Guuti inun­nut inuian­nit tamaneersunut tusar­naar­tar­poq. (Tus­siaat 145:18, 19) Taas­suma oqaasiani, Biibilimi, eq­qarsaativut tamaasa qinunik­kut taas­sumun­nga oqalut­tuarisaq­qul­lugit kajumis­saar­neqar­pugut. (Filip­pimiut 4:6, 7) Qin­nutil­li ilaat Guutip iluarin­ngilai. As­sersuutigalugu qin­nutit alan­ngaar­tak­kat uteqat­taar­neqar­tar­tut oqaaser­pas­suil­lu atorlugit qin­nutit iluarin­ngilai. — Mat­thæusi 6:7 atuaruk.

Jehovap aam­ma inuit inatsisiminik sus­sarin­nin­ngitsut qin­nutaat iluarin­ngilai. (Us­satit 28:9) As­sersuutigalugu Biibilip nalaani Israelik­kut inun­nik toqutsisut qin­nutaan­nut Guuti tusar­naarusun­neq ajor­poq. Aap, Guutimit tusar­neqarusuk­kut­ta piumasaqaatinik aalajangersimasunik naam­mas­sin­nit­tariaqar­pugut. — Esaja 1:15 atuaruk.

Guutimut qinuniaraan­ni up­persuseqar­toqar­tariaqar­poq. (Jaaku 1:5, 6) Taas­suma piunera uagutsin­nil­lu soqutigin­nin­nera up­perisariaqar­par­put. Up­per­neq piviusoq Guutip oqaasianeersunik up­per­narsaatinik neriorsuutinil­lu tun­ngaveqarmat Biibilimik atuaq­qis­saar­tar­nik­kut up­per­ner­put nakus­satsis­sin­naavar­put. — Hebræerit 11:1, 6 atuak­kit.

Maniguul­luta ilumoorlutalu qinusariaqar­pugut. Al­laat Guutip er­nera Jiisusi maniguul­luni qinusar­poq. (Lukasi 22:41, 42) Taamaat­tumik Guuti qanoq iliuuseqar­nis­saanik oqalut­tuun­nagu taas­suma piumasaqaatai Biibilimik atuar­tar­nik­kut paasiniar­tariaqar­pavut. Taamaaliorut­ta Guutip piumasaanut naaper­tuut­tumik qinusin­naavugut. — 1 Johan­nesi 5:14 atuaruk.