Omafimbo omativali 27:1-9
-
Jotam, ohamba yaJuda (1-9)
27 Jotam okwa li e na eedula 25, eshi a ninga ohamba, nokwa pangela muJerusalem oule weedula 16. Edina laina oJerusa, omonakadona waSadok.
2 Okwa twikila okulonga osho sha yuka momesho aJehova, ngaashi ashike xe, Ussia, a li a ninga, ndele ye ina ya monhele oyo ina pitikilwa motembeli yaJehova. Ashike ovanhu ova li natango tava longo owii.
3 Okwa tunga oshivelo shopombada sheumbo laJehova, nokwa tunga oshitukulwa shinene shekuma laOfel.
4 Okwa tunga yo oilando moshitukulwa shokeemhunda shaJuda, eenhele da dingililwa komakuma male nosho yo eeshungongulu meefuka.
5 Okwa lwifa ohamba yOvaammoni, nolwanima, okwe ke va finda. Onghee modula oyo, Ovaammoni ove mu pa oitalenti* yoisilveri 100 neekori* doilya yo-wheat 10 000 nodoilya yo-barley 10 000. Ovaammoni ove mu futa vali oinima oyo modula onhivali nonhinhatu.
6 Onghee Jotam okwa twikila okunghonopala, molwaashi okwa li a tokola* okweenda meendjila daJehova Kalunga kaye.
7 Ondjokonona aishe yaJotam, oita aishe oyo a lwa nosho yo oilonga yaye, oya shangwa mEmbo lEehamba daIsrael nodaJuda.
8 Okwa li e na eedula 25, eshi a ninga ohamba, nokwa pangela muJerusalem oule weedula 16.
9 Opo nee Jotam okwa nangekwa pooxekulululwa, nove mu paka mOshilando shaDavid. Omonamati waye, Ahas, okwa ninga ohamba ponhele yaye.
Eshangelo lopedu
^ Oshitalenti shimwe oshi fike peekilograma 34,2. Tala Oshiwedelwako B14.
^ Okori imwe oi fike peelita 220. Tala Oshiwedelwako B14.
^ Ile “e lilongekida.”
