Josua 19:1-51
19 Eshi oshihoololifo oshitivali sha umbwa, osha kwata Simeon, sha hala okutya, epata laSimeon pamaludi avo. Efyuululo lavo ola li mefyuululo laJuda.
2 Efyuululo lavo ola li Ber-seba naSheba, Molada,
3 Hasar-sual, Bala, Esem,
4 Eltolad, Betul, Horma,
5 Siklag, Bet-markabot, Hasar-susa,
6 Bet-leboat, Saruhen, oilando 13 nomikunda dayo;
7 Ain, Rimmon, Eter naAsan, oilando ine nomikunda dayo;
8 omikunda adishe odo da li da dingilila oilando oyo fiyo okuBaalat-beer nokuRama shokolukadi. Olo ola li efyuululo lepata laSimeon pamaludi avo.
9 Efyuululo loludalo laSimeon ola li la kufwa mo medu olo la pewa Juda pashihoololifo, molwaashi oshitukulwa shaJuda osha li sha kula unene kuvo. Onghee oludalo laSimeon ola pewa oitukulwa imwe yedu mefyuululo lalo.
10 Eshi oshihoololifo sha umbwa oshikando oshititatu, osha kwata oludalo laSebulon pamaludi avo, nongaba yefyuululo lavo oya li ya ya fiyo okuSarid.
11 Ongaba yavo oya ya ya finda kouninginino fiyo okuMarala, ndele tai ka twa kuDabbeset noya ya fiyo okefilu olo li li popepi naJokneam.
12 Oya ya okudja kuSarid kombinga yokoushilo fiyo okongaba yaKishlot-tabor noya ya ya finda kuDaberat fiyo okuJafia.
13 Okudja opo, oya ya ya finda koushilo kuGat-hefer, Et-kasin noya ya fiyo okuRimmon, ndele tai ka xulila kuNea.
14 Ongaba oyo oya kunghula nasho kombinga yokolundume noya ya ya finda kuHannaton, ndele tai ka xulila kEfilu laIfta-el
15 nokuKattat, Nahalal, Simron, Idala nokuBetlehem, oilando 12 nomikunda dayo.
16 Olo ola li efyuululo loludalo laSebulon pamaludi avo. Oyo oya li oilando nomikunda dayo.
17 Eshi oshihoololifo sha umbwa oshikando oshitine, osha kwata Isaskar, sha hala okutya, oludalo laIsaskar pamaludi avo.
18 Ongaba yavo oya li ya twa kuJisreel, Kesullot, Sunemi,
19 Hafaraim, Shion, Anakarat,
20 Rabbit, Kision, Ebes,
21 Remet, En-gannim, En-hadda nokuBet-Pases.
22 Ongaba yavo oyo oya ka fika kuTabor, Sahasima, Bet-semes noya ka xulila komulonga waJordan, oilando 16 nomikunda dayo.
23 Olo ola li efyuululo lepata laIsaskar pamaludi avo, oilando nomikunda dayo.
24 Eshi oshihoololifo sha umbwa oshikando oshititano, osha kwata epata laAsser pamaludi avo.
25 Ongaba yavo oya li: Helkat, Hali, Beten, Aksaf,
26 Allamelek, Amad naMisal. Oya ya ya finda kouninginino kuKarmel nokuSihor-libnat,
27 ndele tai shuna ya finda koushilo kuBet-dagon noya fika kuSebulon nokEfilu laIfta-el kombinga yokolundume, kuBet-emek nokuNehiel, ndele tai tamunuka mo ya finda kuKabul kombinga yokolumosho
28 nokuEbron, Rehob, Hammon, Kana fiyo okuSidon Shinene.
29 Ongaba oyo oya shuna ya finda kuRama fiyo okuTirus, oshilando sha dingililwa komakuma a pama. Opo nee ongaba oyo oya shuna ya finda kuHosa, ndele tai ka xulila kefuta moshitukulwa shaAksib,
30 Umma, Afek nokuRehob, oilando 22 nomikunda dayo.
31 Olo ola li efyuululo lepata laAsser pamaludi avo. Oyo oya li oilando nomikunda dayo.
32 Eshi oshihoololifo sha umbwa oshikando oshitihamano, osha kwata oludalo laNaftali, sha hala okutya, oludalo laNaftali pamaludi avo.
33 Ongaba yavo oya dja muHelef, okudja pomiti da kula muSaananim, Adami-nekeb nomuJabneel fiyo okuLakkum noya xulila komulonga waJordan.
34 Ongaba oya shuna kombinga yokouninginino kuAsnot-tabor, ndele tai tamunuka mo okudja oko ya finda kuHukkok noya ka fika kuSebulon kombinga yokolukadi, nokuAsser kombinga yokouninginino nosho yo kuJuda koushilo womulonga waJordan.
35 Oilando oyo ya li ya dingililwa komakuma a pama oya li: Siddim, Ser, Hammat, Rakkat, Kinneret,
36 Adama, Rama, Hasor,
37 Kedes, Edrei, En-hasor,
38 Yiron, Migdal-el, Horem, Bet-anat naBet-semes, oilando 19 nomikunda dayo.
39 Olo ola li efyuululo lepata laNaftali pamaludi avo, oilando nomikunda dayo.
40 Eshi oshihoololifo sha umbwa oshikando oshitiheyali, osha kwata epata laDan pamaludi avo.
41 Ongaba yefyuululo lavo oya li: Sora, Estaol, Ir-shemes,
42 Saalabbin, Aijalon, Itla,
43 Elon, Timna, Ekron,
44 Elteke, Gibbeton, Baalat,
45 Jehud, Bene-berak, Gat-rimmon,
46 Me-jarkon naRakkon nongaba oyo oya pita popepi naJoppa.
47 Ndele oshitukulwa shaDan osha li shinini unene kuvo. Onghee ova ya nova lwifa Lesem, ndele tave shi kwata ko nove shi hanauna po neongamukonda. Ove shi nangala, ndele tava kala omo hava di, nova lundulula edina lasho Lesem ve li ninga Dan, va lukila xekulululwa Dan.
48 Olo ola li efyuululo lepata laDan pamaludi avo. Oyo oya li oilando nomikunda dayo.
49 Kungaho, ova li va mana okutukula edu lefyuululo paitukulwa yalo. Opo nee Ovaisrael ova pa Josua, omonamati waNun, efyuululo medu lavo.
50 Ove mu pa palombwelo laJehova oshilando osho a pula, Timnat-sera, moshitukulwa shokeemhunda shaEfraim, nokwa tunga mo oshilando, ndele ta kala ha di omo.
51 Oo omafyuululo oo omupristeri Eliaser, Josua, omonamati waNun, nomitwe domaukwaneumbo omapata Ovaisrael va tukula pashihoololifo muSilo moipafi yaJehova, poshivelo shetwali lokwoongalela. Onghee ova li va mana okutukula edu.
