya nkaka katula nge,Yina ke salaka mambu sambu na mambote ya bantu yina ke vingilaka yandi.*+
5 Nge me kutana ti bantu yina ke salaka mambu ya mbote+ na kiese yonso,Bantu yina ke yibukaka nge mpi ke landaka banzila na nge.
Tala! Nge waka makasi, kansi beto vandaka kaka kusala masumu,+Beto salaka mutindu yina bantangu mingi.
Keti ntangu yai beto ta guluka?
6 Beto yonso me kuma bonso muntu mosi ya mvindu,Mpi mambu na beto yonso ya lunungu kele bonso lele ya me beba na menga ya nkento yina me mona menga.+
Beto yonso ta yuma bonso dititi,Mpi bifu na beto ta nata beto ntama bonso mupepe.
7 Ata muntu mosi ve ke binga zina na nge,Ata muntu mosi ve ke telama sambu na kusimba nge ngolo,Sambu nge me bumbila beto luse na nge,+Mpi nge me sala nde beto konda* sambu na* kifu na beto.
8 Kansi ntangu yai, O Yehowa, nge kele Tata na beto.+
Beto kele ntoto ya tuma, mpi nge kele Muwumbi na beto;*+Beto yonso kele kisalu ya diboko na nge.
9 O Yehowa, kuwa makasi mingi ve,+Mpi kuyibuka ve kifu na beto kimakulu.
Pardo, tala beto, sambu beto yonso kele bantu na nge.
10 Bambanza na nge ya santu me kuma ntoto-makanga.
Sioni me kuma ntoto-makanga,Yeruzalemi me kuma ntoto ya mpamba.+
11 Nzo* na beto ya busantu mpi ya nkembo,*Kisika ba-nkaka na beto vandaka kupesa nge lukumu,Bo me yoka yo tiya,+Mpi bima yonso yina beto vandaka kuzola mingi me beba.
12 Sambu na mambu yai, O Yehowa, keti nge ta landa kudipimisa?
Keti nge ta bikala kaka pima mpi kubika nde beto mona mpasi ya ngolo mutindu yai?+
Banoti na nsi ya lutiti
^ To “ke vingilaka yandi ti kukanga-ntima yonso.”
^ Na kisina, “na diboko ya.”
^ Na kisina, “beto kuma masa-masa.”
^ To “Muntu yina salaka beto.”
^ To “Tempelo.”
^ To “kitoko.”
