يشايا 19:1—25
19 مىسىر تۋرالى اۋىر حابار+:
مىنە، ەحوبا ۇشقىر بۇلتقا ٴمىنىپ، مىسىرعا زۋلاپ كەلەدى.
ونىڭ الدىندا مىسىردىڭ تۇككە تۇرعىسىز قۇدايلارى دىردەك قاعادى+،مىسىردىڭ جۇرەگى سۋلايدى.
2 «مەن مىسىرلىقتاردى ٴبىر-بىرىنە قارسى قويامىن.
ولار ٶزارا قىرىلىسادى،اركىم ٶز باۋىرىمەن، ٶز جەرلەسىمەن شايقاسادى،قالا قالاعا، پاتشالىق پاتشالىققا قارسى سوعىسادى.
3 مىسىرلىقتار ەستەرى كەتە ابدىرايدى،جوسپارلارى جۇزەگە اسپايدى+.
ولار تۇككە تۇرعىسىز قۇدايلارعا،ارباۋشىلارعا، ارۋاق شاقىراتىندار مەن ساۋەگەيلەرگە جۇگىنەدى+.
4 مەن مىسىرلىقتاردى قاتال قوجايىننىڭ قولىنا تاپسىرامىن،ولارعا مەيىرىمسىز پاتشا بيلىك ەتەدى+»،— دەيدى شىنايى يەمىز اسكەرباسى ەحوبا.
5 تەڭىزدىڭ سۋى تارتىلىپ،وزەن كەۋىپ، قۇرعاپ قالادى+.
6 وزەندەر ساسىپ كەتەدى؛مىسىردىڭ ٴنىل سالالارى تايازدانىپ، كەۋىپ قالادى.
قامىس پەن قۇراق قۋراپ جوق بولادى+.
7 ٴنىل وزەنىنىڭ بويىنداعى، ونىڭ ساعاسىنداعى وسىمدىكتەر قۋراپ،ٴنىل بويىنداعى ٴدان سەبىلگەن جەردىڭ ٴبارى+ كەۋىپ قالادى+.
ولاردى جەل ۇشىرىپ اكەتىپ، جوق قىلادى.
8 بالىقشىلار قايعىرادى،نىلگە قارماق تاستايتىندار زار جىلايدى،ونىڭ سۋىنا اۋ سالاتىنداردىڭ سانى ازايادى.
9 تۇتىلگەن زىعىردان+ ماتا توقيتىندار ماسقارا بولادى،كەرگى اعاشتا باتەس توقيتىندار ۇياتقا قالادى.
10 مىسىر توقىماشىلارىنىڭ ەڭسەلەرى تۇسەدى،جالدامالى جۇمىسشىلارىنىڭ ٴبارى قايعىعا باتادى.
11 زوعان+ بەكزادالارى اقىلسىز.
پەرعاۋىننىڭ ەڭ دانىشپان كەڭەسشىلەرى قيسىنسىز اقىل ايتادى+.
قالايشا سەندەر پەرعاۋىنعا «مەن دانىشپانداردىڭ ۇرپاعىمىن،ەجەلدەگى پاتشالار اۋلەتىنەن شىققانمىن» دەيسىڭدەر؟
12 ەندەشە سول دانىشپاندارىڭ قايدا+؟
كانە، بىلەتىن بولسا، اسكەرباسى ەحوبانىڭ مىسىرعا قاتىستى شەشىمىن ايتىپ بەرسىن.
13 زوعان بەكزادالارى اقىماقتىق جاسادى،نوف*+ بەكزادالارى الداندى،مىسىردىڭ تايپا باسشىلارى ونى اداستىردى.
14 ەحوبا وعان ابدىراتاتىن رۋح توكتى+،باسشىلارى مىسىردى بارلىق ىسىندە اداستىرىپ،ٶز قۇسىعىنا تايىپ، تەڭسەلگەن ماس ادامداي قىلدى.
15 سوندا مىسىرداعى باس پەن قۇيرىقتىڭ دا، وسكىن مەن قۇراقتىڭ دا*،قولىنان ەشتەڭە كەلمەيتىن بولادى.
16 سول كۇنى مىسىر ايەل سياقتى بولادى. ول وزىنە قاراي جۇدىرىعىن تۇيگەن اسكەرباسى ەحوبادان+ قورقىپ، ٴدىرىل قاعادى.
17 ياھۋدا جەرى مىسىردىڭ زارەسىن ۇشىرادى. ونىڭ اتى اتالعاننان-اق، بويلارىن ۇرەي بيلەيدى، ويتكەنى اسكەرباسى ەحوبا ولارعا قارسى شەشىم قابىلدادى+.
18 سول كۇنى مىسىر جەرىندە قاناحان تىلىندە سويلەيتىن جانە اسكەرباسى ەحوباعا ادال بولۋدى انت ەتەتىن بەس قالا بولادى+. ولاردىڭ ٴبىرى «كۇيرەۋ قالاسى» دەپ اتالادى.
19 سول كۇنى مىسىر جەرىنىڭ ورتاسىندا ەحوباعا ارنالعان قۇرباندىق ورنى تۇرعىزىلادى، ال ونىڭ شەگاراسىنا ەحوبانى دارىپتەۋ ٷشىن باعانا قويىلادى.
20 بۇلار اسكەرباسى ەحوبا مىسىر جەرىندە ۇمىتىلماس ٷشىن بەلگى بولماق. سەبەبى ولار جابىرلەۋشىلەرىنەن قورعاۋىن سۇراپ ەحوباعا جالبارىنادى، سوندا ول امان ساقتايتىن قۇتقارۋشى، ۇلى قۇتقارۋشى جىبەرەدى.
21 وسىلاي ەحوبا مىسىرلىقتار اراسىندا تانىمال بولادى، سول كۇنى مىسىرلىقتار ەحوبانى تانىپ-بىلەدى. ولار ەحوباعا قۇرباندىقتار مەن سي-تارتۋلار ۇسىنىپ، وعان انت بەرەدى، ٵرى سولارىن ورىندايدى.
22 ەحوبا مىسىردى جازالايدى+. وعان سوققى بەرەدى، ونى ساۋىقتىرادى. سوندا ولار ەحوباعا بەت بۇرادى، ول بولسا جالبارىنعان ۇندەرىنە قۇلاق اسادى ٵرى ولاردى ساۋىقتىرادى.
23 سول كۇنى مىسىردان اسسيرياعا قاراي داڭعىل جول سالىنادى+. سوندا اسسيريالىقتار مىسىرعا كەلەدى، ال مىسىرلىقتار اسسيرياعا بارىپ، سولارمەن بىرگە قۇدايعا قىزمەت ەتەتىن بولادى.
24 سول كۇنى يسرايل مىسىر مەن اسسيرياعا قوسىلىپ+، جەر ٷشىن باتا بولادى.
25 ويتكەنى اسكەرباسى ەحوبا ولارعا باتاسىن بەرىپ: «حالقىم مىسىر، ٶز قولىمنان شىققان اسسيريا جانە مەنشىكتى يەلىگىم يسرايل جارىلقانسىن!»— دەيدى+.
