ٴزابۇر 143:1—12
ٴداۋىتتىڭ جىرى.
143 ۋا، ەحوبا، دۇعامدى ەستي كورشى+،جالبارىنعان ۇنىمە قۇلاق ٴتۇرشى.
ادالدىعىڭ مەن ادىلدىگىڭە ساي ماعان جاۋاپ بەرشى.
2 قىزمەتشىڭمەن سوتتاسا كورمە،ويتكەنى سەنىڭ الدىڭدا ەشكىم ٵدىل بولا المايدى+.
3 جاۋىم قىر سوڭىمنان قالماي قۋدالايدى،مەنى جەرگە جىعىپ جانىشتايدى،باياعىدا ٶلىپ كەتكەندەر سياقتى، تۇنەكتە تۇرۋعا ماجبۇرلەيدى.
4 جىگەرىم* جاسىپ+،جۇرەگىم كەۋدەمدە سەمىپ قالدى+.
5 ەجەلگى كۇندەردى ەسكە الامىن،بارلىق ىستەرىڭ جونىندە ويلانامىن+،قولىڭنىڭ ىستەرىن وي ەلەگىنە سالامىن.
6 وزىڭە قاراي قول جايامىن؛قۋاڭ جەر جاڭبىر تىلەيدى،مەنىڭ جانىم دا ٶزىڭدى اڭساپ شولىركەيدى+. (سەلا)
7 تەزىرەك جاۋاپ قاتشى، ۋا، ەحوبا+،قاجىر-قايراتىم تاۋسىلىپ بارادى+.
مەنەن ٴجۇزىڭدى جاسىرماشى+،ايتپەسە كورگە ٴتۇسىپ بارا جاتقاندار سياقتى بولامىن+.
8 تاڭ سارىدەن اينىماس سۇيىسپەنشىلىگىڭ جونىندە ەستىرتە كورشى،ويتكەنى مەن ساعان سەنىم ارتامىن.
جۇرەر جولىمدى كورسەتە كورشى+،ويتكەنى ٶزىمدى ساعان باعىشتاعانمىن.
9 جاۋلارىمنان قۇتقارشى، ۋا، ەحوبا،مەن وزىڭنەن پانا ىزدەيمىن+.
10 ماعان ەركىڭدى ورىنداۋدى ۇيرەتشى+،سەبەبى سەن مەنىڭ قۇدايىمسىڭ.
سەنىڭ رۋحىڭ يگى،ول مەنى تەگىس جەرمەن الىپ ٴجۇرسىنشى.
11 ۋا، ەحوبا، ٶز ەسىمىڭ ٷشىن مەنى امان ساقتاي كور،ادىلدىگىڭە ساي قيىندىقتاردان جانىمدى قۇتقارا كور+.
12 اينىماس سۇيىسپەنشىلىگىڭە ساي جاۋلارىمنىڭ كوزىن قۇرتا كور+،ماعان مازا بەرمەيتىندەردىڭ ٴبارىن جويا كور+،ويتكەنى مەن سەنىڭ قىزمەتشىڭمىن+.
سىلتەمەلەر
^ نەمەسە «رۋحىم».
