Зәбүр 83:1—18
Ән. Асаптың+ жыры.
83 Уа, Құдай, үнсіз қалмашы+,Тіл қатпай, жайбарақат күйі қала бермеші, уа, Құдай!
2 Қарашы, жауларың у-шу боп жатыр+,Сені жек көретіндер паңдана әрекет етіп жатыр.
3 Олар халқыңа қарсы зымиян жоспар құруда,Өзіңе қымбат жандарға қастандық ойлауда.
4 Олар: “Кәне, Исраилді ұлттар арасынан құртып жіберейік+,Оның атын мәңгіге өшірейік!”— дейді.
5 Олар бірауыздан сөз байласты,Мыналар саған қарсы одақтасты+:
6 Шатырларда тұратын едомдықтар мен ысмағұлдықтар, Моаб+ пен ажарлықтар+,
7 Гебал, Аммон+ мен Амалек, Тир тұрғындары+ мен Філістір елі+.
8 Ассирия+ да оларға қосылды;Лұттың ұлдарына қолдау болды+. (Села)
9 Оларға Мадиянға істегеніңді істеші+,Қишон суының бойында Сисара мен Ябинге көрсеткеніңді көрсетші+.
10 Олар Ендорда+ тас-талқан болған еді,Жерге төккен қи сияқты жатқан еді.
11 Олардың беделділеріне Ориб пен Зиптің+,Басшыларына Зебей мен Салманның кебін кигізші+.
12 Өйткені олар: “Құдай мекендейтін жерді иемденейік!”— деді.
13 Уа, Құдайым, оларды құйын іліп әкеткен қаңбаққа+,Жел ұшырған сабанға ұқсатшы!
14 Орманды жалмайтын оттай,Тауларды күйдіріп жіберетін жалындай+,
15 Дауылыңмен соңдарына түсші+,Бораныңмен оларды үрейлендірші+.
16 Уа, Ехоба, оларды қарабет қылшы,Есіміңнің ұлы екенін мойындасын.
17 Олар ұятқа қалсын, мәңгі үрейленіп жүрсін,Масқара болып, құрып кетсін.
18 Осылайша адамдар сенің есімің Ехоба екенін+,Бүкіл жер бетін билейтін жалғыз Құдай Тағала екеніңді білсін+.
