Paasissutissanik atueriaaseq ataatsimut isigalugu

•  Illit nammineq inuuninnik ataqqinninneq

•  Paasissutissanut akisussaasoq pillugu paasissutissat

•  Paasissutissanik isumannaal­lisaaneq allanullu ingerlatitseq­qiisannginneq

•  Ukiukitsut

•  Sullissisut allat

•  Paasissutissanik atueriaatsimi matumani allannguutit

•  Active Scripting imaluunniit JavaScript

Aamma takukkit

• Jehovap Nalunaajaasuisa nunani tamalaani paasissutissanik illersueriaasiat

• Nunani tamalaani inuk pillugu paasissutissanik atueriaaseq

• Cookiesinik teknologiinillu assingusunik nunani tamalaani atueriaaseq

 Illit nammineq inuuninnik illersuinissaq ataqqin­ninnissarlu aalajangiusimavarput. Paasissutissat ilinnut tunngasut katersukkavut imaluunniit illit tunniussatit nittartak­katsinni app-inilu Watchtower Bible and Tract Society of New York, Inc.-imit (“Watchtower”-imit) sananeqartuni qanoq suliarineqas­sanersut paasissutissanik atueriaatsimi matumani tunngavis­sinneqarpoq. Nittartak­katsinnut iseraangavit paasissutissat tunngaviusut aalajangersimasut toqqortarpavut, miserratigin­ngilarpullu paasissutissat isumannaatsuutin­nissaasa pingaaruteqarnerat qanorlu atorneqar­tarnerannik ilisimatinnissat. Paasissutissanik inunnut ataasiakkaanut tunngasutut isigineqartunik paasissutis­sinniarluta aalajangersin­naavutit. Paasissutissanik atueriaatsimi matumani “paasissutissat inunnut ataasiakkaanut tunngasut” ilaatigut ukununnga innersuus­sutaasarput: Illit atit, emailit, najukkat, oqarasuaatippit normua paasissutis­salluunniit allat ilinnik kinaassusersinissamut atorneqarsin­naapput. Oqaatsimi “nittartakkami” pineqarput nittartagaq una nittartakkallu allat tassunga atasut, soorlu apps.pr2711.com, ba.pr2711.com, stream.pr2711.com, aamma wol.pr2711.com.

 Nittartagaq una app-illu tassunga tunngasut Watchtower-imit pigineqarput, taanna ingerlatsiviuvoq iluanaar­niarneq siunertarinagu New Yorkimi pilersin­neqartoq Jehovap Nalunaajaasuisa suliaannik Biibilimillu ilinniar­titsisar­nerannik tapersersuisoq. Nammineq kajumis­sutsinnik kontomik pilersitsiguit, tunissuteqaruit, pulaarneqarumallutit immersuiguit arlaannil­luunniit iliuuseqaruit illit pillutit paasissutissanik tunnius­sisariaqarlutit paasissutissanik atueriaaseq una, illit pillutit paasissutissat USA-mi serverinut toqqorneqar­nissaat aamma Watchtower-ip peqatigiiffiillu suleqatigisar­tagaasa Jehovap Nalunaajaasuisa nunani assigiin­ngitsuni suliaannik tapersersuisartut illit pillutit paasissutissanik katersinissaat, suliaqar­nissaat, nuussinissaat toqqorsinissaallu akuerissavat. Upperisarsioqatigiit peqatigiiffiat nunani tamalaani ingerlatsiviit assigiin­ngitsut aqqutigalugit suliaqartarpoq. Paasissutissanik illersuinermut tunngatillugu pineqartut taakku tassaasin­naapput Jehovap Nalunaajaasuisa sumiiffinni ilagiivi, immikkoor­tortaqarfii peqatigiiffiilu assingusut allat.

Nittartakkami sulerinersutit apeqqutaatillugu illit pillutit paasissutissanut akisussaasoqartarpoq. Assersuutigalugu nunami aalajangersimasumi ingerlatsivimmut inatsisitigut pisinnaatitaasumut pisussaatitaasumullu tunissuteqaruit atit attavigineqar­nissannullu paasissutissat tunissuteqar­niarninni paasissutis­siissutigineqartutut ingerlatsivimmut pineqartumut tunniun­neqassapput. Aamma assersuutigalugu pulaarneqarumallutit immersuiguit noqqaas­sutigisat eqqortis­sinnaajumallugu atit attavigineqar­nissannullu paasissutissat Jehovap Nalunaajaasuisa immikkoor­tortaqarfiannut ilagiinnullu pineqartunut tunniun­neqassapput.

Ikiorneqar­nissannik pisariaqar­titsiguit nunamilu paasissutissanik illersuinissamik inatsisilimmi najugaqaruit quppernermi Data Protection Contacts-imi nunami najukkanni attavigineqarsinnaasut takusin­naavatit.

 Illit pillutit paasissutissanik isumannaal­lisaaneq allanullu ingerlatitseq­qiisannginneq assut pingaar­tipparput. Illit pillutit paasissutissat akuerisaan­ngitsunit pissarsiarineqar­nissaannut, naleqqutin­ngitsumik atorneqar­nissaannut saqqummersin­neqarnis­saannul­luunniit, akuerisaan­ngitsumik allanngor­tinneqar­nissaannut, inatsisinik unioqqutitsisumik nunguter­neqarnis­saannut siunertarineqan­ngitsutul­luunniit annaaneqar­nissaannut illersor­niarlugit paasissutissanik toqqorseriaatsit illersueriaatsillu nutaat atortarpavut. Illit pillutit paasissutissanik suliaqartut immaqalu allat paasissutissanik pissarsisut tamarmik illit pillutit paasissutissanik ingerlatitseq­qiinngin­nissamik ataqqin­ninnissamut pisussaapput. Illit pillutit paasissutissat taamaallaat katersor­neqarneranni siunertamut imaluunniit inatsisit naapertorlugit nalunaarsuinissamut allakkanul­luunniit uppernarsaatinik katersinissamut piumasaqaatinut naapertuuttumik pisariaqartumik sivisus­susilimmik toqqortarpavut.

Illit pillutit paasissutissat nuunneranni paasiuminaal­lisaatit, assersuutigalugu Transport Layer Security (TLS), atorlugit illersor­tarpavut. Paasissutissat uagutsinnut nuunneqartut allanut ingerlateq­qinneqan­nginnissaat isumannaatsuutin­nissaallu qulakkeer­niarlugu qarasaasianut systemit killilimmik iserfigineqarsinnaasut illuni atortutigut, elektronikkikkut malittarisas­sakkullu isumannaal­lisaatitalinni inissisimasut atortarpavut. Akuerisaan­ngitsut isernissaat pinngitsoor­tinniarlugu isumannaal­lisaanermut sukangasunik malittarisas­saqarpugut.

 Nunami najukkanni inatsisit naapertorlugit ukiukitsuuguit nittartak­katsinnullu iseruit taamaallaat angajoq­qaannit angajoq­qaatulluunniit akisussaatitaasumit akuerineqarnikkut illit pillutit paasissutissanik tunnius­sisinnaavutit. Illit angajoqqaatut imaluunniit angajoqqaatut akisussaatitaasutut ukiukitsup nittartakkakkut nammineq pilluni paasissutissanik tunnius­sinissaa akuerigukku ukiukitsup nittartakkamik atuineranut atatillugu paasissutissanik atueriaaseq una akuerissavat.

 Ilaannikkut nittartagaq app-illu tassunga tunngasut allanut innersuus­suteqarsin­naapput. Ilaatigut nittartakkanut allanut innersuus­suteqartarput uagut sinnerluta sullissisartunik (assersuutigalugu internetikkut immersuinermi). Nittartagaq allatut isikkoqassammat aamma browserip qulaani allassimasut allanngus­sammata nittartakkamut allamut isersimallutit takusin­naassavat. Tamatuma saniatigut, nittartagaq una aqqutigalugu paasitin­neqarusus­simaguit, assersuutigalugu nittartakkami allannguutinik pisunil­luunniit nalunaarfigineqar­tarnissa (notifikationinik pisarnissat) kissaatigisimagukku, sullissisunit allanit allaffigineqar­tarsinnaavutit, soorlu emailikkut SMS-ikkulluunniit. Sullissisut allat toqqarneqaraangata, aamma toqqarneqareernerisa kingorna akuttun­ngitsumik, paasissutissanik atueriaasiat illersueriaasiallu misissor­neqartarput qulakkeer­niarlugu uagutsitulli malittarisassanik eqqortitsinersut. Taamaak­kaluartoq sullissisut allat app-inik sullissinernillu neqerooruteqartarput, taakkunanilu programmit, atuinermut piumasaqaatit, paasissutissanik atueriaaseq atugassarititaasullu nalinginnaasut nakkutigisinnaaneq ajorpavut. Taamaattumik app-inik sullissinernillu taakkuninnga atuininni sullissisup allap taassuma sullissinermut atuinermullu piumasaqaatai malissavatit. Sullissisumit allamit nutarterineq pillugu ilisimatin­neqarneq ajoratta piumasaqaatai atuinnginninni takoqqaar­tassavatit. Sullissisut allat malittarisassaat pillugit apeqqutis­saqaruit taakkua malittarisassaat nittartagaanni atuarsin­naavatit.

Nittartakkami matumani Google Maps-ip sullissinerinik atuininni Google Privatlivspolitik (paasissutissanik atueriaaseq) malissavat. Google sullissisartuuvoq alla, tamatumanilu app-it, program­milersuineq aamma Servicevilkår (sullissinermut piumasaqaatit) nakkutigisin­naanngilavut. Taamaattumik nittartakkami matumani Google Maps-ip sullissinerinik atuininni una malissavat: Yderligere servicevilkår for Google Maps/Google Earth (Google Maps/Google Earth-imik sullissinermut piumasaqaatit allat). Nutarterineq pillugu ilisimatin­neqarneq ajoratta Google Maps-ip atuinermut piumasaqaatai atuinnginninni takoqqaar­tassavatit. Piumasaqaatit akuerin­ngikkukkit Google Maps-ip sullissineri atortas­sanngilatit.

 Nittartakkami app-inilu tassunga tunngasuni atuuffiit sullissinerillu atuuttut pitsanngorsar­tarlugillu nutaanik ilallat­taasarpavut. Taamatut allannguisarneq aamma inatsisitigut atortoris­saarutitigullu allannguisarneq pissutigalugit paasissutissanik suliarin­neriaaserput ilaanneeriarluni allanngor­tinneqar­tassaaq. Paasissutissanik atueriaaseq allanngor­tinneqar­tariaqalissappat allannguutit quppernermut matumunnga ikkunneqar­tuaannassapput, taamaalillutit paasissutissanik katersueriaaserput atueriaaserpullu ilisimajuaan­narnias­sagakkit.

 Nittartak­katsinni app-inilu tassunga tunngasuni atuuffiit pitsanngorsar­niarlugit scripting atorneqartarpoq. Scripting atorlugu quppernerup imarisai sukkanerusumik nuisinneqarsin­naasarput. Scripting qarasaasianni softwaremik ikkussinissamut akuerisaan­ngitsumil­luunniit paasissutissanik ilinnit katersinissamut atorneqan­ngisaannarpoq.

Nittartakkap ilaa eqqortumik ingerlasin­naassappat Active Scripting imaluunniit JavaScript browserikkut ikinneqar­tariaqarpoq. Browserini amerlanerni nittartakkanut aalajangersimasunut tunngatillugu atuuffik taanna atorneqarsin­naalluniluunniit unitsin­neqarsinnaavoq. Nittartakkani toqqarneqarsimasuni scripting qanoq atorneqarsin­naanersoq paasiumallugu browserip inissiissutai takussavatit.