يشايا 30:1—33
30 «قيقار ۇلدار قاسىرەتكە قالادى+!— دەيدى ەحوبا.
—ولار كۇنالارىنا كۇنا قوسۋ ٷشىن،مەنىڭ ەمەس، ٶز جوسپارلارىن جۇزەگە اسىرادى+،مەنىڭ رۋحىمنىڭ باسشىلىعىنا جۇگىنبەي، وداقتار قۇرادى.
2 ولار مەنەن باسشىلىق سۇراماي+، ىلديلاپ مىسىرعا بارادى+.
پەرعاۋىننان قورعانىش ىزدەپ، مىسىردىڭ ساياسىن پانالاۋدى قالايدى.
3 ٴبىراق پەرعاۋىننىڭ قورعانىشى ولاردى ۇياتقا قالدىرادى،مىسىردىڭ ساياسى ماسقارالارىن شىعارادى+.
4 ويتكەنى بەكزادالارى زوعاندا ٴجۇر+،وكىلدەرى حانەسكە جەتىپ قالدى.
5 وزدەرىنە ەش پايداسى تيمەيتىن،قول ۇشىن بەرىپ، كومەكتەسە المايتىن،تەك ۇياتقا قالدىرىپ، ماسقارا قىلاتىنمىسىرلىقتار ٷشىن ٴبارى دە جەر بولادى+».
6 وڭتۇستىكتىڭ جانۋارلارى تۋرالى اۋىر حابار:
ولار بايلىقتارىن ەسەكتەرگە،تارتۋ-تارالعىلارىن تۇيەلەرگە تيەپ الىپ،ارىستان، اقىرعان ارىستان مەكەندەيتىن،جىلاندار مەن زاھارلى وقجىلاندار جايلاعان قورقىنىشتى ٴشول دالا ارقىلى ٶتىپ بارادى.
ٴبىراق بۇلاردان حالىققا ەش پايدا بولمايدى.
7 مىسىردىڭ كومەگىنىڭ ەش پايداسى جوق+.
سوندىقتان مەن ونى «تىنىش وتىرعان راحاب» دەپ اتادىم+.
8 «ەندى بار دا، وسىنى كوزدەرىنشە تاقتاشاعا ٴتۇسىر،كىتاپقا جازىپ قوي+.
بۇل كەلەشەكتە ولار ٷشىن مىزعىماس كۋالىك بولسىن+.
9 سەبەبى بۇل — بۇلىكشىل حالىق+، ارامزا ۇلدار+،مەنىڭ، ەحوبانىڭ، زاڭىن تىڭداعىسى كەلمەيتىن ۇلدار+.
10 ولار ايان كورەتىندەرگە: —ايان كورمەڭدەر،— دەيدى.
ال پايعامبارلارعا: —ٴبىز جايلى شىندىقتى پايعامبارلىق ەتپەڭدەر+،قۇلاققا جاعىمدىنى، قيالدان تۋعان نارسەلەردى ايتىڭدار+.
11 جولدان تايىڭدار، تۋرا جولدان اۋىتقىڭدار.
بىزگە يسرايلدىڭ كيەلى قۇدايى تۋرالى ايتۋدى دوعارىڭدار+،— دەيدى».
12 سوندىقتان يسرايلدىڭ كيەلى قۇدايى مىنانى ايتادى:
«سەندەر مەنىڭ سوزىمنەن باس تارتىپ+،وتىرىك پەن قۋلىققا سەنىم ارتىپ، سولارعا جۇگىنەسىڭدەر+.
13 سوندىقتان وسى قاتەلىكتەرىڭ سەندەر ٷشىن جارىلعان قابىرعا ىسپەتتى،قۇلاۋعا شاق تۇرعان بيىك قابىرعا ىسپەتتى بولادى.
ول كەنەتتەن، ٵپ-ساتتە قيراپ قالادى.
14 ول ۇلكەن قىش قۇمىراداي قيراپ،تۇگى قالماي كۇلپارشاسى شىعادى،وشاقتان وت الاتىن نە شالشىقتان* سۋ الاتىن سىنىعى دا قالمايدى».
15 يسرايلدىڭ كيەلى قۇدايى الەمنىڭ ٵمىرشىسى ەحوبا بىلاي دەيدى:
«ماعان قايتا بەت بۇرىپ، دامىل تابىڭدار، سوندا امان بولاسىڭدار.
سابىر ساقتاپ، ماعان سەنىم ارتساڭدار، كۇشتى بولاسىڭدار+».
ٴبىراق سەندەر ولاي ەتپەدىڭدەر+.
16 قايتا، سەندەر «جوق، ٴبىز اتقا ٴمىنىپ قاشىپ كەتەمىز!» دەدىڭدەر.
سوندىقتان سەندەر، راسىندا دا، قاشاسىڭدار.
سەندەر «جۇيرىك اتتارعا ٴمىنىپ قاشىپ كەتەمىز!» دەدىڭدەر+.
سوندىقتان سوڭدارىڭا تۇسكەندەر دە جۇيرىك بولادى+.
17 ٴبىر ادام ايبات كورسەتسە، مىڭىڭنىڭ زارەسى ۇشادى+،بەس ادام ايبات كورسەتسە، تۇرا قاشاسىڭدار.
سەندەردەن قالعاندار تاۋ باسىنداعى دىڭگەك سياقتى،توبە باسىنداعى باعانا* سياقتى بولعانشا قاشاسىڭدار+.
18 ٴبىراق ەحوبا سەندەرگە ىقىلاسىن ٴتۇسىرۋ ٷشىن شىداممەن كۇتىپ وتىر+.
ول سەندەرگە مەيىرىم تانىتۋ ٷشىن تۇرەگەلەدى+.
ويتكەنى ەحوبا — ادىلدىك ورناتاتىن قۇداي+.
ونى تاعاتسىزدانا كۇتەتىندەردىڭ ٴبارى باقىتتى+.
19 سيون حالقى يەرۋساليمگە قايتا قونىستانعاندا+، سەن ەندى قايتىپ جىلامايسىڭ+. كومەككە شاقىرىپ جالبارىنعانىڭدا، ول ىقىلاسىن تۇسىرەدى. داۋسىڭدى ەستي سالا، ساعان جاۋاپ بەرەدى+.
20 ەحوبا سەندەرگە قاسىرەتتى نانشا جەگىزىپ، قاناۋشىلىقتى سۋداي ٴسىمىرتىپ ەدى+. ٴبىراق ەندى ۇلى تالىمگەرلەرىڭ بۇدان بىلاي سەندەردەن ٶزىن جاسىرمايدى. سەندەر ۇلى تالىمگەرلەرىڭدى+ ٶز كوزدەرىڭمەن كورەسىڭدەر.
21 ەگەر وڭعا نە سولعا اۋىتقىپ كەتسەڭدەر، تۋ سىرتتارىڭنان «جول — مىناۋ+، وسى جولمەن جۇرىڭدەر!» دەگەن داۋىستى ەستيسىڭدەر+.
22 سەندەر ويىپ جاسالعان تاڭىرلەرىڭدى قاپتاعان كۇمىستى جانە تەمىردەن قۇيىلعان مۇسىندەرىڭدى قاپتاعان التىندى ارامدايسىڭدار+. ولارعا: «قۇرىپ جوعالىڭدار!»*— دەپ، ايەلدىڭ ەتەككىرى كەزىندە قولدانعان شۇبەرەگىندەي لاقتىرىپ تاستايسىڭدار+.
23 قۇداي توپىراققا سەپكەن تۇقىمدارىڭا جاڭبىر جاۋدىرادى+، جەر ناندى كول-كوسىر ەتىپ بەرەدى+. سول كۇنى مالدارىڭ كەڭ جايىلىمدا جايىلاتىن بولادى+.
24 جەر وڭدەيتىن ٸرى قارالارىڭ مەن ەسەكتەرىڭ جەل وتىندە كۇرەكپەن، ايىرمەن تازارتىلىپ، قىمىزدىق قوسىلعان ٴنارلى جەم جەيدى.
25 ۇلكەن قانتوگىس بولىپ، مۇنارالار قۇلاعان كۇنى ٵربىر بيىك تاۋ مەن توبەدە جىلعالار مەن ارىقتار اعاتىن بولادى+.
26 ەحوبا حالقىنىڭ سىنعان سۇيەگىن تاڭىپ+، ٶزى بەرگەن سوققىدان العان اۋىر جاراقاتىن جازعان كۇنى+، تولعان ايدىڭ جارىعى كۇن ساۋلەسىندەي، ال كۇننىڭ جارىعى جەتى كۇننىڭ جارىعىنداي جەتى ەسە جارىق بولادى+
27 مىنە، ەحوبا* الىستان كەلە جاتىر،ول قاھارى لاۋلاپ، تۇنەرگەن قارا بۇلتپەن كەلە جاتىر.
ونىڭ اۋزىنان شىققان سوزدەرى قاھارلى،ال ٴتىلى جالمايتىن وتقا ۇقسايدى+.
28 ونىڭ لەبى مويىنعا دەيىن كوتەرىلگەن ەكپىندى اعىسقا ۇقسايدى.
ول تۇك قالماعانشا، ۇلتتاردى ەلەكتەن* وتكىزەدى.
حالىقتاردى اداستىرۋ ٷشىن باستارىنا جۇگەن كيگىزەدى+.
29 ال سەندەر تۇندە ٵن ايتىپ،مەيرامعا دايىندالىپ جۇرگەن ادامداي بولاسىڭدار+،جۇرەكتەرىڭ قۋانىشقا تولىپ، سىبىزعىنىڭ ۇنىمەنيسرايلدىڭ جارتاسى ەحوبانىڭ+ تاۋىنا بارا جاتقان ادامداي بولاسىڭدار.
30 ەحوبا لاۋلاعان قاھارىمەن+، جالمايتىن وت جالىنىمەن+،نوسەرمەن+، كۇن كۇركىرى جانە بۇرشاقپەن+ ادامدارعا ٶزىنىڭ ايبىندى داۋسىن ەستىرتەدى+،تومەن ٴتۇسىپ كەلە جاتقان قولىنىڭ قۇدىرەتىن كورسەتەدى+.
31 ەحوبانىڭ داۋسى اسسيريانىڭ زارە-قۇتىن الادى+.
ول ونى تاياقپەن سوققىعا جىعادى+.
32 ەحوبا جازالايتىن تاياقپەن اسسيرياعا سوققى بەرگەن سايىن،ولارمەن قولىن سەرمەپ شايقاسقاندا+،داڭعىرا مەن ارفانىڭ ٷنى ەستىلەتىن بولادى+.
33 وعان توفەت*+ دايىندالىپ قويعان،ول پاتشا ٷشىن دە دايىندالعان+.
قۇداي وتىن سالاتىن جەردى تەرەڭ ٵرى كەڭ ەتىپ جاسادى،وندا وت تا، وتىن دا كوپ.
ەحوبانىڭ لەبى كۇكىرت تاسقىنى ىسپەتتى ونى تۇتاندىرادى.
سىلتەمەلەر
^ مۇمكىن: «سۋ قويماسىنان».
^ نەمەسە «بەلگى رەتىندە قويىلعان باعانا».
^ مۇمكىن: «نەتكەن جەركەنىشتى!»
^ سوزبە-ٴسوز «ەحوبانىڭ ەسىمى».
^ نەمەسە «جويقىن ەلەكتەن».
^ «توفەت» مۇندا وتپەن جويۋدى بىلدىرەتىن بەينەلى ورىن رەتىندە قولدانىلعان.
