O Bibidya ituswinisa kubhana ima ku akwetu ni muxima woso. Yene itulondekesa kwila, o ukexilu wakubhana ki ibhekela ngo mbote kwa yo utambula, maji we ibhekela we mbote kwa yo ubhana. (Jisabhu 11:25; Luka 6:38) Jezú wambe: “O kubhana kusangulukisa dingi, o kutambula ndenge.”—Ikalakalu 20:35.

•  Ukexilu webhi wakubhana usangulukisa Nzambi?

•  Ukexilu webhi wakubhana uluwalesa Nzambi?

•  Jivelesu ja Bibidya jalungu ni kubhana

 Nzambi usanguluka kyoso kitubhana kima ku muthu ni muxima woso. O Bibidya yamba: “Kala muthu abhane kala kya xinganeka ku muxima wê, kabhane ni kuluwala mba ni ku mu jijidika, mukonda Nzambi wazolo o muthu ubhana ni kusanguluka.”—2 Kolindu 9:7.

 O kubhana ni muxima kibhanga mbandu ya “ubhezelu wazele” (Tiyaku 1:27, nota) Woso ubhana ni muxma woso kwa yo wabhindamena kikwatekesu, wa mu kalakala ni Nzambi, mwene umona kala dikongo dya bhange kwamwene. (Jisabhu 19:17) O Bibidya ilonga kwila Nzambi wanda besowala yo ala ni ukexilu wakubhana.—Luka 14:12-14.

 Kubhana ni muxima wayibha. Mu kifika:

•   Phala kutuximana ku athu.—Matesu 6:2.

•   Phala kukingila we kivutwilu.—Luka 14:12-14.

•   Phala kusumba o kubhuluka.—Jisálamu 49:6, 7.

 Kubhana ima phala kukwatekesa ikalakalu ya zembe Nzambi. Mukifika, kima kyayibha kuhana kitadi kwa yó wanda ngastala ngo kujijoko jayibha, phala kusumba jidroga mba uholuwa. (1 Kolindu 6:9, 10; 2 Kolindu 7:1) Kikima kyambote we kubhana kima ku muthu utena kukalakala phala kudidikila, maji udituna kukibhanga.—2 Tesalonika 3:10.

 Kyoso kya tandanganya ni mawujitu amubhana kwa Nzambi. O Bibidya yamba kwila o atwameni a mwiji atokala kudikila o ibhindamu ya mwiji wa. (1 Timote 5:8) Ki kyeji fwama se o mutwameni wa mwiji ukwatekesa athu ku kanga mu kwabhana kama, maji wehela o mwiji we kutala hadi. Jezú watendelesa yó kene mu kwatekesa o jitat’â ja jakuka kya, mu kwamba “yoso i ngala nayu yeji kukwatekesa, nga ibhakula kwa Nzambi ”—Máluku 7:9-13.