ٴزابۇر 109:1—31
ٵن-كۇي جەتەكشىسىنە. ٴداۋىتتىڭ جىرى.
109 ۋا، ٶزىم ماداقتايتىن قۇداي+، ٷنسىز قالماشى.
2 ويتكەنى زۇلىمدار مەن ارامزالار ماعان قارسى اۋىزدارىن اشادى،مەن تۋرالى وتىرىك ايتادى+.
3 اۋىر سوزدەرىمەن جان-جاقتان قىسپاقتايدى،سەبەپسىزدەن-سەبەپسىز شابۋىلدايدى+.
4 سۇيىسپەنشىلىگىمە قاستىقپەن جاۋاپ بەرەدى+؛ٴبىراق مەن وزىڭە دۇعا ەتۋدەن تالمايمىن.
5 ولار جاساعان جاقسىلىعىما جاماندىقپەن+،سۇيىسپەنشىلىگىمە قاستىقپەن جاۋاپ بەرەدى+.
6 ونى زۇلىم ادام سوتتاسىنشى،وڭ جاعىندا قارسىلاسى* تۇرسىنشى.
7 سوتتالعاندا، ايىپتى بوپ شىقسىنشى،ايتقان دۇعاسى كۇنا بوپ تابىلسىنشى+.
8 ٶمىر جاسى قىسقا بولسىن+،باقىلاۋشى مىندەتىن باسقا بىرەۋ السىن+.
9 بالالارى جەتىم،ايەلى جەسىر قالسىن.
10 بالالارى قاڭعىباس قايىرشى بولسىن،قيراعان ۇيلەرىنەن بەزىپ، تاماق ىزدەپ تەنتىرەسىن.
11 بار يەلىگىن قارىز بەرگەن كىسى تارتىپ السىن،مال-مۇلكىن بوتەندەر ولجالاسىن.
12 ەشكىم وعان مەيىرىمدىلىك* كورسەتپەسىن،جەتىم بالالارىنا ەشكىمنىڭ ىقىلاسى تۇسپەسىن.
13 ۇرپاقتارى قۇرىپ جوعالسىن+،ەسىمدەرى شەجىرە بۇتاعىنان ٶشىرىلىپ تاستالسىن.
14 بابالارىنىڭ كۇناسىن ەحوبا ەش ۇمىتپاسىن+،اناسىنىڭ كۇناسى دا ۇمىت بولماسىن.
15 جاساعان قىلىقتارىن ەحوبا ارقاشان جادىندا ۇستاسىن،جەر بەتىندە ەسىمدەرى اۋىزعا الىنبايتىنداي قىلسىن+.
16 سەبەبى ول مەيىرىم* تانىتۋدى ەسىندە ۇستامادى+،قايتا، ٶلتىرۋدى كوكسەپ+،قانالعان ادامدى، جارلى مەن جۇرەگى جارالى جاندى قۋدالاۋىن قويمادى+.
17 ول قارعىس ايتۋدى ۇناتتى، ٴبىراق قارعىسى ٶز باسىنا كەلدى،وزگەلەرگە باتا بەرگىسى كەلمەدى، سوندىقتان وزىنە دە باتا قونبادى.
18 قارعىستى كيىم ىسپەتتى كيدى،قارعىس ۇستىنە سۋ سياقتى، سۇيەگىنە ماي سياقتى قۇيىلدى.
19 ايتقان قارعىسى وراناتىن جامىلعىسى+،تاستاماي تاعاتىن بەلبەۋى ىسپەتتى بولسىن.
20 ەحوبا مەنىمەن قاستاسقان ادامنىڭ،مەنى جاماندايتىنداردىڭ قارىمتاسىن وسىلاي قايتارادى+.
21 ال سەن، ۋا، الەمنىڭ ٵمىرشىسى ەحوبا،ەسىمىڭ ٷشىن ماعان كومەككە كەلشى+.
مەنى قۇتقارشى، ويتكەنى سەنىڭ اينىماس سۇيىسپەنشىلىگىڭ يگى+.
22 سەبەبى مەن دارمەنسىزبىن، كەدەيمىن+،جۇرەگىم دە جارالى+.
23 مەن جوعالىپ بارا جاتقان كولەڭكەدەيمىن؛مەنى شەگىرتكەدەي قاعىپ جىبەردى.
24 ورازادان تىزەلەرىم السىرەدى،جۇدەپ-جاداپ قۇر سۇلدەرىم قالدى.
25 جۇرت ٷشىن كەلەكە-مازاققا اينالدىم+،مەنى كورگەندە، ولار باستارىن شايقايدى+.
26 كومەكتەسشى، ۋا، ەحوبا قۇدايىم،اينىماس سۇيىسپەنشىلىگىڭمەن قۇتقارا كورشى.
27 ولار مۇنى ىستەگەن سەنىڭ قولىڭ ەكەنىن،ۋا، ەحوبا، مۇنى جاساعان سەن ەكەنىڭدى ٴبىلسىنشى.
28 ولار قارعاي بەرسىن، ال سەن ماعان باتاڭدى بەرشى.
ماعان قارسى شىققاندا، ولار ماسقارا بولسىنشى،ال سەنىڭ قىزمەتشىڭ قۋانسىنشى.
29 مەنىمەن قاستاساتىندار قورلىقتى كويلەك ەتىپ،ماسقارانى شاپان ەتىپ كيسىن+.
30 قىزىل ٴتىلىم ەحوبانى ماداقتايدى،كۇللى جۇرت الدىندا مەن ونى داڭقتايمىن+.
31 ويتكەنى ايىپتاۋشىلارىنان قۇتقارۋ ٷشىن،ول جارلىنىڭ وڭ جاعىندا تۇرادى.
سىلتەمەلەر
^ نەمەسە «ايىپتاۋشىسى».
^ نەمەسە «اينىماس سۇيىسپەنشىلىك».
^ نەمەسە «اينىماس سۇيىسپەنشىلىك».
