“Mũtikagegio nĩ ũhoro ũcio, nĩ gũkorũo ihinda nĩ rĩroka, rĩrĩa arĩa othe marĩ thĩinĩ wa mbĩrĩra makaaigua mũgambo wake na moime kuo.”

Johana 5:​28, 29

“Nĩ gũkaariũkio andũ arĩa athingu na arĩa matarĩ athingu.”

Atũmwo 24:15

“Ngĩona akuũ, arĩa anene na anini, marũgamĩte mbere ya gĩtĩ kĩrĩa kĩa ũnene, na ikũnjo ikĩhingũrũo. No gĩkũnjo kĩngĩ gĩkĩhingũrũo; nĩkĩo gĩkũnjo kĩa muoyo. Arĩa akuũ magĩtuĩrũo kuumana na maũndũ marĩa maandĩkĩtwo ikũnjo-inĩ icio kũringana na ciĩko ciao. Narĩo iria rĩkĩruta akuũ arĩa maarĩ thĩinĩ warĩo, na gĩkuũ na Mbĩrĩra ikĩruta akuũ arĩa maarĩ thĩinĩ wacio, na o mũndũ agĩtuĩrũo kũringana na ciĩko ciake.”

Kũguũrĩrio 20:​12, 13