ايان 6:1—17
-
توقتىنىڭ التى ٴموردى اشۋى (1—17)
-
اق اتقا مىنگەن جەڭىمپاز (1، 2)
-
وتتاي قىزىل اتقا مىنگەن سالت اتتى جەر بەتىنەن تىنىشتىقتى الۋعا شىقتى (3، 4)
-
قارا اتقا مىنگەن سالت اتتى اشتىق اكەلۋگە شىقتى (5، 6)
-
سۇپ-سۇر اتتا وتىرعاننىڭ ەسىمى — «ٶلىم» (7، 8)
-
قۇرباندىق وشاعىنىڭ تۇبىندەگى ولتىرىلگەندەر (9—11)
-
قاتتى جەر سىلكىنىسى (12—17)
-
6 سودان كەيىن توقتىنىڭ+ جەتى ٴموردىڭ ٴبىرىنشىسىن اشقانىن+ كوردىم جانە ٴتورت تىرشىلىك يەسىنىڭ+ بىرەۋىنىڭ كۇن كۇركىرىندەي داۋىسپەن: «اتتان!»— دەگەنىن ەستىدىم.
2 مەن قارادىم دا، اق بوز اتتى كوردىم+. اتتا وتىرعاننىڭ قولىندا ساداعى بار ەكەن، سونداي-اق وعان ٴتاج بەرىلدى+. ول جولىنداعى جاۋلارىن جەڭىپ، اقىرىندا، تولىق جەڭىسكە جەتۋ ٷشىن اتتاندى+.
3 توقتى ەكىنشى ٴموردى اشقاندا، ەكىنشى تىرشىلىك يەسىنىڭ+: «اتتان!»— دەگەن داۋسىن ەستىدىم.
4 سوندا وتتاي قىزىل باسقا ات شىقتى. ادامدار ٴبىر-ٴبىرىن ٶلتىرۋ ٷشىن، اتتا وتىرعانعا جەر بەتىنەن تىنىشتىقتى جويۋ بيلىگى بەرىلىپ، ۇلكەن سەمسەر تابىس ەتىلدى+.
5 توقتى ٷشىنشى ٴموردى اشقاندا+، ٷشىنشى تىرشىلىك يەسىنىڭ+: «اتتان!»— دەگەن داۋسىن ەستىدىم. قارادىم دا، قارا اتتى كوردىم. اتتا وتىرعان قولىنا تارازى ۇستاپ الىپتى.
6 سوندا ٴتورت تىرشىلىك يەسىنىڭ اراسىنان: «ٴبىر كيلوگرامداي* بيداي ٴبىر دينار*+، ٷش كيلوگرامداي ارپا ٴبىر دينار بولسىن، ال ٴزايتۇن مايى مەن شاراپتى بۇلدىرمە»+،— دەگەن داۋىستى ەستىدىم.
7 توقتى ٴتورتىنشى ٴموردى اشقاندا، ٴتورتىنشى تىرشىلىك يەسىنىڭ+: «اتتان!»— دەگەن داۋسىن ەستىدىم.
8 قارادىم دا، سۇپ-سۇر اتتى كوردىم. اتتا وتىرعاننىڭ ەسىمى «ٶلىم» ەدى، ونىڭ سوڭىنان وكشەلەپ كور* كەلە جاتتى. ولارعا ۇزىن سەمسەرمەن، اشارشىلىقپەن+، ىندەتپەن جانە جىرتقىش اڭدارمەن جەردىڭ تورتتەن ٴبىر بولىگىن ولتىرۋگە بيلىك بەرىلدى+.
9 توقتى بەسىنشى ٴموردى اشقاندا، قۇرباندىق وشاعىنىڭ تۇبىنەن+ قۇداي ٴسوزى ٷشىن جانە كۋالىك بەرگەندەرى ٷشىن ولتىرىلگەندەردىڭ قانىن+ كوردىم+.
10 ولار قاتتى داۋىسپەن: «كيەلى دە شىنايى+ الەمنىڭ ٵمىرشىسى، قاشانعا دەيىن جەر بەتىندەگى ادامداردى سوتتامايسىڭ، قاشانعا دەيىن قانىمىز ٷشىن ٶش المايسىڭ+؟»— دەدى.
11 ولاردىڭ اربىرىنە اق شاپان بەرىلدى+ جانە كوپ ۇزاماي وزدەرى سياقتى ولتىرىلەتىن قىزمەتتەستەرى+ مەن باۋىرلاستارىنىڭ سانى تولعانعا دەيىن ٴسال كۇتە تۇرۋلارى كەرەكتىگى ايتىلدى.
12 توقتىنىڭ التىنشى ٴموردى اشقانىن كوردىم، سوندا قاتتى جەر سىلكىنىسى بولدى. كۇن قارا جۇننەن جاسالعان ازالى كيىمدەي قاپ-قارا، ال اي تۇگەلدەي قان قىزىل تۇسكە بويالدى+.
13 اسپانداعى جۇلدىزدار بولسا قاتتى جەل شايقاعاندا ٸنجىر اعاشىنىڭ پىسپەگەن جەمىستەرى ٷزىلىپ تۇسەتىنىندەي جەرگە اعىپ ٴتۇستى.
14 اسپان شيىرشىق سياقتى ورالىپ قالدى دا، عايىپ بولدى+. ال تاۋ مەن ارالدىڭ ٴبارى ورىندارىنان جىلجىتىلدى+.
15 جەردەگى پاتشالار، بەدەلدىلەر، قولباسشىلار، بايلار، كۇشتىلەر، قۇلدار مەن ەرىكتىلەردىڭ ٴبارى ۇڭگىرلەر مەن تاۋداعى جارتاستار اراسىنا جاسىرىندى+.
16 ولار تاۋلار مەن جارتاستارعا بىلاي دەۋمەن بولدى: «ۇستىمىزگە قۇلاپ+، ٴبىزدى تاقتا وتىرعاننىڭ+ كوزىنەن تاسا قىلىپ، توقتىنىڭ+ قاھارىنان جاسىرا كورىڭدەر.
17 ويتكەنى ولاردىڭ قاھار توگەتىن ۇلى كۇنى كەلدى+، كىم ودان امان قالادى+؟!»
سىلتەمەلەر
^ نەمەسە «كۆارت». B14 قوسىمشاسىن قاراڭىز.
^ B14 قوسىمشاسىن قاراڭىز.
^ گرەكشە «گادەس». تۇسىندىرمەنى قاراڭىز.
