Omafimbo otete 4:1-43
4 Ovanamati vaJuda ovo: Peres, Hesron, Karmi, Hur naSobal.
2 Reaja, omonamati waSobal, okwa dala Jahat; Jahat okwa dala Ahumai naLahad. Oo omapata Ovasorati.
3 Ava ovanamati vaxe* yaEtam: Jisreel, Isma naIdbas (edina lomumwainakadona wavo oHasselelponi),
4 na Penuel okwa dala Gedor, na Eser okwa dala Husa. Ovo ovanamati vaHur, oshiveli shaEfrata naxe yaBetlehem.
5 Ashur, xe yaTekoa, okwa li e na ovakulukadi vavali, Hela naNaara.
6 Naara okwe mu dalela Ahussam, Hefer, Temeni naAhastari. Ovo ovanamati vaNaara.
7 Ovanamati vaHela ovo: Seret, Ishar naEtnan.
8 Kos okwa dala Anub, Sobeba nomapata aAharhel, omonamati waHarum.
9 Jabes okwa li a fimanekwa unene e dule ovamwaxe, naina okwe mu luka Jabes,* a ti: “Onde mu dala mouyahame.”
10 Jabes okwa indila Kalunga kaIsrael, a ti: “Alikana, nangeke nge noupuna. Nenepeka oshitukulwa shange, neke loye nali kale pamwe naame. Amene nge, opo ndiha hangwe koupyakadi.” Onghee Kalunga okwe mu ningila osho e mu pula.
11 Kelub, omumwainamati waSuha, okwa dala Mehir, oo a dala Eston.
12 Eston okwa dala Bet-rafa, Pasea naTehinna, xe yaIr-nahas. Ovo ovalumenhu vokuReka.
13 Ovanamati vaKenas ovo: Otniel naSeraja, nomonamati* waOtniel oHatat.
14 Meonotai okwa dala Ofra. Seraja okwa dala Joab, xe yaGe-harasim;* onhele oyo oya li hai ifanwa ngaho, molwaashi omwa li ovahambwidi.
15 Ovanamati vaKaleb, omonamati waJefunne, ovo: Iru, Ela naNaam; omonamati* waEla oKenas.
16 Ovanamati vaJehallelel ovo: Sif, Sifa, Tiria naAsareel.
17 Ovanamati vaEsra ovo: Jeter, Mered, Efer naJalon; okwa* ninga oufimba nokwa dala Miriam, Sammai naIsba, xe yOvaestemoa.
18 (Omukulukadi waye Omujuda okwa dala Jered, xe yaGedor, Heber, xe yaSoko, naJekutiel, xe yaSanoa.) Ovo ovanamati vaBitia, omonakadona waFarao, oo a hombolwa kuMered.
19 Ovanamati vomukulukadi waHodia, omumwainakadona waNaham, ovo: xe yaKeila, Omugarmi, naEstemoa, Omumaakati.
20 Ovanamati vaShimon ovo: Amnon, Rinna, Ben-hanan naTilon. Ovanamati vaIshi ovo: Sohet naBen-sohet.
21 Ovanamati vaShela, omonamati waJuda, ovo: Er, xe yaLeka, Laada, xe yaMaresha, nosho yo omihoko, odo hadi longo oliina iwa, domoludalo laAsbea,
22 naJokim, ovalumenhu vokuKoseba, Joas naSaraf, ovo va ninga ovashamane vovakainhu Ovamoab nOvajasubi-lehem. Oyo ondjokonona yonale.*
23 Ova li ovahongi voiyuma, ovo va li hava di muNetaim naGedera. Omo va kala hava di omo, nova li hava longele ohamba.
24 Ovanamati vaSimeon ovo: Nemuel, Jamin, Jarib, Sera naShaul.
25 Omonamati waShaul oSallum, omonamati waSallum oMibsam nomonamati waMibsam oMisma.
26 Ovanamati vaMisma ovo: Hammuel, omonamati waHammuel oSakkur nomonamati waSakkur oSimei.
27 Simei okwa li e na ovanamati 16 novanakadona 6. Ashike ovamwaxe kava li ve na ovanamati vahapu, nokape na umwe movapambele vavo a li e na ovanamati vahapu ngaashi ovalumenhu vokuJuda.
28 Ova li hava di muBer-seba, muMolada, muHasar-sual,
29 muBilha, muEsem, muTolad,
30 muBetuel, muHorma, muSiklag,
31 muBet-markabot, muHasar-susim, muBet-biri nomuSaaraim. Oyo oilando omo va li hava di, fiyo opefimbo lokupangela kwaDavid.
32 Ova li hava di muEtam, muAin, muRimmon, muTogen nomuAsan, oilando itano,
33 nosho yo eenhele odo da dingilila oilando oyo fiyo okuBaal. Oo owa li omusholondodo womadina omaukwaneumbo neenhele opo va li hava di.
34 Vamwe vomoludalo laSimeon ovo: Mesobab, Jamlek, Josa, omonamati waAmasia,
35 Joel, Jehu, omonamati waJosibia, omonamati waSeraja, omonamati waAsiel,
36 naElioenai, Jaakoba, Jesohaja, Asaia, Adiel, Jesimiel, Benaia,
37 naSisa, omonamati waSifi, omonamati waAllon, omonamati waJedaia, omonamati waShimri, omonamati waShemaia;
38 ovo va tumbulwa komadina ova li omalenga mokati komaludi avo, nomaukwaneumbo ooxekulululwa okwa li a hapupala.
39 Ova li va ya koshivelo shaGedor, kombinga yokoushilo wefilu, va ka konga omaulifilo oimuna yavo.
40 Lwanima, ova li va mona oulifilo muwa elela, nedu ola li la andjuka, la mwena noli na ombili. Ovaham omo va li hava di nale.
41 Ovo omadina avo a tumbulwa, ove uya pefimbo laHiskia, ohamba yaJuda, nova hanauna po omatwali Ovaham nOvameunim, ovo va li hava di omo. Ove va hanauna po fiyo okunena eli; ova kala hava di peenhele davo, molwaashi opa li oulifilo woimuna yavo.
42 Vamwe vomOvasimeon, ovalumenhu 500, ova ya komhunda yaSeir, pamwe naPelatia, Nearia, Refaja naUsiel, ovanamati vaIshi, ovo va li tave va wilike.
43 Ova dipaa Ovaamalek aveshe, ovo va li va ya onhapo, naako oko va kala hava di fiyo okunena.
Eshangelo lopedu
^ Omadina amwe metukulwa eli otaa dulu okuyukifwa keenhele, ndele hakovanhu. Peemhito opo pa holoka “xe,” otashi dulika tashi ti “omutoti.”
^ Edina Jabes otashi dulika la pambafana noshitya shOshiheberi osho tashi ti “ouyehame.”
^ Eln., “ovanamati.”
^ Tali ti “Efilu lOvahambwidi.”
^ Eln., “ovanamati.”
^ Tashi dulika tashi ulike kuBitia movelishe 18.
^ Ile “Oo omupopyo wonghulu yonale.”
