ەۆرەيلەرگە 5:1—14
5 ادامدار اراسىنان تاڭدالعان ٵربىر باس ٴدىني قىزمەتكەر سي-تارتۋلار ۇسىنۋ، كۇنانى وتەيتىن قۇرباندىقتار شالۋ+ ارقىلى ادامدار ٷشىن قۇدايعا قىزمەت ەتۋگە تاعايىندالادى+.
2 ٶزىنىڭ دە السىزدىكتەرى بولعاندىقتان، ول بىلمەستىكپەن قاتەلىك جاسايتىندارعا جاناشىرلىقپەن قاراي الادى.
3 ول حالىقتىڭ كۇناسى ٷشىن قۇرباندىقتار شالاتىنىنداي، ٶز كۇناسى ٷشىن دە سولاي ەتۋى ٴتيىس+.
4 سونىمەن قاتار مۇنداي قۇرمەتكە ادام وزدىگىنەن يە بولمايدى، بۇعان تەك قۇداي تاعايىندايدى. حارون دا سولاي تاعايىندالعان ەدى+.
5 ٴماسىح تە باس ٴدىني قىزمەتكەر بولۋ قۇرمەتىن ٶزى يەمدەنگەن جوق+، قايتا: «سەن مەنىڭ ۇلىمسىڭ. بۇگىن مەن ساعان اكە بولدىم»+،— دەگەن قۇداي ونى داڭققا بولەدى.
6 تاعى ٴبىر جەردە ول: «سەن مالىكسادىق سياقتى ماڭگىلىككە ٴدىني قىزمەتكەرسىڭ»+،— دەگەن.
7 جەر بەتىندە بولعاندا، ٴماسىح ٶزىن امان الىپ قالا الاتىنعا قاتتى داۋىستاپ، كوز جاسىن توگىپ قايتا-قايتا جالبارىنعاندا ٵرى تىلەگىن بىلدىرگەندە+، قۇدايدان قورقاتىن بولعاندىقتان دۇعاسىنا جاۋاپ الدى.
8 ول قۇداي ۇلى بولا تۇرا، شەككەن ازاپتارى ارقىلى مويىنسۇنۋدى ۇيرەندى+.
9 تولىقتاي كەمەلدەنگەننەن كەيىن+، ول وزىنە مويىنسۇناتىنداردىڭ بارىنە ماڭگىلىك قۇتقارىلۋعا جول اشتى+.
10 سەبەبى قۇداي ونى مالىكسادىق سياقتى باس ٴدىني قىزمەتكەر ەتىپ تاعايىندادى+.
11 ول تۋرالى ايتارىمىز كوپ، ٴبىراق ولاردى ٴتۇسىندىرۋ قيىن، ويتكەنى سەندەر سەلقوس تىڭدايتىن بولىپ كەتتىڭدەر.
12 وزدەرىڭ تالىمگەر بولاتىن ۋاقىت جەتسە دە، سەندەرگە ٵلى دە قۇدايدىڭ قاسيەتتى سوزىندەگى باستاپقى ىلىمدەردى+ ۇيرەتەتىن بىرەۋ قاجەت. سەندەرگە قاتتى تاعام ەمەس، قايتادان ٴسۇت كەرەك.
13 ال سۇتپەن قورەكتەنەتىن ادام ادىلدىك ٴسوزىن بىلمەيدى، ويتكەنى ول — بالا+.
14 قاتتى تاعام بولسا ٴتۇيسىنۋ قابىلەتىن قولدانۋ ارقىلى ماشىقتاندىرىپ، جامان مەن جاقسىنى اجىراتا الاتىن رۋحاني تولىسقان ادامدارعا ارنالعان.
