Athu avulu axikina kwila, nuka twanda tena kutunga kumoxi sé katombo, kifwa kutunga sé katombo nzoji ngó.

•   “Kumundu woso mukonda dya katombo o isangela, ni athu oso mu ididi yoso, amudiwanuna. Mukonda dya katombo o athu ene musuluka ni kuditalatala kyayibha.”—António Guterres, Seketa ya Nações Unida.

 Maji o kwila mu kidi sayi kizuwa o katombo ku mundu kanda bhwa? Ihi Izwela o Bibidya?

 O Bibidya itutangela kyebhi Nzambi kyamona o athu a ikonda yoso.

•   “[Nzambi] bhukaxi ka muthu umoxi mwene wabhange o ifuxi yoso mu ngongo, phala kutunga mu ixi.”—Ikalakalu 17:26.

•   “Nzambi ki mukwa katombo, maji mu jixi joso mwene uxikina woso u mukala ni wôma, anga ubhanga o ima yayuka.”— Ikalakalu 10:34, 35.

 O Bibidya izwela kwila athu oso atokala kumwiji umoxi ngó, ni kwila Nzambi uxikina athu a ikonda yoso.

 O Utuminu wa Nzambi, o unguvulu ku dyulu wene wanda zubha o katombo. O unguvulu yú wene wanda longa o athu kwijiya kyebhi kyatokala kuditalatala mu ukexilu watokala. O athu anda dilonga kyebhi kya tena kutolola o jihanji joso jibhekela o katombo.

•   “Akwa-xi kulu dya mundu [anda] di-longa o kidi.”—Izaya 26:9.

•   “O ibundu ya kuyuka ya kà kala kutululuka; o ukalakelu wa kuyuka o kunyoha ni ku kondama mu thembu joso.”—Izaya 32:17.

 Lelu, mazunda ni mazunda a athu bhukaxi ka Bibidya amudilonga se kyebhi kyatena kutalatala o athu ni kuxila kwoso.

•   Phala kudilonga dingi tanga o milongi ya Dispertai!, ni dyambu “O preconceito vai acabar?”

•   Tanga o milongi ni dyambu “Como falar com os filhos sobre o racismo?” phala kwijiya se kyebhi o jitata kyatena kudikunda o maka enya kubhata.