Thaburi 81:1-16
Kũrĩ mũrũgamĩrĩri wa Gitithu.* Thaburi ya Asafu.+
81 Anĩrĩrai mũkenete kũrĩ Ngai, o we hinya witũ.+
Anĩrĩrai nĩ ũndũ wa ũhootani mũgooce Ngai wa Jakubu.
2 Ambĩrĩriai rwĩmbo na muoe manyanga,Muoe kĩnanda kĩa mũgeeto kĩrĩa kĩgambaga wega hamwe na kĩnanda kĩa ndigi.
3 Huuhai coro hĩndĩ ya karũgamo ka mweri,+Rĩrĩa mweri ũrĩ mũgima, mũthenya wa gĩathĩ gitũ.+
4 Tondũ nĩ watho waheirũo Isiraeli,Nĩ rĩathani rĩa Ngai wa Jakubu.+
5 Aarĩhandire rĩtuĩke kĩririkania harĩ Jusufu+
Rĩrĩa ooimagarire agĩũkĩrĩra bũrũri wa Misiri.+
Nĩ ndaiguire mũgambo* itaamenyaga ũkiuga atĩrĩ:
6 “Nĩ ndeheririe mũrigo kĩande-inĩ gĩake;+Moko make nĩ maatigithanirio na gĩkabu.
7 Nĩ wakaire rĩrĩa warĩ na mĩtangĩko, na niĩ ngĩkũhonokia;+Ndagwĩtĩkire ndĩ thĩinĩ wa marurumĩ.*+
Nĩ ndakũgeririe rĩrĩa warĩ maĩ-inĩ ma Meriba.*+ (Sela)
8 Iguai, inyuĩ andũ akwa, na nĩ ngũruta ũira wa kũmũũkĩrĩra.
Na arĩ korũo no ũthikĩrĩrie, wee Isiraeli.+
9 Thĩinĩ waku gũtirĩkoragwo na ngai ĩtoĩkaine,Na ndũrĩinamagĩrĩra ngai ng’eni.+
10 Niĩ Jehova nĩ niĩ Ngai waku,Ũrĩa wakũrutire bũrũri wa Misiri.+
Athamia kanua gaku gothe, na nĩ ngũkaiyũria.+
11 No andũ akwa matiathikĩrĩirie mũgambo wakwa;Isiraeli ndetĩkĩrire kũnjathĩkĩra.+
12 Nĩ ũndũ ũcio ngĩreka marũmĩrĩre ngoro ciao nemi;Magĩka maũndũ marĩa moonaga magĩrĩire.*+
13 Na arĩ korũo andũ akwa no maathikĩrĩrie,+Na arĩ korũo Isiraeli no arũmĩrĩre njĩra ciakwa!+
14 No ndoorie thũ ciao na ihenya;Ingĩerekeria guoko gwakwa harĩ thũ ciao ndĩciũkĩrĩre.+
15 Arĩa mathũire Jehova mekũinaina nĩ ũndũ wa guoya marĩ mbere yake,Na iherithia* rĩao rĩgũtũũra tene na tene.
16 No inyuĩ nĩ ekũmũhe ngano ĩrĩa njega biũ* mũrĩe+
Na amũhũnie na ũũkĩ uumĩte rwaro-inĩ rwa ihiga.”+
Tũũhoro twa magũrũ-inĩ
^ Rora Ũthathaũri wa Ciugo.
^ Kana “rũthiomi.”
^ Ũkk., “handũ hehithĩte marurumĩ-inĩ.”
^ Rĩĩtwa rĩu riugĩte “Gũtetia.”
^ Ũkk., “Makĩrũmĩrĩra motaaro mao.”
^ Ũkk., “ihinda.”
^ Ũkk., “maguta ma ngano.”
