ចម្រៀងសរសើរព្រះ ២៧:១-១៤
ទំនុករបស់ដាវីឌ។
២៧ ព្រះយេហូវ៉ាជាពន្លឺ+និងជាអ្នកសង្គ្រោះខ្ញុំតើខ្ញុំគួរខ្លាចអ្នកណា?+
ព្រះយេហូវ៉ាជាទីពឹងជ្រករបស់ខ្ញុំ+តើខ្ញុំគួរញញើតអ្នកណា?
២ ពេលមនុស្សអាក្រក់ដែលជាសត្រូវមកវាយប្រហារខ្ញុំហាក់ដូចជាចង់លេបត្របាក់ខ្ញុំ+ ពួកគេបែរជាជំពប់ដួលវិញ។
៣ ទោះជាមានទាហានមកបោះទ័ពឡោមព័ទ្ធខ្ញុំក៏ដោយខ្ញុំនឹងមិនភ័យខ្លាចឡើយ។+
ទោះជាមានពលទ័ពមកធ្វើសង្គ្រាមនឹងខ្ញុំក្ដីខ្ញុំនឹងបន្តទុកចិត្តលោក។
៤ ខ្ញុំមានបំណងប្រាថ្នាមួយប៉ុណ្ណោះដែលចង់សុំពីព្រះយេហូវ៉ាគឺសូមឲ្យខ្ញុំបាននៅក្នុងវិហាររបស់ព្រះយេហូវ៉ាអស់មួយជីវិត+ដើម្បីខ្ញុំអាចឃើញលម្អរបស់ព្រះយេហូវ៉ានិងអាចរំពៃមើលវិហាររបស់លោកដោយចិត្តដឹងគុណ។*+
៥ ព្រោះនៅថ្ងៃអន្តរាយ លោកនឹងបំពួនខ្ញុំឲ្យនៅក្នុងជម្រករបស់លោក+លោកនឹងលាក់ខ្ញុំនៅទីកំបាំងនៃត្រសាលរបស់លោក+លោកនឹងដាក់ខ្ញុំនៅលើថ្មខ្ពស់។+
៦ ឥឡូវ ខ្ញុំទទួលជ័យជម្នះទាំងស្រុងលើពួកសត្រូវដែលនៅជុំវិញខ្ញុំខ្ញុំនឹងជូនគ្រឿងបូជានៅត្រសាលរបស់លោកទាំងស្រែកអរសប្បាយខ្ញុំនឹងច្រៀងសរសើរ*ព្រះយេហូវ៉ា។
៧ ឱព្រះយេហូវ៉ាអើយ ពេលខ្ញុំស្រែករកលោក សូមលោកស្ដាប់ខ្ញុំ+សូមបង្ហាញសេចក្ដីមេត្តាករុណាដល់ខ្ញុំ ហើយតបឆ្លើយមកខ្ញុំផង។+
៨ ចិត្តរបស់ខ្ញុំរំលឹកខ្ញុំអំពីបង្គាប់របស់លោកថា៖
«ចូរស្វែងរកខ្ញុំ»។
ឱព្រះយេហូវ៉ាអើយ ខ្ញុំនឹងស្វែងរកលោក។+
៩ សូមលោកកុំបែរមុខចេញពីខ្ញុំ+សូមកុំដេញខ្ញុំពេលលោកខឹងលោកជាជំនួយរបស់ខ្ញុំ+ឱព្រះដែលជាអ្នកសង្គ្រោះខ្ញុំ សូមកុំបោះបង់ឬចាកចោលខ្ញុំឡើយ។
១០ ទោះជាឪពុកម្ដាយបោះបង់ចោលខ្ញុំក្ដី+ព្រះយេហូវ៉ានឹងទទួលយកខ្ញុំ។+
១១ ឱព្រះយេហូវ៉ា សូមបង្រៀនខ្ញុំអំពីផ្លូវរបស់លោក+សូមនាំខ្ញុំដើរតាមផ្លូវទៀងត្រង់ ព្រោះខ្ញុំមានសត្រូវជាច្រើន។
១២ សូមកុំប្រគល់ខ្ញុំទៅក្នុងកណ្ដាប់ដៃពួកសត្រូវឡើយ+ព្រោះមានសាក្សីក្លែងក្លាយចោទប្រកាន់ខ្ញុំ+ហើយពួកគេគំរាមកំហែងធ្វើបាបខ្ញុំ។*
១៣ តើជីវិតខ្ញុំនឹងទៅជាយ៉ាងណាបើខ្ញុំមិនជឿជាក់ថាខ្ញុំនឹងឃើញគុណធម៌របស់ព្រះយេហូវ៉ាក្នុងចំណោមមនុស្សរស់?*+
១៤ ចូរសង្ឃឹមលើព្រះយេហូវ៉ា+ចូរក្លាហានហើយរឹងមាំឡើង+ចូរសង្ឃឹមលើព្រះយេហូវ៉ាចុះ។
កំណត់សម្គាល់
^ ឬ«ដោយរំពឹងគិតយ៉ាងជ្រាលជ្រៅ»
^ ឬ«លេងភ្លេង»
^ ឬ«ប្រើអំពើហិង្សាមកលើខ្ញុំ»
^ ឬប្រហែលជាមានន័យថា«ខ្ញុំមានជំនឿថាខ្ញុំប្រាកដជានឹងបានឃើញគុណធម៌របស់ព្រះយេហូវ៉ាក្នុងចំណោមមនុស្សរស់»
