مۇسانىڭ 1-جازباسى 17:1—27
17 ىبىرام 99 جاسقا كەلگەندە، ەحوبا وعان كورىنىپ، بىلاي دەدى: «مەن قۇدىرەتى شەكسىز قۇدايمىن. مەنىڭ كوز الدىمدا ادال ٴجۇر، ٴمىنسىز بول.
2 مەن سەنىمەن كەلىسىم جاساپ+، ٷرىم-بۇتاعىڭدى سانسىز كوپ ەتەمىن+».
3 سوندا ىبىرام جەرگە باس ۇرىپ تاعزىم ەتتى. قۇداي ٴسوزىن جالعاپ بىلاي دەدى:
4 «ايتقانىم ايتقان، سەنىمەن جاساعان كەلىسىمىم+ بويىنشا، سەن كوپتەگەن حالىقتىڭ ٴتۇپ اتاسى بولاسىڭ+.
5 بۇدان بىلاي اتىڭ ىبىرام* ەمەس، ىبىرايىم* بولادى. ويتكەنى سەنى كوپتەگەن حالىقتىڭ ٴتۇپ اتاسى ەتەمىن.
6 ٷرىم-بۇتاعىڭدى سانسىز كوپ ەتىپ، حالىقتار تاراتامىن، سەنەن پاتشالار دا شىعاتىن بولادى+.
7 مەن سەنىمەن، ۇرپاعىڭمەن جانە ولاردىڭ ۇرپاقتارىمەن جاساسقان ماڭگىلىك كەلىسىمىمدى ورىنداپ+، سەنىڭ جانە ۇرپاعىڭنىڭ قۇدايى بولامىن.
8 ٶزىڭ جاتجەرلىك بولىپ تۇرىپ جاتقان وسى جەردى+، بۇكىل قاناحان جەرىن، ساعان جانە ۇرپاعىڭا ماڭگى يەلىككە بەرىپ، ولاردىڭ قۇدايى بولامىن+».
9 قۇداي ىبىرايىمعا تاعى بىلاي دەدى: «ال سەن مەنىڭ كەلىسىمىمە ادال بول. ونى ٶزىڭ دە، ۇرپاعىڭ دا، ولاردىڭ ۇرپاقتارى دا ۇستانسىن.
10 مەنىڭ سەندەرمەن جانە كەلەر ۇرپاقتارىڭمەن بەكىتكەن ٵرى سەندەر ۇستانۋلارىڭ كەرەك كەلىسىمىم بويىنشا، ەركەك كىندىكتىنىڭ ٴبارى سۇندەتتەلسىن+.
11 سۇندەتتەلگەندەرىڭ مەنىڭ سەندەرمەن جاساسقان كەلىسىمىمنىڭ بەلگىسى بولماق+.
12 ۇيىڭدە تۋىلعان ٵربىر ۇل بالا سەگىزىنشى كۇنى سۇندەتتەلسىن+. سونداي-اق جاتجەرلىكتەن ساتىپ الىنعان ٵرى سەنىڭ ۇرپاعىڭا جاتپايتىن ەركەك كىندىكتىلەر سۇندەتتەلسىن. بۇل ٴراسىم ۇرپاقتان ۇرپاققا جالعاسسىن.
13 سونىمەن، ۇيىڭدە تۋىلسا دا، ساتىپ الىنسا دا، ەركەك كىندىكتىنىڭ ٴبارى سۇندەتتەلسىن+. تاندەرىڭدە بەلگىسى سالىنعان وسى كەلىسىمىم ماڭگىلىك كەلىسىم بولماق.
14 سۇندەتتەلمەگەن ٵربىر ەركەكتىڭ ٶز حالقىنىڭ اراسىنان كوزى قۇرتىلسىن، سەبەبى ول مەنىڭ كەلىسىمىمدى بۇزدى».
15 قۇداي ىبىرايىمعا ٵرى قاراي بىلاي دەدى: «ايەلىڭدى ەندى ساراي*+ ەمەس، سارا* دەپ اتا.
16 مەن وعان باتامدى بەرىپ، ساعان ودان ۇل سيلايمىن+. ونى جارىلقاپ، ودان كوپ ۇلت تاراتامىن، سونداي-اق حالىقتاردىڭ پاتشالارىن شىعارامىن».
17 مۇنى ەستىگەندە، ىبىرايىم جەرگە باس ۇرىپ تاعزىم ەتتى. سوسىن كۇلىپ، ىشتەي+: «جۇزگە كەلگەن ادام ۇلدى بولىپ، توقسانعا كەلگەن سارا بالا تابا ما+؟!»— دەدى.
18 بۇدان سوڭ ىبىرايىم قۇدايعا: «ىسماعۇل سەنىڭ كوز الدىڭدا ٴتىرى جۇرگەي+!»— دەدى.
19 ال قۇداي بىلاي دەدى: «ايەلىڭ سارا ساعان ۇل تۋىپ بەرەدى، ونىڭ اتىن ىسقاق*+ دەپ قوياسىڭ. مەن ىسقاقپەن كەلىسىم جاساپ، ونى ٷرىم-بۇتاعى ٷشىن ماڭگىلىككە بەكىتەمىن+.
20 ال ىسماعۇل تۋرالى ايتقان ٶتىنىشىڭدى ەستىدىم. وعان دا باتامدى بەرىپ، ٷرىم-بۇتاعىن سانسىز كوپ ەتەمىن. ودان ون ەكى رۋباسى شىعادى، مەن ودان ۇلكەن حالىق تاراتامىن+.
21 الايدا كەلىسىمىمدى سارا كەلەسى جىلى وسى ۋاقىتتا تۋاتىن+ ىسقاقپەن جاسايمىن+».
22 وسىمەن قۇداي ٴسوزىن اياقتاپ، ىبىرايىمنىڭ قاسىنان كەتىپ قالدى.
23 ىبىرايىم تاپ سول كۇنى ۇلى ىسماعۇلدى، ۇيىندە تۋىلعان جانە ساتىپ العان ەركەك كىندىكتىنى، ياعني ٷي ىشىندەگى بارلىق ەر ادامدى جيناپ الىپ، قۇدايدىڭ ايتۋى بويىنشا سۇندەتتەدى+.
24 ىبىرايىم سۇندەتتەلگەندە+، جاسى 99 دا،
25 ال ىسماعۇل سۇندەتتەلگەندە، 13 جاستا بولاتىن+.
26 وسىلايشا ىبىرايىم مەن ۇلى ىسماعۇل سول كۇنى-اق سۇندەتتەلدى.
27 ونىمەن بىرگە ٷي ىشىندەگى بار ەركەك كىندىكتى، ۇيىندە تۋىلعاندارى مەن ساتىپ الىنعاندارى، تۇگەل سۇندەتتەلدى.
سىلتەمەلەر
^ ماعىناسى «ۇلىق اتا».
^ ماعىناسى «كوپتىڭ اتاسى».
^ ماعىناسى «حانشايىم».
^ «ٴسوز تالاستىرۋشى» دەگەندى ٴبىلدىرۋى مۇمكىن.
^ ماعىناسى «كۇلكى».
