Anaanaga 17-inik ukioqar­toq 1960-imi inun­ngor­punga. Suli inun­ngun­ngitsunga ataatama qimap­paatigut. Anaanagalu aataak­kun­ni il­loqarfeeq­qami Burgimi, Tysklandimi Kangil­lermi DDR-iusimasumi, najugaqar­pugut. Inup­pas­suit uagutsitul­li guuteqan­ngin­neraasuup­put. Guuti soqutigin­ngilar­put.

Peroriar­tor­nin­ni aatan­nit pif­fis­saqarfigineqar­punga. Sor­pas­suar­nut ikior­tisiarisar­paanga, soorlu or­pin­nut majuar­til­lunga avalequtaan­nik pilat­tuisit­tar­paanga. Pis­sanganar­torsior­tar­neq nuan­naraara. Isumakuluuteqar­nangalu pil­luar­punga.

Arfineq-marlun­nik ukioqarlunga 2. klas­simi atualeq­qam­merlunga alianangaar­tumik pisoqar­poq. Angerlarlunga in­naal­lagis­sap aq­qutaata nap­parutaanut majuar­punga. 8 meterit mis­saan­ni qutsitsigilerlunga qupin­ngual­larujus­suarlunga ilisimajun­naar­punga. Nap­parsim­mavim­mi ilisim­marama talik­ka malugisin­naan­ngilak­ka. Uutsiterujus­suarsimap­put, aak­kul­lu toqunar­toqaleq­qunagu talik­ka il­lut­tut kipineqar­tariaqar­put. Anaanaga aatak­kuk­kalu aliasungaar­put. Uangali taleerun­nerma kingunis­saat taamani iluamik paasin­ngilara.

Nap­parsim­mavim­miit angerlarama atuariar­toq­qit­taler­punga. Meeq­qat qin­ngasaar­tar­paan­nga, ajat­tar­tarlunga mil­loor­tarlungalu. Naak­kit­taan­nerat nikas­saaneral­lu aliasuutigingaar­pak­ka. Taava Birkenwerderimi meeq­qanut timik­kut in­narluutilin­nut kostskoliusumut pisin­neqar­punga. Atuarfik taan­na ungasim­mat anaanaga aataak­kul­lu tikeraar­nis­samin­nut akis­saqan­ngil­lat. Feeriar­nin­ni taamaal­laat takusar­pak­ka. Ukiuni tul­liut­tuni qulini anaanaga aataak­kul­lu najor­nagit peroriar­tor­punga.

Isik­kak­ka atorlugit sor­pas­suit iliuuserisin­naaler­pak­ka. Ajas­saatit alus­saal­luun­niit isik­kan­nik tigum­miarlugu nerineq takorloorsin­naaviuk? Taamaalior­neq ilik­kar­tupajuuara. Aam­ma isik­kak­ka atorlugit kigutigis­sar­neq il­laar­nerlu ilik­kar­pak­ka. Al­laam­mi oqaloqateqar­til­lunga isik­kan­nik us­sersor­taler­punga. Aap, isik­kak­ka as­sagiler­pak­ka.

 Inuusut­tuaraal­lunga science fiction pil­lugu atuar­neq nuan­naraara. Ilaan­nik­kut takorloor­tar­para robotitut taliusaqarlunga qanorluun­niit iliorsin­naasunga. 14-inik ukioqarlunga pujor­tar­taler­punga. Im­minut tatiginerulerlungalu al­latut iliorsin­naasutut ima misigivunga: ‘Aap, sapin­ngilara. Pujor­tar­tar­tut inersimasuup­put – taleqarlutik taleqar­natil­luun­niit.’

Susas­saqar­tuar­niar­tar­punga. Inuusut­tunut peqatigiif­fik socialistiusoq naalagaaf­fim­mit tapersersor­neqar­toq, Freie Deutche Jugend, ilaasor­taaf­figiler­para, tas­sanilu al­latsiunera ataq­qineqaatigaara. Aam­ma erinarsoqatigiin­nut, taal­lialerisar­tunut in­narluutilin­nul­lu timersor­tar­tunut ilaasar­punga. Ilin­niar­tooreerlunga sulif­fit­taar­punga. Al­liar­tor­nin­ni taliusak­ka ator­nerujar­tuin­nar­pak­ka in­narluuteqan­ngitsutut misigerusuk­kama.

Ilaan­ni suliar­torlunga qimut­tuitsut utaq­qitil­lugit angutip saaf­figaanga. Aperaanga takorloorsin­naaneriga Guutip talileq­qis­sin­naagaanga. Soorunami taleqarusup­punga, isumaqar­pungali apeq­qutaa ingasap­pal­laar­toq piviusorsiun­ngitsorlu. Guuteqarsorin­ngin­nak­ku angut taan­na naapin­naveersaar­taler­para.

Tamatuma kingor­na suleqatin­nit qaaq­quneqar­punga. Kaf­fisor­til­luta taas­suma angajoq­qaavisa Guuti – Jehova Guuti – eq­qar­tuler­paat. Guuti ateqar­toq aatsaavis­suaq tusar­para. (Tus­siaat 83:19) Eq­qarsaataan­nak­kul­li akerliliivunga: ‘Guuteqarsin­naan­ngilaq, qanorluun­niit ateqar­tumik. Uku kuk­kusut up­per­narsas­savara.’ Piviusorsiorsorigama Biibili pil­lugu eq­qar­tueqatigiler­pak­ka. Paasiler­parali Guuteqan­ngin­nera up­per­narsarsin­naanagu.

Biibilimi siulit­tuutit misis­sor­til­lutigit Guuteqarsin­naanera up­periler­para. Siulit­tuuter­pas­suit Guutimeersut ukiut hundredel­lit, al­laat tuusintil­lit, eq­quun­neri sioq­qul­lugit al­lataagaluar­tut eq­quus­simap­put. Ilaan­ni Biibili eq­qar­tor­til­lutigu siulit­tuutit Mat­thæusip iivangkiiliuani kapitali 24-mi, Lukasip iivangkiiliuani kapitali 21-mi aam­ma Timotheusimut al­lak­kat aap­paan­ni kapitali 3-mi al­las­simasut silarsuarmi pis­sutsinut naleq­qiup­pavut. Soorlu nakorsap malun­niutaasut arlal­lit ataatsimut isigalugit nap­paatip suus­susia paasisin­naagaa, taamatul­li pisar­tut as­sigiin­ngitsut siulit­tuutini taak­kunani eq­qaaneqar­tut ataatsimut isigalugit paasisin­naavara Biibilimi ‘ul­lus­sanik kingul­ler­nik’ taaneqar­tuni inuusugut. * Siulit­tuutit taak­ku eq­quus­sor­tut takusin­naagak­kit kil­litsis­sutigingaar­pak­ka.

Sal­lusuis­sut ilin­niarlugu up­peril­luin­nar­para. Jehovamut Guutimut qinusaler­punga pujor­tar­tarun­naarlungalu – ukiut qulit sin­nerlugit pujor­tar­torujus­suusimagaluarlunga. Ukiup ataatsip mis­saani Biibilimik atuaq­qis­saar­tareerlunga 1986-imi apriilip 27-an­ni uf­farfim­mi kuisip­punga iser­tor­tumik, taamanik­kum­mi Jehovap Nalunaajaasui Tysklandimi Kangil­lermi iner­teq­qutaap­put.

Iner­teq­qutaaneq pis­sutigalugu ikit­tuk­kuutaarluta angerlarsimaf­fin­ni naapit­tar­pugut, up­peqatik­kalu ikit­tuin­naat ilisarisimavak­ka. Ilimagin­ngisamik naalagaaf­fim­mi oqar­tus­saasut Tysklandimut Kil­lermut aal­lar­nis­sara akueraat, tas­sanilu Nalunaajaasut iner­teq­qutaan­ngil­lat. Aatsaavis­suaq Biibili pil­lugu ataatsimeersuar­nermut najuup­punga anersaak­kul­lu qatan­ngutit tuusintil­lit takul­lugit. Misigisaq im­mik­kuul­laris­suuvoq nuan­nersoq.

Berlinip qarmarsuata up­pitin­neqar­nerata kingor­na Nalunaajaasut iner­teq­qutaajun­naar­put. Kiisami kif­faan­ngis­suseqarluta Jehova Guuti pal­lorfigisin­naaler­par­put. Oqaluus­sinermi iliuuseqar­nerorusup­punga. Ilisarisiman­ngisan­nil­li oqaloqateqar­nis­saq merseraara. In­narluuteqar­nera meeraanin­nilu pif­fis­sap an­ner­tunersaani in­narluutilin­nut angerlarsimaf­fim­mi najugaqar­nera pis­sutigalugit sapiup­punga. 1992-imili qaam­mat ataaseq nalunaaqut­tap-akun­neri 60-it oqaluus­sil­lunga misilip­para. Sapin­ngin­nera nuan­naarutigingaar­para. Taamaat­tumik aalajanger­punga qaam­matit tamaasa taamaalior­niarlunga, ukiunilu pingasuni iluatsip­punga.

Oqaatsit Biibilimeersut uku eq­qaamajuar­pak­ka: “San­ngiitsoqaraangat san­ngiitsutut misigisar­punga.” (2 Korinthimiut 11:29, NW) Eq­qarsarsin­naal­lungalu oqalus­sin­naagama in­narluuteqaraluarlunga sapin­ngisan­nik al­lat ikior­niar­tar­pak­ka. Pisin­naasamik­kut kil­leqar­tut misigin­neqatigil­luarsin­naavak­ka. Iliuusererusungaak­kanik iliuuseqarsin­naan­ngin­neq qanoq in­nersoq nalun­ngilara. Taamatut misigisunik qiim­mas­saasar­nera pil­lualis­sutigaara.

Nas­suer­tariaqar­punga in­narluuteqan­ngitsoorusuk­kama ilaan­nik­kut nikal­lor­tarlunga. Ul­luin­nar­ni iliuuserisas­sat ilar­pas­sui iliuuserisin­naasar­pak­ka, uan­nul­li ilungersunar­nerul­lunilu pif­fis­sar­tor­nar­nerul­lunilu nukersor­nar­neruvoq. Ul­lormut una oqaasin­naaraara: “Tamaasa pis­satsitsisik­kut atus­sal­lugit sapin­ngilak­ka.” (Filip­pimiut 4:13) Ul­lut tamaasa Jehovap nalingin­naasunik iliuuseqar­nis­san­nut nukis­saqar­tit­tar­paanga. Ul­loq man­na tikil­lugu Jehovap iperan­ngim­manga uanga Jehova iperar­navian­ngilara.

Jehovap pil­luaq­quaanga ilaqutaqar­til­lunga – meeraanin­ni amigaatigisimasan­nik. Nulian­nguara, Elke, asanar­tuul­lunilu misigin­neqataasuuvoq. Aam­mami Jehovap Nalunaajaasui mil­lionil­lit nunarsuarmi sumi tamaniit­tut anersaak­kut qatan­ngutigiler­pak­ka.

Aam­ma Guutip paratiisimi ‘sunik tamanik’, aam­ma talin­nik, nutaan­ngor­titsiumal­luni neriorsuutaa tup­pal­lersaatigisar­para. (Saq­qum­mersitat 21:5) Neriorsuutip tamatuma eq­quun­nis­saa takorlooruminar­tin­nerusar­para Jiisusip nunami iliuuserisai eq­qarsaatigigaangak­kit. As­sersuutigalugu iloqiaasunik avatilik ajorun­naarsip­paa al­laal­lu siutaarsis­simasup siutaa ik­kuteq­qil­lugu. (Mat­thæusi 12:13; Lukasi 22:50, 51) Jehovap neriorsuutaasa Jiisusil­lu tupin­nar­tuliaasa qularun­naarsip­paan­nga qanit­tuk­kut in­narluuteqarun­naas­sasunga.

Pil­luaq­qus­sutisiarli an­ner­paaq tas­saavoq Jehovap Guutip ilisarisimaler­nera. Taan­na tas­saaler­poq ataataga ikin­ngutigalu aam­ma tup­pal­lersaasiga nakuus­sutigalu. Kun­ngitut Daavitut ima al­lat­tutut misigivunga: “Naalagaq, nakuus­sutiga. ... Ikior­neqarama qiim­mat­tar­poq uum­matiga.” (Tus­siaat 28:7) Taleqan­ngik­kaluarlunga Jehova tasior­paralusooq. Sal­lusuis­sut ilik­kagara iperan­ngisaan­nas­savara.