ILINNIAGASSAQ 06
Inuuneq qanoq piulerpa?
Guutip ‘suut tamaasa pinngortippai’. (Saqqummersitat 4:11) Tamanna ilumoorsoraajuk? Inuppassuit inuuneq nalaatsornerinnakkut piulersimanerartarpaat. Taamaappat siunertaqanngitsumik inuusimassaagut. Jehovalli suut tamaasa pinngortissimappagit inuunerput siunertaqarsimassaaq, ilaa? a Inuunerup Biibili naapertorlugu qanoq piulernera misissoruk, paasiniarullu tamatuma ilumoornera qanoq tunngavilersorneqarsinnaasoq.
1. Nunarsuaq avataarsualu qanoq piulerpat?
Biibilimi ima allassimavoq: “Pileqqaarneranni Guutip qilak nunalu pinngortippai.” (Mosesimik 1. 1:1) Aamma ilisimatuut amerlanersaat isumaqarput suut tamarmik pilerfeqartut. Guutilli nunarsuaq avataarsuaniittullu – soorlu galaksit, ullorissat planetillu – qanoq pinngortippai? Nukini anersaamik illernartumik taaneqartoq atorlugu. – Mosesimik 1. 1:2.
2. Sooq Guutip nunarsuaq pinngortippaa?
Jehovap nunarsuaq “soqanngitsussanngorlugu pinngortinngilaa, kisianni najugaqarfissanngortillugu”. (Esaja 45:18) Nunarsuarput inuit ataavartumik angerlarsimaffissaattut najugariuminartutut pinngortippaa. (Esaja 40:28; 42:5 atuarsigit). Ilisimatuut naapertorlugit nunarsuaq planetinit allanit allaanerulluinnarpoq. Planetinik allanik inuit inuuinnarfigisinnaasaannik nassaartoqarsimanngisaannarpoq.
3. Inuit uumasunit qanoq allaaneruppat?
Jehovap nunarsuaq pinngortereerlugu naasut uumasullu pinngortippai. Kingorna “inuk pinngortippaa imminik assililluni”. (Mosesimik 1. 1:27 atuarsiuk). Inuit suna immikkuullarissutigaat? Guuti assilillugu pinngortitaagatta taassuma pissusii, soorlu asanninnera naapertuilluartuuneralu, ilaarsinnaavagut. Aamma oqaatsinik ilinniarsinnaallutalu qalipakkat nipilersuutillu nuannaarutigisinnaavagut. Pinngortitsisorpullu ilisarisimalerlugulu ikinngutigilersinnaavarput. Uumasut taamaaliorsinnaanngillat.
ITISILIINEQ
Suut tamarmik ilusilersugaanerannut aamma pinngortitsineq pillugu Biibilimi allassimasut ilumoortuunerannut uppernarsaatit misissukkit. Inuit pissusii ajunngitsut Guuti pillugu qanoq ersersitsinersut paasiniaruk.
4. Suut tamarmik ilusilersugaapput
Inuit pinngortitamiittunik ilaarsillutik sanagaangamik nersorneqartarput, pinngortitamiittulli pillugit kina nersorneqassava? VIDEO takusiuk apeqqullu tulliuttoq eqqartorlugu.
-
Inuit pinngortitamiittunik ilaarsillutik sunik sanasimappat?
Illut tamarmik ilusilersorneqarlutillu sananeqartarput. Kiali avataarsua, nunarsuaq tassaniittullu tamaasa ilusilersorlugillu sanavai? Hebræerit 3:4 atuarsiuk apeqqutillu uku eqqartorlugit:
-
Pinngortitarsuarmi suut tupigusuutiginerpaavigit?
-
Suut tamarmik arlaannit ilusilersugaasimanerat tunngavilersorneqarsinnaasoraajuk? Sooq taama isumaqarpit?
Nalunngiliuk?
Allaaserisat isiginnaagassiallu tamatumunnga tunngasut misissorsinnaavatit jw.org-imi uku iserfigalugit: “Ilusilersugaava?” aamma “Inuunerup pilerfia pillugu isummat”.
“Soorunami illut tamarmik arlaannit sananeqartarput, tamanilli sanasoq tassaavoq Guuti.”
5. Pinngortitsineq pillugu Biibilimi allassimasut tunngavissaqarluarput
Nunarsuup tassaniittullu tamarmik qanoq piulersimanerat Mosesimik allakkat siulliit kapitali 1-imi allaatigineqarpoq. Tassani allassimasut ilumoortuusoraagit, oqaluttuaannaasoraagilluunniit? VIDEO takusiuk apeqqutillu tulliuttut eqqartorlugit.
-
Biibili naapertorlugu nunarsuaq tassaniittullu tamarmik ulluni arfinilinni pinngortinneqarput. Ullulli taakku immikkut nalunaaquttap-akunnerinik 24-nik sivisussuseqarpat?
-
Pinngortitsineq pillugu Biibilimi allassimasut tunngavissaqarluarsoraagit? Sooq taama isumaqarpit?
Mosesimik 1. 1:1 atuarsiuk apeqqullu una eqqartorlugu:
-
Ilisimatuut naapertorlugit avataarsua nunarsuarlu pilerfeqarput. Tamanna Biibilimi atuaqqammikkannut qanoq naapertuuppa?
Inuit ilaat isumaqarput Guutip sananeqaatit minnersaat pinngortereermagu allat tamarmik taanna aallaavigalugu pinngoriartuaarsimasut. Mosesimik 1. 1:21, 25, 27 atuarsigit apeqqullu una eqqartorlugu:
-
Biibili naapertorlugu uumasut inuillu pinngoriartuaarnikkut piulerpat, imaluunniit Guutip assigiinngitsukkuutaarlugit pinngortippai?
6. Inuit pinngortitaapput immikkut ittut
Uumasunit Jehovap pinngortitaanit allaaneruvugut. Mosesimik 1. 1:26 atuarsiuk apeqqullu una eqqartorlugu:
-
Guuti assilillugu pinngortitaagatta asannittuliorsinnaanerput Guuti pillugu sumik ersersitsiva?
OQARTOQARTARPOQ: “Pinngortitsineq pillugu Biibilimi allassimasut oqaluttualiaannaapput.”
-
Illit qanoq isumaqarpit? Sooq taama isumaqarpit?
EQIKKAANEQ
Jehovap nunarsuaq, avataarsua tassaniittullu tamaasa pinngortippai.
Uteqqiineq
-
Nunarsuup avataarsuullu piulernerat pillugu Biibilimi qanoq allassimasoqarpa?
-
Guutip suut tamaasa sananeqaatit minnersaanniit pinngoriartuaartussanngortippai, imaluunniit assigiinngitsukkuutaarlugit pinngortippai?
-
Sooq inuit immikkut ittuuppat?
NAMMINEQ MISISSUGASSATIT
Ilusilersuisoqarneranut uppernarsaatit pinngortitarsuarmi maluginiakkit.
“Pinngortitarsuaq qanoq ilinniarfigisinnaavarput?” (Iteritsi!, septembari 2006)
Ataatap ernini pinngortitsisoqarsimaneranik qanoq nassuiaanneraa takuuk.
Pinngoriartuaarsimaneq Biibilimi ilinniartitsissutigineqarnersoq paasiniaruk.
“Guutip uumassusillit pinngoriartuaartussanngortippai?” (Nittartakkatsinni allaaserisaq)
Saarngit nassaat ilisimatusarnikkullu paasisimasat inuunerup pinngortitaaneranut nalaatsornikkulluunniit pinngoriartorneranut uppernarsaataanersut paasiniaruk.
Inuunerup piulerneranut apeqqutit tallimat pingaarutillit (Quppersagaq qallunaatooq)
a Guutip inunnut siunertaa ilinniagassaq 25-mi sammineqassaaq.
Soqutigisinnaasatit allat
APEQQUTIGINEQARTARTUT
Jehovap Nalunaajaasuisa Biibilimik pikkorissartitsinerat suugami?
Jehovap Nalunaajaasuisa Biibilimik pikkorissartitsinerat akeqanngilaq, Biibilimillu nutsigaq sunaluunniit atorsinnaavat. Aamma ilaquttatit ikinngutitilluunniit pikkorissarnermut ilaserisinnaavatit.
