تىموتەگە 2-حات 2:1—26
2 سونىمەن، بالام+، ٴماسىح يسامەن بىرلىكتە بولۋدىڭ ارقاسىندا وزىڭە كورسەتىلگەن راقىمنان كۇش-قۋات الا بەر.
2 سونداي-اق كوپتەگەن كۋاگەرلەردىڭ كوزىنشە مەنەن ەستىگەندەرىڭدى+ ادال كىسىلەرگە سەنىپ تاپسىر، سوندا ولار دا وزگەلەرگە ٴتالىم بەرۋگە قابىلەتتى بولادى.
3 ٴماسىح يسانىڭ جاقسى ساربازى رەتىندە+ قيىندىق كورۋگە دايىن بول+.
4 ەشبىر سارباز ٶزىن اسكەري قىزمەتكە العان كىسىنىڭ ىقىلاسىنا يە بولۋ ٷشىن، ساۋدا-ساتتىقپەن اينالىسپايدى*.
5 جارىسقا قاتىساتىن ادام دا جارىس ەرەجەسىن بۇزسا، جۇلدە* المايدى+.
6 تەر توگىپ ەڭبەك ەتكەن ديقان ٶز ونىمىنەن ٴبىرىنشى بولىپ ٴدام تاتۋى ٴتيىس.
7 وسى ايتقاندارىم جونىندە ٵردايىم وي جۇگىرت، سوندا يەمىز ساعان ٴبارىن ۇعۋىڭ ٷشىن تۇسىنىك بەرەدى.
8 يسا ٴماسىحتىڭ قايتا تىرىلگەنىن+ جانە ونىڭ ٴداۋىتتىڭ ۇرپاعى بولعانىن+ ەسىڭدە ۇستا. مەن ۋاعىزداپ جۇرگەن ىزگى حابار — وسى+.
9 وسى ۋاعىز ٷشىن مەن ازاپ شەگىپ، قىلمىسكەر رەتىندە تۇرمەدە وتىرمىن+. سويتسە دە قۇداي ٴسوزى بۇعاۋلانعان جوق+.
10 سوندىقتان قۇداي تاڭداپ العاندار دا ٴماسىح يسا ارقىلى قۇتقارىلۋى ٵرى ماڭگىلىك داڭققا يە بولۋى ٷشىن بارىنە ٴتوزىپ ٴجۇرمىن+.
11 مىنا سوزدەر سەنۋگە تۇرارلىق: ونىمەن بىرگە ولسەك، مىندەتتى تۇردە ونىمەن بىرگە ٶمىر سۇرەمىز+؛
12 تاباندىلىق تانىتا بەرسەك، ونىمەن بىرگە پاتشا رەتىندە بيلىك ەتەمىز+؛ ودان باس تارتساق، ول دا بىزدەن باس تارتادى+؛
13 ٴتىپتى ٴبىز ادالدىعىمىزدان تايساق تا، قۇداي ادالدىعىنان تايمايدى، ويتكەنى ول ٶز بولمىسىنا قايشى ارەكەت ەتە المايدى.
14 وسىلاردى ۇنەمى ەستەرىنە سالىپ، سوزدەرگە بولا ايتىسىپ-تارتىسپاۋدى قۇداي الدىندا ەسكەرت. ويتكەنى مۇنىڭ ەش پايداسى جوق، تىڭداۋشىلارعا تەك نۇقسان كەلتىرەدى.
15 قۇداي الدىندا وعان ۇنامدى بولۋ جانە شىندىق ٴسوزىن دۇرىس ۇيرەتىپ، ەش ۇياتقا قالمايتىن جۇمىسشى بولۋ ٷشىن قولىڭنان كەلگەننىڭ ٴبارىن ىستە+.
16 قاسيەتتىنى قور قىلاتىن بوس اڭگىمەلەردەن اۋلاق بول+. بۇلاردى ايتاتىندار قۇدايعا ۇنامسىز ىستەردى بۇرىنعىدان دا كوپ جاسايتىن بولادى،
17 ال سوزدەرى قاعىنا تيگەن جاراداي* جايىلماق. سوندايلاردىڭ اراسىندا يمەنەي مەن فىلەت بار+.
18 ولار قايتا ٴتىرىلۋ بولىپ قويدى دەپ، شىندىق جولىنان تايدى+ جانە كەيبىرەۋلەردىڭ سەنىمىن جويۋدا.
19 ٴبىراق قۇداي قالاعان بەرىك نەگىز ەش شايقالمايدى. وندا كەلەسى سوزدەر ٴمور باسىلعانداي جازىلعان: «ەحوبا ٶز مەنشىگىندەگىلەردى بىلەدى»+ جانە «ەحوبانىڭ ەسىمىن اتاپ شاقىرعان+ اركىم ادىلەتسىزدىككە جولاماسىن!»
20 ۇلكەن ۇيدە التىن مەن كۇمىستەن عانا ەمەس، اعاش پەن قىشتان جاسالعان ىدىستار دا بار. ولاردىڭ ٴبىرى قادىرمەن تۇتىلسا، وزگە ٴبىرى قادىر-قۇرمەتتەن ادا.
21 سوندىقتان كىم سوڭعىلارىنان اۋلاق جۇرسە، قادىرمەن تۇتىلاتىن، قاسيەتتى، يەسىنىڭ پايداسىنا اساتىن ٵرى يگى ىسكە دايىن ىدىس بولادى.
22 سول سەبەپتى سەن جاستىق شاققا ٴتان قالاۋلاردان اۋلاق بول، قايتا، تازا جۇرەكپەن يەمىزگە ارقا سۇيەيتىندەرمەن بىرگە ادىلدىك، سەنىم، سۇيىسپەنشىلىك پەن تاتۋلىققا ۇمتىل.
23 سونداي-اق اقىلسىز، ٴمانسىز ايتىستارعا جولاما+، ولاردىڭ داۋ-جانجال تۋعىزاتىنىن بىلەسىڭ عوي.
24 يەمىزدىڭ قۇلى جانجالداسپاۋ كەرەك. ول بارىنە مەيىربان*+، ٴتالىم بەرۋگە قابىلەتتى جانە جاماندىققا كەزىككەندە، ۇستامدى بولۋ كەرەك+.
25 سونداي-اق ايتىلعان سوزبەن كەلىسپەيتىندەردى جۇمساقتىقپەن ەسكەرتكەن دۇرىس+. سوندا قۇداي ولاردى وكىندىرىپ، تۋرا بىلىمگە يە قىلار+.
26 سوندا ٸبىلىس ٶز ەركىن ورىنداتۋ ٷشىن وزدەرىن تىرىدەي ۇستاپ العانىن+ كورىپ، ەستەرىن جيادى دا، ونىڭ تۇزاعىنان بوسانا الادى.
سىلتەمەلەر
^ مۇمكىن: «كۇيبەڭ تىرلىككە ارالاسپايدى».
^ سوزبە-ٴسوز «ٴتاج».
^ نەمەسە «گانگرەنا سياقتى».
^ نەمەسە «ٸلتيپاتتى».
