Kuene misambu iavulu, Nzambi kene mu i ívua. Tala ima iiadi i bhangesa Nzambi ku dituna o musambu ua muthu.

1. Ku bhinga ima ki i lungu ni vondadi ia Nzambi

 Nzambi kene mu kuívua o misambu ki i lungu ni vondadi iê io soneke mu Bibidia. (1 Nzuá 5:14) Mu kifika, o Bibidia i tu tangela kuila, ki tu tokala ku kala athu a luímbi. O ku jokala phala ku nganhala kitadi, ku suínisa o luímbi ku muxima. (1 Kolindo 6:9, 10) Kienhiki, Nzambi ka-nda kuívua o musambu ua muthu ua mesena ku nganhala o joko. Nzambi ki mubhika u bhanga ioso ia mu tumina o ku bhanga. Eie u tena ku sakidila mu kuijiia kuila Nzambi ka difu kiki, mukonda se kiene kiexile Nzambi, hinu ueji kala ni uôma mu ku banza kuila saí athu eji bhinga ima ia iibha kua Nzambi.—Tiiaku 4:3.

2. Misambu ia muthu ua bhukumuka

 Nzambi kene mu kuívua o misambu ia ió a solo ku bhanga ima ia mu iibhila. Mu kifika, Nzambi ua tangela ió a zuelele kuila a mu bheza muéne, maji akexile mu bhanga ima ia iibha, Nzambi uixi: “Kioso ki mu vudisa o misambu ienu eme ki ngi ivu, mukonda o maku’enu ezala manhinga.” (Izaia 1:15) Maji se ene a lunguluile o ukexilu uâ ua iibha ni ku sota ukamba ni Nzambi, hinu a evuile o misambu iâ.—Izaia 1:18.