Nĩ ngatho nĩ ũndũ wa kũhũthĩra mahinda maku gũthuthuria kabuku gaka nĩguo wĩrute maũndũ megiĩ Aira a Jehova, maũndũ marĩa twĩkaga, na ũrĩa ithondeka ritũ rĩrutaga wĩra. Tũkwĩhoka atĩ nĩ gagũteithia kũmenya atĩ nĩ ithuĩ andũ arĩa mareka wendi wa Jehova ũmũthĩ. Tũragwĩkĩra ngoro ũthiĩ na mbere kuongerera ũmenyo wĩgiĩ Ngai, kwĩra andũ a famĩlĩ yanyu o na arata maũndũ marĩa ũreruta, na kũnyitanagĩra na ithuĩ hĩndĩ ciothe mĩcemanio-inĩ itũ ya Gĩkristiano.​—⁠Ahibirania 10:​23-25.

Nĩ ũkuona atĩ o ũrĩa ũreruta makĩria ũhoro wĩgiĩ Jehova, noguo ũrĩonaga biũ ũrĩa akwendete. Na ũndũ ũcio nĩ ũrĩtũmaga ũigue ũkĩenda gwĩka o ũrĩa wothe ũngĩhota kuonania wendo waku harĩ we. (1 Johana 4:​8-10, 19) No hihi ũngĩonania atĩa atĩ nĩ wendete Jehova ũtũũro-inĩ waku? Nĩkĩ gwathĩkĩra ithimi ciake cia mĩtugo nĩguo ũndũ ũrĩa ũkwagĩrĩire biũ? Na nĩ kĩĩ kĩngĩgũteithia wende kũnyitanĩra na ithuĩ harĩ gwĩka wendi wa Ngai? Ũrĩa mwĩrutaga Bibilia nake nĩ egũkenera mũno kwarĩrĩria macokio ma ciũria icio hamwe nawe nĩguo wee na andũ a famĩlĩ yanyu ‘mwĩige wendo-inĩ wa Ngai, nĩguo mũkaaheo ­muoyo wa tene na tene.’​—⁠Judasi 21.

Tũragwĩkĩra ngoro ũthiĩ na mbere gũkũra kĩĩroho ũhoro-inĩ wa ma na njĩra ya kwĩruta ibuku rĩa ‘Ũrĩa Ũngĩtũũra Wendo-inĩ wa Ngai’ warĩkia kwĩruta rĩrĩa ũrathoma.