នៅសម័យដ៏ពិបាកនេះ មនុស្សជាច្រើនមិនសូវឲ្យតម្លៃចំពោះចំណងអាពាហ៍ពិពាហ៍ទេ។ បើដូច្នេះ តើក្រុមគ្រួសាររបស់លោកអ្នកអាចមានសុភមង្គលបានទេ? តាមពិត ការធ្វើឲ្យមានសុភមង្គលក្នុងគ្រួសារ គឺមិនងាយស្រួលទេ។ ប៉ុន្ដែ សៀវភៅនេះអាចជួយក្រុមគ្រួសារឲ្យមានសុភមង្គលបាន។ ទោះជាក្នុងសៀវភៅនេះមិនបានរៀបរាប់អំពីវិធីសាស្ដ្រទាំងអស់ក៏ដោយ តែសៀវភៅនេះរៀបរាប់អំពី គោលការណ៍គម្ពីរដែលមានប្រសិទ្ធភាព ព្រមទាំងយោបល់ល្អៗដែលអាចជួយក្រុមគ្រួសារទាំងឡាយបាន។ បើលោកអ្នកធ្វើតាមយោបល់ទាំងនេះយ៉ាងដិតដល់ នោះក្រុមគ្រួសាររបស់លោកអ្នកនឹងមានសុភមង្គល។