ايان 19:1—21
19 بۇدان كەيىن مەن كوكتەن قالىڭ جاماعاتتىڭ دابىرىنداي قاتتى داۋىستاردى ەستىدىم. ولار بىلاي دەدى: «ەحوبانى ماداقتاڭدار*+! قۇتقارۋ، داڭق پەن قۇدىرەت قۇدايىمىزعا تيەسىلى.
2 سەبەبى ونىڭ ۇكىمدەرى دۇرىس تا ٵدىل+. ول ازعىندىعىمەن* جەردى بۇلدىرگەن ۇلى جەزوكشەگە شىعارعان ۇكىمىن جۇزەگە اسىرىپ، قۇلدارىنىڭ توگىلگەن قانى ٷشىن ودان ٶش الدى+».
3 ارتىنشا ولار ەكىنشى رەت: «ەحوبانى ماداقتاڭدار*+! ورتەنگەن بابىلدىڭ ٴتۇتىنى ماڭگى كوتەرىلە بەرمەك+!»— دەدى.
4 جيىرما ٴتورت اقساقال+ مەن ٴتورت تىرشىلىك يەسى+ دە تاقتا وتىرعان قۇدايعا تىزەرلەپ تاعزىم ەتىپ: «اۋمين! ەحوبانى ماداقتاڭدار!»*+— دەدى.
5 سونداي-اق تاقتان بىلاي دەگەن داۋىس شىقتى: «قۇدايىمىزدىڭ كۇللى قۇلدارى، ودان قورقاتىن ۇلىقتار مەن كىشىكتەر+، ونى ماداقتاڭدار!»+
6 سوسىن مەن قالىڭ جاماعاتتىڭ دابىرىنداي، كوپ سۋدىڭ سارقىراعانىنا جانە قاتتى كۇن كۇركىرىنە ۇقسايتىن داۋىستىڭ بىلاي دەگەنىن ەستىدىم: «ەحوبانى ماداقتاڭدار*+! قۇدىرەتى شەكسىز قۇدايىمىز ەحوبا+ پاتشالىق ەتۋدى باستادى+!
7 قۋانىپ، شاتتانايىق، ونىڭ داڭقىن اسىرايىق، ويتكەنى توقتىنىڭ ۇيلەنۋ سالتاناتى بولاتىن ۋاقىت جەتتى، قالىڭدىعى دا ازىرلەنىپ، دايىن وتىر.
8 وعان جالتىراعان، تازا ٵرى ساپالى زىعىردان كيىم كييۋ مارتەبەسى بەرىلدى. ساپالى زىعىر كيىم قاسيەتتىلەردىڭ ٵدىل ىستەرىن بىلدىرەدى+».
9 پەرىشتە ماعان: «مىنانى جازىپ قوي: توقتىنىڭ ۇيلەنۋ تويىنىڭ قوناقاسىنا شاقىرىلعاندار باقىتتى+»،— دەدى. ٴسۇيتىپ، ارتىنان: «قۇدايدىڭ بۇل سوزدەرى سەنۋگە تۇرارلىق»،— دەپ ايتتى.
10 سوندا مەن ونىڭ اياعىنا جىعىلىپ تابىنباق بولدىم. ٴبىراق ول ماعان: «ولاي ەتپە+! مەن نەبارى ٶزىڭ جانە يسا تۋرالى كۋالىك ٸسىن اتقارىپ جۇرگەن+ باۋىرلاستارىڭ سياقتى قۇلمىن. قۇدايعا عيبادات ەت+! سەبەبى يسا تۋرالى كۋالىك ەتۋ — پايعامبارلىقتاردىڭ ٴمانى+»،— دەدى.
11 بۇدان كەيىن كوكتىڭ اشىلعانىن جانە اق اتتى كوردىم+. ونىڭ ۇستىندە وتىرعان «ادال+ دا شىنايى»+ دەپ اتالادى. ول ٵدىل سوتتاپ، ٵدىل سوعىس جۇرگىزۋدە+.
12 ونىڭ كوزى وتتاي جالىنداپ تۇر ەكەن+، ال باسىنا كوپ ٴتاج كيىپتى. سونداي-اق وزىنەن باسقا ەشكىم بىلمەيتىن ەسىمى بار ەكەن،
13 ال ۇستىندەگى كيىمىنە قان جاعىلىپتى*. ونىڭ ەسىمى — «قۇداي ٴسوزى»+.
14 ونىڭ سوڭىنان اپپاق، تازا ٵرى ساپالى زىعىردان كيىم كيىپ، اق اتتارعا مىنگەن كوكتەگى اسكەرلەر ەرىپ كەلە جاتتى.
15 حالىقتاردى شاۋىپ تاستاۋ ٷشىن ونىڭ اۋزىنان وتكىر ۇزىن سەمسەر شىعىپ تۇردى+، ول ولارعا تەمىر اساتاياقپەن بيلىك ەتەدى+. سونداي-اق قۇدىرەتى شەكسىز قۇدايدىڭ قاھارلى اشۋىن بىلدىرەتىن شىرىن سىعاتىن ورىندا ٴجۇزىم تاپتايدى+.
16 كيىمىنىڭ جامباس تۇسىنا «پاتشالاردىڭ پاتشاسى، يەلەردىڭ يەسى»+ دەگەن ەسىم جازىلىپتى.
17 مەن كۇننىڭ ىشىندە تۇرعان پەرىشتەنى دە كوردىم. ول قاتتى ايعايلادى دا، اۋەدە ۇشىپ جۇرگەن بارلىق قۇستارعا: «كەلىڭدەر، قۇدايدىڭ ۇلى قوناقاسىنا جينالىڭدار+!
18 پاتشالاردىڭ، ٴجۇزباسىلار مەن كۇشتىلەردىڭ+، اتتار مەن ولاردىڭ ۇستىندەگىلەردىڭ+، سونداي-اق بارلىق ەرىكتىلەر مەن قۇلداردىڭ، كىشىكتەر مەن ۇلىقتاردىڭ ٴتانىن جەڭدەر!»— دەدى.
19 مۇنان كەيىن جىرتقىش اڭنىڭ، جەرجۇزىنىڭ پاتشالارى مەن ولاردىڭ اسكەرلەرىنىڭ ات ۇستىندە وتىرعانعا جانە ونىڭ اسكەرىنە قارسى سوعىسۋ ٷشىن جينالعانىن كوردىم+.
20 سوندا جىرتقىش اڭ دا، ونىڭ الدىندا كەرەمەتتەر جاساپ، جىرتقىش اڭنىڭ بەلگىسىن قابىلداعان+ ٵرى ونىڭ مۇسىنىنە تابىنعانداردى+ اداستىرىپ جۇرگەن جالعان پايعامبار+ دا ۇستالىپ، ەكەۋى كۇكىرت جانىپ جاتقان وتتى كولگە تىرىدەي لاقتىرىلدى+.
21 ال قالعاندارى ات ۇستىندە وتىرعاننىڭ اۋزىنان شىعىپ تۇرعان ۇزىن سەمسەرمەن ٶلتىرىلدى+. سوندا بارلىق قۇستار ولاردىڭ ٴتانىن جەپ تويىندى+.
سىلتەمەلەر
^ نەمەسە «ياحتى ماداقتاڭدار!» (الليلۋيا!) ياح — ەحوبا دەگەن ەسىمنىڭ قىسقا ٴتۇرى.
^ گرەكشە «پورنيا». تۇسىندىرمەنى قاراڭىز.
^ نەمەسە «ياحتى ماداقتاڭدار!» (الليلۋيا!) ياح — ەحوبا دەگەن ەسىمنىڭ قىسقا ٴتۇرى.
^ نەمەسە «ياحتى ماداقتاڭدار!» (الليلۋيا!) ياح — ەحوبا دەگەن ەسىمنىڭ قىسقا ٴتۇرى.
^ نەمەسە «ياحتى ماداقتاڭدار!» (الليلۋيا!) ياح — ەحوبا دەگەن ەسىمنىڭ قىسقا ٴتۇرى.
^ مۇمكىن: «بۇركىلىپتى».
