DISÁ 47
Eye Wala Polondo Phala Kukubatizala?
Eye wadilongo kya ima yavulu ya lungu ni Jihova bhukaxi kakudilonga o Bibidya. Nange walungulula kya ima ku mwenyu we phala kukumbidila o ima iwadilongo. Maji nange sayi ima ya mu kufidisa kudibhakula kwa Jihova ni kudibatizala. Mu disá didi, twanda dilongamu o ibhidi yene mufidisa dingi o athu kudibatizala, ni kyebhi kitutena kutolola o ibhidi yiyi.
1. O kwila eye wabhingi kwijiya o ilongesu yoso ya Bibidya phala kukubatizala?
Phala kukubatizala eye wabhingi “kwijiya o kidi.” (1 Timote 2:4) Kiki kikilombolola kwila, wabhingi kwijiya o itambwijilu yoso yene mu bhanga o athu ya lungu ni Bibidya phala kukubatizala. Né mwene o muthu amubatizala kya ukulu usuluka hanji ni kudilonga ya lungu ni Jihova. (Kolose 1:9, 10) Maji wabhingi kwijiya o ilongesu yabeta kota ya Bibidya. Se wala ni phata ya kwila o kwijiya kuwala naku kikusoko phala kukubatizala, utena kuzwela ni tufunga phala kukukwatekesa.
2. Ima yebhi iwabhingi o kubhanga ande dya kukubatizala?
Ande dya kukubatizala, watokala ‘Kudyela . . . ni kulungulula o ukexilu wé.’ (Tanga Ikalakalu 3:19.) Kiki kilombolola kwila, watokala kuluwala ni muxima woso mukonda dya ima yayibha iwabhangele mukulu ni kubhinga muloloki kwa Jihova. Kulombolola we kusola kubhanga ngó o vondadi ya Jihova ni kudituna o ima ya zembe mwene. Mukusuluka wabhingi kuya mu yônge ni kuboka kumoxi ni jiphange mu kilunga.
3. Mukonda dyahi kubhingi kukala ni wôma wa kudibatizala?
Amoxi akala ni wôma wa kukamba kukumbidila o ima ya kanena kwa Jihova. Mukidi, sayi ithangana eye wandalweza. Sayi mayala ni ahatu o tumbule mu Bibidya alweza we. Maji lembalala kwila, Jihova kakingila kuyuka ku jiselevende jê. (Tanga Jisálamu 103:13, 14.) Mu kubhanga yoso i utena mwene usanguluka! Mwene wanda kukwatekesa. Mukidi, Jihova utudyelelesa kwila seku kima “ki tena ku tu batukisa ku henda [yê].”—Tanga Loma 8:38, 39.
DILONGE DINGI
Kwijiya kyambote Jihova ni kuxikina o kikwatekesu kyê kwanda kukwatekesa kutolola o ibhidi itena kukufidisa kudibatizala.
4. Ijiya kyambote Jihova
Kwijiya kwahi ku watokala kukala naku ande dya kukubatizala? Eye wabhingi kwijiya kyambote Jihova, ku muzola ni kubhanga o ima imusangulukisa. Tala OVIDYU phala kumona ihi ya bhange o maxibulu ku mundu woso phala kwijiya kyambote Jihova. Mukusuluka bhanga o kibhwidisu kya kayela.
-
Ihi yakwatekesa o athu a atange mu vidyu kudipelepalala phala kudibatizala?
Tanga Loma 12:2, mukusuluka bhanga o ibhwidisu ya kayela:
-
Eye wala ni phata ya lungu ni ilongesu ya Bibidya? O kwila wala ni jiphata se o Jimbangi ja Jihova ene mulonga o kidi?
-
Se kyene, ihi i utena o kubhanga?
5. Kutolola o ibhidi yoso ikufidisa kudibatizala
Etwenyoso twadibhana ni ibhidi kyoso kitwasolo kubhakula o mwenyu wetu kwa Jihova ni kudibatizala. Phala kumona phangu imoxi, tala OVIDYU, mukusuluka bhanga o ibhwidisu ya kayela.
-
Mu vidyu, ibhidi yebhi ya bhingile kutolola phange Narangerel phala kusidivila Jihova?
-
Kyebhi o henda yexile nayu phange Narangerel kwa Jihova ya mukwatekesa kutolola o ibhidi yiyi?
Tanga Jisabhu 29:25 ni 2 Timote 1:7, mukusuluka bhanga o kibhwidisu kya kayela:
-
Ihi ituswinisa kutolola o ibhidi?
6. Dyelela mu kikwatekesu kya Jihova
Jihova wanda kukwatekesa kubhanga o ima imusangulukisa. Tala OVIDYU, mukusuluka bhanga o ibhwidisu ya kayela.
-
Muvidyu, ihi yexile mufidisa dixibulu dya Bibidya kudibatizala?
-
Ihi yadilongo mwene, yakolesa o kidyelelu kyê kwa Jihova?
Tanga Izaya 41:10, 13, mukusuluka bhanga o kibhwidisu kya kayela:
-
Mukonda dyahi utena kudyelela kwila wanda kumbidila o kikanenu kyé kwa Jihova se udibhakula kwa mwene?
7. Bandekesa o kisakidilu kyé mu henda ya Jihova kokwé
Kuxinganeka kwila Jihova wakuzolo kyavulu, kwanda bandekesa o kisakidilu kyé ni vondadi yê yakumusidivila katé kuhádya ni hádya. Tanga Jisálamu 40:5, mukusuluka bhanga o kibhwidisu kya kayela:
-
Mabesá ebhi a Jihova akuwabhela dingi?
O polofeta Jelemiya wazolele Jihova ni maka mê, wexile mubhana valolo yadikota mu ujitu wa kusidivila Jihova. Mwene wambe: “Maka mé ma ngi kala kutana ni kusanguluka mu muxima wami; kuma a ngi luku dijina dyé, eye u Jihova, Nzambi.” (Jelemiya 15:16) Tambwijila o ibhwidisu ya kayela:
-
Mukonda dyahi ujitu wadikota kukala Mbangi ya Jihova?
-
O kwila wamesena kudibatizala phala kukala Mbangi ya Jihova?
-
O kwila sayi kima kikufidisa kubhanga kiki?
-
Mudyé, ihi iwabhingi kubhanga phala kukubatizala?
ATHU AVULU AMBA: “Ngala ni woma wakudibatizala mukonda ngitena kubhanga ima yayibha kupholo.”
-
O kwila kyene we ki udivwa?
IHI IWADILONGO
Ni kikwatekesu kya Jihova utena kutolola o ibhidi yé ni kudibatizala.
Kubhitulula
-
O kwila wabhingi kwijiya o ilongesu yoso ya Bibidya phala kukubatizala?
-
Nange ima yebhi iwabhingi kubhanga ande dya kukubatizala?
-
Mukonda dyahi kutokala kwehela o woma kukufidisa kukubatizala?
TOKWESA DINGI
Tokwesa dingi umone ihi yatokala ku kubhangesa kusola kudibatizala.
“Eye Wala Polondo Phala Ku Kubatizala?” (O Mulangidi, wa Katanu wa 2020)
Tala o ibhidi itena kukufidisa kudibatizala.
“Ihi i Fudisa ku Ngi Batizala?” (O Mulangidi, wa Katanu wa 2019)
Sayi diyala watolola o ibhidi yexile mu mufidisa kudibatizala. Tala kyebhi mwene kya bhange kiki.
Sayi diyala amwixana Ataa, kudimatekenu wexile ni jiphata se watokalele kudibatizala mba kana. Tala ihi ya mu kwatekesa kudibatizala.
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
