ايان 14:1—20
14 سوسىن قارادىم دا، سيون تاۋىندا+ تۇرعان توقتىنى+ كوردىم. قاسىندا ماڭدايلارىنا توقتىنىڭ ەسىمى مەن ونىڭ اكەسىنىڭ ەسىمى+ جازىلعان 144000+ تۇر ەكەن.
2 سوندا سارقىراپ اققان كوپ سۋدىڭ گۇرىلىندەي جانە كۇننىڭ قاتتى كۇركىرىندەي كوكتەن شىعىپ جاتقان دىبىستى ەستىدىم. ول ارفادا ويناپ، ٵن سالىپ جاتقانداردىڭ ۇنىندەي ەدى.
3 ولار تاقتىڭ، ٴتورت تىرشىلىك يەسى+ مەن اقساقالداردىڭ+ الدىندا بەينە ٴبىر جاڭا ٵن ايتىپ تۇردى+. بۇل ٵندى جەردەن ساتىپ الىنعان 144000 نان+ باسقا ەشكىم ۇيرەنە المادى.
4 بۇلار وزدەرىن ايەلدەرمەن بولىپ ارامداماي، پاك ۇستاعاندار+ ٵرى توقتى قايدا بارماسىن، وعان ەرىپ جۇرەتىندەر+. ولار ادامدار اراسىنان العاشقى ٶنىم رەتىندە+ قۇداي مەن توقتىعا ارناپ ساتىپ الىندى+.
5 ولاردىڭ اۋىزدارىنان جالعاندىق تابىلمادى. ولاردا ەش ٴمىن جوق+.
6 سودان كەيىن اۋەدە ۇشىپ بارا جاتقان باسقا ٴبىر پەرىشتەنى كوردىم. ونىڭ جەر بەتىندە تۇراتىندارعا — ٵربىر ۇلت، رۋ، ٴتىل جانە حالىققا جاريالايتىن ماڭگىلىك ىزگى حابارى بار ەكەن+.
7 ول قاتتى داۋىسپەن: «قۇدايدان قورقىپ، ونى دارىپتەڭدەر، ويتكەنى ونىڭ سوتتايتىن ۋاقىتى كەلدى+. سوندىقتان كوك پەن جەردى، تەڭىز بەن سۋ كوزدەرىن جاراتقان+ قۇدايعا عيبادات ەتىڭدەر!»— دەپ بارا جاتتى.
8 وعان ەكىنشى پەرىشتە ىلەسىپ: «ول قۇلادى! ەل اتاۋلىعا ٶزىنىڭ ازعىندىعىنىڭ* قۇمارلىعىنا تولى شاراپتى ىشكىزگەن+ ۇلى بابىل+ قۇلادى+!»— دەدى.
9 ولارعا ٷشىنشى پەرىشتە ەرىپ، قاتتى داۋىسپەن بىلاي دەدى: «كىمدە-كىم جىرتقىش اڭ+ مەن ونىڭ مۇسىنىنە عيبادات ەتسە جانە ماڭدايىنا نە قولىنا ونىڭ تاڭباسىن سالدىرسا+،
10 ول دا قۇدايدىڭ اشۋىنا تولى شاراپتان — ونىڭ قاھارىنىڭ توستاعانىنا قۇيىلعان تازا شاراپتان — ٸشىپ+، كيەلى پەرىشتەلەر مەن توقتىنىڭ الدىندا وت پەن كۇكىرتتەن ازاپ شەگەدى+.
11 ولاردىڭ ازابىنىڭ ٴتۇتىنى ماڭگىلىك بويى شىعىپ جاتادى+. جىرتقىش اڭ مەن ونىڭ مۇسىنىنە عيبادات ەتەتىندەر مەن ونىڭ ەسىمىنىڭ تاڭباسىن سالدىرعاندارعا+ كۇنى-ٴتۇنى تىنىم بولمايدى.
12 مۇندا قاسيەتتىلەرگە، ياعني قۇدايدىڭ وسيەتتەرىن ورىندايتىن ٵرى يساعا دەگەن سەنىمىن بەرىك ساقتايتىندارعا+، تاباندىلىق قاجەت+».
13 سوندا كوكتەن بىلاي دەگەن داۋىستى ەستىدىم: «جازىپ قوي: وسى ۋاقىتتان باستاپ يەمىزبەن بىرلىكتە ولەتىندەر+ باقىتتى. كيەلى رۋح: —ٴيا، ولار ەڭبەكتەرىنەن تىنىقسىن، ويتكەنى ىستەرى وزدەرىمەن بىرگە بارادى،— دەيدى».
14 سودان سوڭ قارادىم دا، اق بۇلتتى كوردىم. ونىڭ ۇستىندە باسىنا التىن ٴتاج كيىپ، قولىنا وتكىر وراق ۇستاعان ادام ۇلىنا ۇقساس بىرەۋ+ وتىر ەكەن.
15 عيباداتحانانىڭ قاسيەتتى بولىگىنەن باسقا ٴبىر پەرىشتە شىعىپ، بۇلت ۇستىندە وتىرعانعا قاتتى داۋىستاپ: «ەگىنگە وراعىڭدى سالىپ، ورىپ ال، ويتكەنى جەر بەتىندەگى ٶنىم تۇگەل ٴپىسىپ، وراق ۋاقىتى باستالدى+»،— دەدى.
16 بۇلت ۇستىندە وتىرعان جەرگە قاراي وراعىن سىلتەگەندە، جەردەگى ٶنىم ورىلدى.
17 كوكتەگى عيباداتحانانىڭ قاسيەتتى بولىگىنەن تاعى ٴبىر پەرىشتە شىقتى، ول دا قولىنا وتكىر وراق ۇستاپ الىپتى.
18 قۇرباندىق وشاعى تۇرعان جاقتان وتقا بيلىك ەتەتىن باسقا ٴبىر پەرىشتە شىقتى. ول وتكىر وراعى بار پەرىشتەگە: «وتكىر وراعىڭدى سالىپ، جەردەگى ٴجۇزىم بۇتاسىنىڭ شوقتارىن جيناپ ال، ويتكەنى جەمىسى ٴپىسىپ تۇر»+،— دەپ قاتتى داۋىستادى.
19 پەرىشتە وراعىن جەرگە سىلتەپ، ونداعى ٴجۇزىم بۇتاسىن كەسىپ الىپ، قۇدايدىڭ قاھارىن بىلدىرەتىن ٴجۇزىم سىعاتىن ۇلكەن ورىنعا لاقتىردى+.
20 ٴجۇزىم قالا سىرتىنداعى شىرىن سىعاتىن سول ورىندا تاپتالىپ، ودان تەرەڭدىگى اتتىڭ جۇگەنىنە دەيىن، ال ۇزىندىعى 300 شاقىرىمداي* جەرگە جەتەتىن قان اعىپ شىقتى.
سىلتەمەلەر
^ گرەكشە «پورنيا». تۇسىندىرمەنى قاراڭىز.
^ سوزبە-ٴسوز «1600 ستاديي». 1 ستاديي 185 مەترگە تەڭ. B14 قوسىمشاسىن قاراڭىز.
