Thaburi 32:1-11
Thaburi ya Daudi. Maskili.*
32 Gũkena nĩ mũndũ ũrĩa woheirũo mahĩtia make, ũrĩa mehia make mahumbĩrĩtwo.*+
2 Gũkena nĩ mũndũ ũrĩa ũtonagwo arĩ na mahĩtia nĩ Jehova,+Ũrĩa ũtakoragwo na maheeni roho-inĩ wake.
3 Hĩndĩ ĩrĩa ndaikarĩte ngirĩte, mahĩndĩ makwa nĩ moorirũo nĩ hinya tondũ wa gũtinda ngĩcaya mũthenya mũgima.+
4 Tondũ guoko gwaku nĩ kwanditũhagĩra* mũthenya na ũtukũ.+
Hinya wakwa ũkĩniara o ta maĩ hĩndĩ ya ũrugarĩ. (Sela)
5 Na niĩ ngĩkumbũrĩra mehia makwa;Ndiahumbĩrire mahĩtia makwa.+
Ngiuga atĩrĩ: “Nĩ ngumbũrĩra Jehova mehia makwa.”+
Nawe ũkĩnjohera mahĩtia ma mehia makwa.+ (Sela)
6 Nĩkĩo mũndũ wothe mwĩhokeku arĩkũhoyaga+Hĩndĩ ĩrĩa wee ũngĩoneka.+
Nake o na mũiyũro wa maĩ ndũngĩmũkinyĩra.
7 Wee nĩwe handũ hakwa ha kwĩhitha;Nĩ ũrĩngitagĩra kuumana na mĩtangĩko.+
Ũrĩthiũrũrũkagĩria na inegene rĩa gĩkeno rĩa ũhonokio.+ (Sela)
8 “Nĩ ndĩrĩkũheaga ũtaũku na ngakũruta njĩra ĩrĩa wagĩrĩire kũgera.+
Ndĩrĩkũheaga ũtaaro riitho rĩakwa rĩkũrorete.+
9 Ndũkahaane ta mbarathi kana nyũmbũ, iria itarĩ ũtaũku,+Iria arĩ o mũhaka kũhĩahĩa gwacio kũgirĩrĩrio na mũkwa kana mũhĩndoItanagũkuhĩrĩria.”
10 Andũ arĩa aganu makoragwo na ruo rũingĩ;No mũndũ ũrĩa wĩhokaga Jehova akoragwo athiũrũrũkĩirio nĩ wendo Wake mwĩhokeku.+
11 Kenai nĩ ũndũ wa Jehova na mũcanjamũke, inyuĩ andũ arĩa athingu;Anĩrĩrai mũkenete, inyuothe arũngĩrĩru ngoro.
Tũũhoro twa magũrũ-inĩ
^ Rora Ũthathaũri wa Ciugo.
^ Kana “woheirũo mehia make.”
^ Kana “marakara maku nĩ maanditũhagĩra.”
