O Kuila O Milongi Ia Bibidia Ki Iale Dingi Ni Valolo?
MAKA A JINGIJIIE
O BIBIDIA KI DIVULU DIA JINGIJIIE, MAJI I TANGA O KIDI KIA LUNGU NI MAKA A JINGIJIIE. TALA O IFIKAKA ÍII.
O Kuila o Ngongo Iexile ni Dimatekenu?
Sai jingijiie a tambuijile ni kidi kioso kuila kana. Maji kindala a xikina kuila o ngongo iene ni dimatekenu. O Bibidia i zuela o kidi kiki tundé ukulu.—Dimatekenu 1:1.
Uebhi o ukexilu ua ixi?
Mu kulu athu avulu a xikinine kuila o ixi, ki iexile kala dikende kana. Ku hama ia katanu A.K.K, o jingijiie akuá Ngeléxia a zuelele kuila o ixi iexile kala dikende. Maji mivu iavulu kudima ku hama ia nake A.K.K. o polofeta Izaia ua sonekene kiá mu Bibidia kuila o ixi “dikende.”—Izaia 40:22.
O kuila mu kubhita thembu o diulu di zanganha mba di jila?
O ngijiie ngana Aristotele ua tungile Ku hama ia kauana A.K.K., uambe kuila o ima i zanganha ngó mu ixi, maji o diulu nuka dia-nda zanganha mba kujila. O ibanzelu íii ia nangenena mu mivu iavulu. Maji mu kubhita thembu ku hama ia 19, o jingijiie a kexile ni ibanzelu iengi. A zuela kuila ima ioso ku diulu ni mu ixi i zanganha mba i lunguluka. Mu kifika o ngijiie ngana Kelvin ua mono i zuela o Bibidia ia lungu ni diulu ni ixi: “A kà kuka muene kala kizuatu, ki bhinga ku ki zula.” (Jisálamu 102:25, 26) Kelvin ua xikinine, kala ki longa o Bibidia kuila, Nzambi ueji langa o ibhangelu iê phala ki i zanganhe.—Ndongixi 1:4.
O kuila sai kima kia kuata o ixi?
Aristotele, uambe kuila, o ima ioso ku diulu iala moxi dia jibola, o ima íii ia kondoloka o ixi. Ku hama ia 18 K.K. o jingijiie a xikinine o kibanzelu kia kuila o jithéthembua ni jiplaneta se-ku kima kia ji kuatele. Maji mu divulu dia Jobe dio soneke ku hama ia 15 A.K.K. tu tanga-mu kuila, o Mubhangi u “bhangesa ixi kuzenzamena bhua kambe kima.”—Jobe 26:7.
MAKA A LUNGU NI SAUIDI
O BIBIDIA KI DIVULU DIA KUSAKA, MAJI MUALA MILONGI IA KATUNDA IA LUNGU NI SAUIDI.
O muthu ua kate u di kexidila.
Mu Kitumu kia Mozé, se muthu ua kexile ni dibhute ka tokalele kukala muaxaxe ka athu, maji ua tokalele ku di kexidila. Kioso kia moneka o mauhaxi a bhonzo mu kithangana kia Idade Média, kiene ngó o jidotolo kia mateka kukaiela o itendelesu íii, katé kiki o ukexilu iú uene hanji mu kuatekesa.—Ijila, kibatulu 13 ni 14.
Se ua kuata kimbi u di sukula.
Ande dia disukilu dia hama ia 19, o jidotolo a kexile mu kuata o imbi ni ku saka o jihaxi sé kusukula o maku. O ukexilu iú ua bhekela kufua kuavulu. Maji o Kitumu kia Mozé kiambele kuila, se muthu u kuata ku kimbi u kasana. Katé muene kiambele ue kuila, kua bhingile menha phala ku mu zelesa. O ukexilu iú ua bhekela mbote iavulu ku athu.—Dialuilu 19:11, 19.
Kididi kia kutexa o ixete.
Kala muvu, kaxaxi ka jimidi a tumbonga ene mu fua ni kabualala mukonda dia ixete iene mu buazeka o athu. O Kitumu kia Mozé kiambele kuila, o muthu ua tokalele ku kandela o ixete bhoxi phala ki i kale muaxaxe ka athu.—Matendelelu 23:13.
Kithangana kia kusaia.
O Kitumu kia Nzambi kiambele kuila, o kabuetele ka diiala a tokalele ku mu saia kioso kieji tenesa dinake dia izuua. (Ijila 12:3) O tubuetele a bhingile kubhita semana phala ka bhubhe manhinga avulu mu kithangana kia kua saia. Mu kulu ande dia kuijiia ima iavulu ia lungu ni kusaka, o ku kingila semana ande dia kusaia o kabuetele kiexile kikuatekesu kia dikota.
O kusanguluka kua muxima ku bhekela sauidi iambote.
O jingijiie ni jidotolo amba kuila o kusanguluka kua muxima, ni kidielelu, kusakidila, ni ukexilu ua kuloloka ku bhekela sauidi iambote. O Bibidia iamba: “Muxima ua sanguluka, u di bhanga milongo ia mbote mu mukutu ua muthu; maji o muxima-phe ua budika ni dilamba, u kukutisa ifuba”—Jisabhu 17:22.
Eye Nange Wandawabhela we o Maka Yá
ESSENTIAL BIBLE TEACHINGS
Kyebhi ki tu Tena Kwijiya Kwila, o Bibidya Divulu Dya Kidi?
Se o Bibidya ya tokala kwa Nzambi, yene ki yeji difangana ni divulu dyosodyoso.
IBHWIDISU YA BIBIDYA YO TAMBWIJILE
Okwila Omilongi ya Jingijiye Ixikina Omilongi ya Bibidya?
Okwila Omilongi ya Jingijiye Ixikina Omilongi ya Bibidya?
