Ihi i Longa o Bibidia?
O kuila o jingeleja a ji bhange ku athu?
SAÍ ATHU A XIKINA kuila o athu ene a bhange o jingeleja; a mukuá amba kuila Nzambi muéne ua bhange o jingeleja phala kukuatekesa o athu ku mu zukama. Abha eie, ihi i u banza?
IHI I ZUELA O BIBIDIA
Kuene ubhezelu ‘ua zele bhu pholo ia Nzambi, Tata.’ (Tiiaku 1:27) O ubhezelu ua zele, u tunda kua Nzambi.
IHI DINGI I TU LONGA O BIBIDIA?
Phala kuuabhela Nzambi, o ngeleja ia tokala kulonga o kidi kia Bibidia.—Nzuá 4:23, 24.
O jingeleja ji kaiela o ijila ia athu, ki jala ni valolo.—Marku 7:7, 8.
O kuila tua bhingi kubheza Nzambi mu ngeleja?
IHI I U BANZA?
Kiene?
Kana?
Nange?
IHI I ZUELA O BIBIDIA
“Tu di xinganekienu mudietu, tu di suinise mu ku dizola, ni kubhanga o mbote. Kana kufula ku di bhongolola jinga.” (Jihebeleu 10:24, 25) Nzambi ua mesena kuila o abhezi’ê a dibhongolola.
IHI DINGI I TU LONGA O BIBIDIA?
Oso a mu bheza Nzambi kumoxi a tokala kuxikina mu kima kimoxi.—1 Kolindo 1:10, 11.
Ku mundu uoso, o athu a mu bhanga o ubhezelu ua kidi, ua uabhela Nzambi, a dibhanga jiphange ja dizolo kiavulu.—1 Phetele 2:17.
Eye Nange Wandawabhela we o Maka Yá
O MULANGIDI
O Kuila Saí Ngeleja i Tua Tokala o ku i Dielela?
O kwila waluwalele kya mukonda dya jingeleja? Se kyene, kutena kukubhonza kudyelela ngeleja yosoyoso. Kudilonga o Bibidya kutena kukukwatekesa kyebhi?
