Suna maleruarusuppiuk?
Najoqqutassat maleruakkagut inuunitsinnut sunniuteqangaartarput. Jehovap Guutip tamanna nalunnginnamiuk najoqqutassiaminik maleruaanissarput kissaatigaa.
Pilluarluta inuunissarput Jehovap kissaatigaa.
“Uanga tassa … Guutit, iluaqutaasunik ilinnik ajoqersuisoq, illit ingerlavigisassakkut ingerlatitsisoq. Ilumulli inassutikka tusaaniarsimagaluarukkit taava eqqississutissat ilissagaluarpoq kuussuartut, iluassutsillu immap malingisut.” – Esaja 48:17, 18.
Guutip pinngortikkamisigut qanoq pitsaanerpaamik inuusinnaasugut nalunngilaa. Najoqqutassiaminik maleruaassasugut kissaatigaa iluaqutigissagatsigu. Peqqusaatut ilioraangatta aalajangigarput kinguneqarluassanersoq isumaliutigisariaqassanngilarput. Tamatigut eqqortumik, toqqissisimalissutigisatsinnik pillualissutigisatsinnillu aalajangiisassaagut.
Jehovap sapikkatsinnik piumaffiginngilaatigut.
“Ullumimi ilinnut peqqussutigisakka paasiuminaatsorsuunngillat ungasissorsuunatilluunniit.” – Mosesimik 5. 30:11.
Guutip najoqqutassiaanik maleruaassagutta eqqarsartaatsitsinnik iliuuserisartakkatsinnillu allannguisariaqarsinnaavugut. Jehovalli artukkatsinnik piumaffiginngilaatigut. Pinngortitarigamisigummi pisinnaasagut nalunngilai. Jehovalu ilisarisimanerujartuinnartillugu paasissavarput ‘inassutai artornartuunngitsut’. – Johannesimit 1. 5:3.
Jehova neriorsuivoq najoqqutassiaminik maleruaajumasut ikiussallugit.
“Uangami tassaagama Naalagaq Guutit talerpikkut tigussavakkit oqarfigalutillu: Siooraqinak, ikiortigaarma.” – Esaja 41:13.
Guutip piumasaatut inuusinnaavugut ikiorumaarmatigut. Biibilimi aqqutigalugu kajumissaarisarlunilu neriuutissiisarpoq.
Inuit millionillit nunanit tamalaaneersut najoqqutassianik Biibilimiittunik maleruaanermikkut inuunerminnik pitsanngorsaasimapput. Kajumissaarusuppatsigit siunnersuutitsialaat Biibilimiittut pillugit misissueqqullutit. Quppersagaq Naassaanngitsumik pilluarsinnaavutit! aallartissutigisinnaavat. Taanna jw.org-imi akeqanngitsumik aaneqariaannaavoq. Tassani uku sammineqarput:
-
Biibili inuuninni qanoq iluaqutigisinnaaviuk?
-
Biibili neriuutissaqartitsivoq
-
Biibili upperineqarsinnaava?
Biibilimik misissuitillutit paasissavat ullumikkut suli atorluarsinnaasoq. Biibilimimi allassimasut ‘tamarmik tatiginarput, aalajaallutillu naassaanngitsumik’. (Tussiaat 111:7, 8) Najoqqutassianik Biibilimiittunik maleruaaneq inooriaasiuvoq pitsaanerpaaq. Guutilli maleruaaqqulluta pinngitsaalinavianngilaatigut. (Mosesimik 5. 30:19, 20; Josva 24:15) Suna maleruassanerlugu nammineq aalajangertussaavarput.
