ناقىل سوزدەر 3:1—35
3 بالام، ٴتالىمىمدى* ۇمىتپا،وسيەتتەرىمدى شىن جۇرەگىڭمەن ورىندا،
2 ويتكەنى ولار كۇنىڭە كۇن،عۇمىرىڭا عۇمىر قوسىپ، تىنىشتىق سيلار+.
3 اينىماس سۇيىسپەنشىلىك پەن ادالدىقتان* اجىراما+.
ولاردى موينىڭا تاعىپ ال،جۇرەگىڭە* جازىپ قوي+.
4 سوندا سەنى قۇداي دا، ادام دا ۇناتىپ+،تەرەڭ تۇسىنىگى بار دەپ بىلەدى.
5 ەحوباعا بار جۇرەگىڭمەن سەنىم ارت+،ٶز اقىلىڭا سۇيەنىپ جۇرمە+.
6 بارلىق ىسىڭدە ونى ەسكەر+،سوندا ول جولىڭدى تەگىستەر+.
7 ٶزىڭدى دانامىن دەپ ساناما+.
ەحوبادان قورقىپ، جاماندىققا جولاما.
8 بۇل تانىڭە شيپا بولىپ،سۇيەكتەرىڭدى نىعايتار.
9 ەحوبانى قۇرمەتتە قۇندى نارسەلەرىڭمەن+،جەرىڭنىڭ العاشقى* ونىمىمەن+.
10 سوندا قامبالارىڭ لىق تولار+،استاۋلارىڭنان* جاڭا شاراپ اسىپ-تاسار.
11 بالام، ەحوبا جونگە سالعاندا، باس تارتپا+،تۇزەتكەندە، ونىسىن جەك كورىپ جۇرمە+.
12 اكەسى جاقسى كورەتىن بالاسىن تۇزەتكەندەي+،ەحوبا كىمدى جاقسى كورسە، سونى تۇزەتەدى+.
13 قانداي باقىتتى دانالىقتى تاپقان ادام+،پارىقتىلىققا ۇيرەنگەن جان!
14 دانالىقتى يەمدەنۋ كۇمىستەن ارتىق،ونىڭ بەرەر پايداسى التىننان زور+.
15 ول مارجاننان دا قىمبات،قۇمارتقان ەش نارسەڭ وعان تەڭ كەلمەس.
16 ۇزاق عۇمىر ونىڭ وڭ قولىندا،بايلىق پەن قادىر-قۇرمەت سول قولىندا.
17 ونىڭ جولدارى جاعىمدى،تاتۋلىققا جەتەلەيدى بارلىعى+.
18 يە بولعاندارعا ول — ٶمىر اعاشى،ونى بەرىك ۇستانعاندار باقىتتى سانالادى+.
19 ەحوبا جەردىڭ نەگىزىن دانالىقپەن قالادى+،اسپاندى اقىل-پاراساتپەن* نىق ورناتتى+.
20 ونىڭ بىلىمىمەن تۇڭعيىق سۋلار ٴبولىندى،اسپانداعى بۇلتتان تامشىلاپ جاڭبىر جاۋدى+،
21 بالام، بۇلاردى* ەلەۋسىز قالدىرما.
دانالىق پەن سانالىلىقتى ساقتا،
22 ساعان ولار ٶمىر سيلار،مويىنعا تاعىلعان القاداي بولار.
23 سوندا جولىڭدا قاۋىپسىز جۇرەسىڭ،اياعىڭ شالىنىپ، ەشقاشان سۇرىنبەيسىڭ+.
24 جاتقاندا ەش نارسەدەن قورىقپايسىڭ+،توسەكتە راقاتتانىپ ۇيىقتايسىڭ+.
25 كەنەتتەن كەلەتىن اپاتتان شوشىمايسىڭ+،زۇلىمدارعا تونگەن داۋىلدان ۇرەيلەنبەيسىڭ+.
26 ەحوبا تىرەنىشىڭ بولادى+،اياعىڭدى تۇزاقتان ساقتايدى+.
27 قولىڭنان كەلىپ تۇرعاندا+،مۇقتاجدارعا جاقسىلىق جاساۋدان تارتىنبا+.
28 قولىڭدا بار بولا تۇرا،«بار، كەيىن كەل! ەرتەڭ بەرەمىن»،— دەمە.
29 جانىڭدا بەيقام تۇرىپ جاتقان ادامعاقيانات جاساۋدى ويلاۋشى بولما+.
30 وزىڭە جاماندىق جاساماسا+،ەش سەبەپسىز اداممەن جانجالداسپا+.
31 بۇزاقى ادامعا قىزىعىپ قاراما+،ونىڭ بىردە-ٴبىر جولىن تاڭداما،
32 ويتكەنى ەحوبا ارامزا ادامنان جەركەنەدى+،شىنشىل اداممەن جاقىن دوس بولادى+.
33 ەحوبا زۇلىمنىڭ ۇيىنە قارعىس ايتادى+،ال ٵدىلدىڭ ۇيىنە باتاسىن جاۋدىرادى+.
34 مازاقتاعىشتاردىڭ ٶزىن مازاق ەتەدى+،مومىندارعا ىقىلاسىن تۇسىرەدى+.
35 دانالار سي-قۇرمەتكە بولەنەر،ناداندار ماسقارا نارسەنى ماداقتار+.
سىلتەمەلەر
^ نەمەسە «زاڭىمدى».
^ نەمەسە «شىندىقتان».
^ سوزبە-ٴسوز «جۇرەگىڭنىڭ تاقتاشاسىنا».
^ نەمەسە «ەڭ جاقسى».
^ نەمەسە «ٴجۇزىم سىعاتىن ورىندارىڭنان».
^ نەمەسە «پارىقتىلىقپەن؛ قىراعىلىقپەن».
^ الدىڭعى تارماقتاردا ايتىلعان قۇدايدىڭ قاسيەتتەرىنە نۇسقاپ تۇرسا كەرەك.
