Thaburi 29:1-11
Rwĩmbo rwa Daudi.
29 Hei Jehova kĩrĩa kĩmwagĩrĩire, inyuĩ ariũ a arĩa marĩ hinya,Hei Jehova kĩrĩa kĩmwagĩrĩire tondũ wa riri o na hinya wake.+
2 Hei Jehova riri ũrĩa wagĩrĩire rĩĩtwa rĩake.
Inamĩrĩrai* Jehova mwĩhumbĩte nguo nyamũre.*
3 Mũgambo wa Jehova nĩ ũiguĩkaga igũrũ rĩa maĩ;
Ngai ũrĩa ũrĩ riri nĩ arurumaga.+
Jehova arĩ igũrũ rĩa maĩ maingĩ.+
4 Mũgambo wa Jehova nĩ ũrĩ hinya;+Mũgambo wa Jehova nĩ ũrĩ riri.
5 Mũgambo wa Jehova nĩ unangaga mĩtarakwa;Ti itherũ, Jehova nĩ oinangaga mĩtarakwa ya Lebanoni.+
6 Atũmaga Lebanoni* ĩtũhatũhe o ta gacaũ,Na Sirioni+ ĩtũhatũhe o ta gategwa ga gĩthaka.
7 Mũgambo wa Jehova ũmenũkaga nĩnĩmbĩ cia mwaki;+
8 Mũgambo wa Jehova nĩ ũtũmaga werũ ũthingithe;+Jehova nĩ atũmaga werũ wa Kadeshi+ ũthingithe.
9 Mũgambo wa Jehova ũtũmaga thwariga ĩinaine na ĩgaciaraNa ũkahũrũra mĩtitũ ĩgatigwo ũtheri.+
Na arĩa othe marĩ thĩinĩ wa hekarũ yake makoiga: “Ngai arĩ riri!”
10 Jehova aikaragĩra gĩtĩ kĩa ũnene igũrũ rĩa mũiyũro wa maĩ;*+Jehova aikaragĩra gĩtĩ kĩa ũnene arĩ Mũthamaki tene na tene.+
11 Jehova nĩ arĩheaga andũ ake hinya.+
Jehova nĩ akaarathima andũ ake amahe thayũ.+
Tũũhoro twa magũrũ-inĩ
^ Kana “Thathaiyai.”
^ Kana hihi, “tondũ wa riri wa ũtheru wake.”
^ No kũhoteke nĩ mũtambũrũko wa kĩrĩma kĩa Lebanoni.
^ Kana “rĩa iria rĩa igũrũ.”
