27 janvier–2 février
BANKUNGA 140-143
Nkunga 44 mpi Kisambu | Bangogo ya Luyantiku (Mun. 1)
1. Kana Nge Me Lomba Lusadisu na Yehowa, Sala Mambu na Kuwakana ti Kisambu na Nge
(Min. 10)
Ndima na luzolo yonso bandongisila (Nk 141:5; w22.02 12 § 13-14)
Yindula mingi mambu yina Yehowa me salaka sambu na kusadisa beto mpi bansadi na yandi na ntangu ya ntama (Nk 143:5; w10 15/3 32 § 4)
Sala yonso sambu na kutadila mambu bonso Yehowa (Nk 143:10; w15 15/3 32 § 2)
Bankunga 140-143 kele kaka ve ti kisambu yina Davidi salaka sambu na kulomba lusadisu. Kansi yo kele mpi ti bangogo ya ke monisa nde yandi salaka mambu na kuwakana ti kisambu na yandi.
2. Bimvwama ya Kimpeve
(Min. 10)
-
Nk 140:3—Sambu na nki Davidi fwanisaka ludimi ya bantu ya mbi ti ludimi ya nioka? (it-2 1134)
-
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Nk 141:1-10 (th dilongi 12)
4. Kuyantika Disolo
(Min. 4) KIMBANGI YA DIBAKU YA MBOTE. Yantika kusolula ti muntu mambu ya Biblia na nima ya kusadisa yandi. (lmd dilongi 3 kantu-diambu 5)
5. Kulanda Mpusa
(Min. 3) KIMBANGI NA BISIKA YA BANTU MINGI. Muwi me songa nge nde yandi kele ti kisalu. (lmd dilongi 7 kantu-diambu 3)
6. Tendula Balukwikilu na Nge
(Min. 5) Nsonga. ijwfq disolo 21—Ntu-Diambu: Sambu na Nki Bambangi ya Yehowa Ke Buyaka Bo Vutula Bo Menga? (th dilongi 7)
Nkunga 141
7. Yilama Bubu yai na Ntwala nde Bo Sansa Nge to Bo Sala Nge Operasio
(Min. 15) Disolo ti Bawi.
Yehowa ke sila nde yandi lenda vanda “lusadisu yina beto lenda baka kukonda mpasi na bantangu ya mpasi.” (Nk. 46:1) Kana yo ke lomba nde bo sansa nge to bo sala nge operasio, yo lenda yangisa nge mingi. Kansi, Yehowa me pesaka beto bima yonso yina beto kele ti yo mfunu sambu na kuvanda ya kuyilama. Mu mbandu, organizasio na yandi me basisaka Karti Bantuma Sambu na Lusansu (DPA), Karti ya identité, a mikanda ya nkaka ya ke tadila mambu ya sante mpi Bakomite ya Kuwakana ti Balupitalu (CLH) b. Bima yina ke sadisaka beto na kulemfukila nsiku ya Nzambi ya me tala menga.—Bis 15:28, 29.
Songa VIDEO Keti Nge Me Kudibongisa Sambu na Mambu ya Me Tala Lusansu? Na nima yula bawi bangiufulu yai:
-
Inki mutindu bampangi ya nkaka me bakaka mambote mutinu bo me fulusaka karti DPA?
-
Inki mutindu bampangi ya nkaka me bakilaka mukanda Mambu Yina Nkento ya Divumu Fwete Zaba (S-401) mambote?
-
Sambu na nki yo kele mfunu na kusolula nswalu ti CLH kana yo ke lomba nde nge kota opitale, bo sala nge operasio to nge baka lusansu mosi, mu mbandu lusansu ya kansere, ata ntangu nge ke yindula nde yo ta lomba ve nde bo vutula nge menga?
8. Kulonguka ya Biblia ya Dibundu
(Min. 30) bt kapu 21 § 14-22
Bangogo ya Nsuka (Min. 3) | mpi Kisambu
a Bansamuni yina me bakaka dezia mbotika lenda baka karti DPA na mpangi yina ke salaka na mikanda mpi bo lenda baka karti ya identité sambu na bana na bo yina me kuma ntete ve bambuta na kutadila nsiku ya leta.
b Nge lenda lomba bankuluntu ya dibundu na beno mikanda Mambu Yina Nkento ya Divumu Fwete Zaba (S-401), Bansangu Sambu na Bambefo yina Bo Ke Zola Kusala Operasio to Chimiothérapie (S-407) mpi Mambu Yina Bibuti Fwete Zaba Kana Yo Ke Lomba nde Bo Nata Mwana na Bo na Opitale (S-55) kana nge kele ti mfunu na yo.
