Okitadi kyene mukwatekesa okikalakalu kumundu woso enemukisangela ku Jimbangi ja Jihova muvondadi yâ. a Mu ididi yetu ya ubhezelu mwala jikaxa mututena kusangela kitadi. O ukexilu wamukwá wakusangela kitadi bhukaxi ka site yetu mumbandu Kusangela Kitadi. Mumbandu yiyi tusangamu mawukexilu ayadi akusangela kitadi. Umoxi phala kukwatekesa okikalakalu kyetu kumundu woso, wakayadi phala kukwatekesa o ibhindamu yakilunga, mba omuthu utena kusola kusangela mumawukexilu ayadi yá.

 O Jimbangi ja Jihova kene mwajijidika kubhana dijimu (mbandu yakakwinyi), kene mwajijidika kusangela kitadi, mba kwatangela se andabhana kikuxi mbeji joso. (2 Kolindu 9:7) Kitwene mubhinga kitadi phala muthu kubokona muyônge yetu, kumubatizala, kubhanga diskulusu dyathambi, kubhanga diskulusu dya ukaza ni ikalakalu yamukwá yalungu ni ubhezelu wetu kwa Nzambi. Kitwene mutambula kitadi mu itanda, mu jifesa, jikarnavale ni ima yakamukwá yadifu kala yiyi. Kitwene mubhinga we kitadi ku athu. O athu asangela okitadi kene mwatumbula omajina mba kwa ejidisa ku athu. (Matesu 6:2-4) Mu site yetu mba mumadivulu kimwene mumoneka njimbu yalungu ni kitadi kitwene mutambula.

 Mu ilunga yoso ya Jimbangi ja Jihova, mbeji joso muyônge yâ enemubhanga lelatódyu yalungu ni kyebhi kitwenemungastala okitadi. Muthu wosowoso utena kuya muyônge yiyi. Mu ilunga yoso kithangana ni kithangana enemutonginina omikanda yalungu ni kitadi phala kumona se kitadi amukingastala kyambote.—2 Kolindu 8:20, 21.

•   Jikaxa phala kusangela: Eye utena kusangela kitadi mujikaxa mba bhukaxi ka jixeke mu Ididi ya Ubhezelu, mu Ididi Mwene Mubhita Yônge Yamakota ni mu ididi yamukwá mwene mubhita o yônge yetu.

•   Kusangela kitadi bhukaxi ka internete: Mujixi javulu, o athu enemusangela kitadi bhukaxi ka jikalatá ja kreditu, jikalatá ja debitu ni mumawukexilu engi akusangela kitadi b mu site yetu mumbandu “Kusangela Kitadi Phala o Jimbangi ja Jihova.” Sayi Jimbangi ja Jihova enemubhaka kakitadi jimbeji joso, anga akasangela mumawukexilu yá.—1 Kolindu 16:2.

•   Kudisokejeka Phala Kusangela Kitadi: Sayi mawukexilu akusangela kitadi kubhinga kudisokejeka kyambote ni/mba kusinala madukumendu. Mu ixi yé, okudisokejeka kuku kutena kukukwatekesa kukatula mbote mumaka alungu ni kufuta lubhaku. Athu avulu enemukatula mbote mukwijiya kyambote omawukexilu akusangela kitadi. Ene abhanga kiki kyoso kyala hanji kumwenyu, se afwa ojimbote jisuluka ni kukwatekesa okilunga. Twakudyondo sota kikwatekesu kufiliyale ya Jimbangi ja Jihova phala kwijiya dingi ihi iwatokala kubhanga phala kusangela kitadi bhukaxi ka:

  •   contas bancárias

  •   seguro e planos de previdência privada

  •   imóveis

  •   ações e títulos

  •   testamentos e fideicomisso

 Phala kwijiya dingi mawukexilu amukwá akusangela kitadi mu ixi yé, ndé mumbandu “Kusangela Kitadi Phala o Jimbangi ja Jihova.”