Job 41:1-34
-
Kalunga ta hokolola onghedi yaLeviatan ikumwifi (1-34)
41 “Mbela oto dulu okukwata Leviatan* nondjolo,Ile okumanga elaka laye nongodi?
2 Mbela oto dulu okuxwekela ongodi* momayulu aye,Ile okutyuula eehamama daye nongona?*
3 Mbela ote ke ku indila lwoikando ihapu,Ile mbela ota ka popya naave nonghenda?
4 Mbela ota ka ninga ehangano naave,Opo u dule oku mu ninga omupika woye fiyo alushe?
5 Mbela oto ka danauka naye ngaashi okadila,Ile u mu mange nongodi a hafife ovanakadona voye?
6 Mbela ovalandifi otave ke mu kumaana?
Mbela otave ke mu tukulila ovashingifi?
7 Mbela oto dulu okutyuula oshipa shaye noshivela,Ile omutwe waye noshitwifo shokukwata eeshi?
8 Tenheka eke loye kuye;Oto ka dimbuluka olwoodi olo, noito ke shi ninga vali.
9 Onghendabala keshe yoku mu finda oyongaho elela.
Ngeenge owe mu mono omavilovilo, oto haluka.*
10 Kape na oo ha kendabala oku mu piyaaneka.
Onghee, olyelye ta dulu okufikamena nge?
11 Mbela olyelye a pa nge sha tete, opo ndi shi mu alulile?
Oinima aishe, oyo i li kombada yedu, oyange.
12 Itandi dulu okukala itandi popi kombinga yomaulu aye,Eeenghono daye nosho yo olutu laye la shitikika.
13 Olyelye a kufile ko oshipa shaye shokombada?
Olyelye ta dulu okuya pokati keehamama daye?
14 Olyelye ta dulu oku mu kondjifa a makule okanya kaye?*
Omayoo aye aeshe omatilifa.
15 Ombuda yaye oi na omikweyo domapeta*E liwila nawa.
16 Keshe limwe ola twikilafana filufilu nalikwao,Opo omhepo iha dule okuya pokati kao.
17 Okwa kanyatela kumwe;Okwa kwatafana kumwe, noitaa dulu okukufwa kumwe.
18 Ngeenge ta pembe, ohapa kala ouyelele,Nomesho aye okwa fa ouyelele weluwa tali tende.
19 Mokanya kaye ohamu di ouyelele wa fa wokashelu;Ohamu di eehandje domundilo.
20 Momayulu aye ohamu ndwafuka omwifi,Ngaashi ediko la hanyekwa nomwiidi.
21 Omufudo waye ohau hanyeke omakala,Nomokanya kaye ohamu ndwafuka omalaka omundilo.
22 Ofingo yaye oi na eenghono dinene,Naaveshe ovo tava shakene naye ohava kala va tila.
23 Oipa yaye yomeni oya pamenena kumwe;Oya pama, ya fa ya xwikilwa ko, noihai linyenge.
24 Omutima waye oukukutu wa fa emanya,Heeno, oukukutu wa fa emanya lokoshi loshini.
25 Ngeenge ta fikama, nokuli novanaenghono ohava kala va tila;Ngeenge ta denge omeva, oha etifa engwangwano.
26 Kape na eongamukonda, olo tali mu hange, tali dulu oku mu finda;Kutya nee eonga, oshivela sha honga, ile omuhongo.
27 Oshivela ohe shi tale ko ngaashi oshihati,Nongopolo ongaashi oshiti sha ola.
28 Oshikuti ihashi mu ningifa aye onhapo;Oyuumbifo youmanya ohai ningi ya fa oshihati she mu pilukila po.
29 Odibo ohe i tale ko ya fa oshihati,Noha yolo okuxwema kweonga.
30 Medimo laye omwa fa oikangwa yoshiyuma ya honga;Ohe lipweda monhata ngaashi oshilei.*
31 Oha ningifa koshi yomeva ku fuluke ngaashi ombiya;Oha pindjaleke efuta ngaashi ombiya yomaadi.
32 Mondjila yaye oha fiye mo omeva a tutuma etutu.
Umwe otashi dulika a diladile kutya koshi yomeva oku na eenghwakutoka.
33 Kombada yedu kaku na sha she mu fa,Oshishitwa sha shitwa shihe na oumbada.
34 Oha tale nopehe na oumbada keshe osho shi na ounhwa.
Oye ohamba yoifitukuti aishe i na eenghono.”
Eshangelo lopedu
^ Tashi dulika ongadu.
^ Eln., “ongodi ya longwa momwiidi.”
^ Eln., “nekiya.”
^ Ile “lidenge po.”
^ Eln., “omivelo doshipala shaye.”
^ Ile tashi dulika, “Etumba laye olo omikweyo domapeta.”
^ Ile “oiti yokuxwifa.”
