Мәрьве мьлук ԛәдьре йед дьн занә. Әв мәрийа ньмьз накә у һивийе нин, ԝәки әԝана бь щурʹәки хԝә һьндава ԝи кьфш кьн. Мәрьве мьлук бь дьл бона мәрийа хәм дькә у һазьр ә жь ԝана һин бә.

Һьнә мәрьв дьфькьрьн кӧ мәрьве мьлук йәки сьст ә, ле әв ӧса нинә. Бь рʹасти мәрьве мьлук йәки ԛайим ә, чьмки сьстбунед хԝә занә у фәʹм дькә әԝ чь дькарә у чь на.

• Мьлукти һʹиме һәләԛәтийа баш ә. Кʹьтебәкида «Тһe Narcissism Epidemic» ӧса те готьне: «Мәрьвед мьлук һеса тʹәви мәрийа һәвалтийе дькьн . . . у һеса зьман мәрийарʹа дьвиньн».

• Мьлукти һʹиме ахьрийа баш ә бона зарʹа. Чахе әм зарʹе һин дькьн кӧ мьлук бә, әв йәк ԝирʹа кʹаре тинә у ахьрийеда жи ԝе ԝирʹа һеса бә, чахе әԝ дәстпекә хәбате хԝәрʹа бьгәрʹә. Псикʹолог Леонард Сакс кʹьтеба хԝәда ӧса ньвисийә: «Һәрге зарʹ хԝә жь йед дьн четьр һʹәсаб дькә у синоред хԝә ньзанә, әԝ чахе мәзьн бә хԝәрʹа хәбате бьгәрʹә, ԝе ԝи һьлнәдьн. Чьмки хәбәрдана ԝида мьлукти ԝе нәйе кьфше. Ле һәрге щаһьл фәʹм дькә кӧ мәзьне хәбате чь жь ԝи дьхԝазә, у бона ԝе йәке хәм дькә, мәрьве ӧса дькарьн һьлдьн сәр хәбате». *

Али зарʹе бькә ԝәки зәʹф хԝәрʹази нибә.

ПРИНСИПА КʹЬТЕБА ПИРОЗ: «Һәгәр йәк хԝә дәԝса тьштәки датинә у хԝәха нә т′ӧ тьшт ә, әԝ хԝәха хԝә дьхапинә» (Галати 6:3).

• Зарʹе һин кә, ԝәки бь реали сәр жийине бьньһерʹә: Гьли готьнед ӧса ча «Һʹәму нетед тә бенә сери» йан жи «чь жи бьхԝази тӧйе бьстини», бь логики тенә кʹьфше ле бь рʹасти жийина мәда ӧса наԛәԝьмә. Зарʹед ԝә ԝе һьнгә дьһа пешдачуйи бьн, һәрге әԝ нетед реали дайньн пешийа хԝә у бона ԝе йәке ԛәԝате бьдьнә хәбате.

• Бежә сәва чь пʹайе ԝан дьди. Чахе пʹайе заре дьди, тʹьме конкрет бежә сәва чь пʹайе ԝи дьди, чьмки әԝ дькарә бьфькьрә, кӧ жь һʹәмуйа четьр ә.

• Изне нәдә зарʹе, ԝәки гәләк ԝәхт бәр малпәред сосиал дәрбаз кә. Гәләк щар сосиаледа мәрьв дәрһәԛа хԝә гьли дькьн, кӧ әԝана гьһиштьнә чь у пе ԝе йәке пʹайе хԝә дьдьн. Ӧса зарʹ ԝе нькарьбә һин бә ԝәки мьлук бә.

• Зарʹед хԝә һин кә дәрбера бахшандьне бьхԝазә. Али зарʹа хԝә бькә, ԝәки әԝ шашийа хԝә бьвинә у ԛәбул кә.

 Рʹазибуне нав зарʹед хԝәда пешда бинә.

ПРИНСИПА КʹЬТЕБА ПИРОЗ: «Шекьрдар бьн» (Колоси 3:15).

• Зарʹе һин кә, ԝәки әʹфьрина ԛимәт кә. Зарʹед хԝә һин кә ԝәки рʹазибуна хԝә бьдьнә кʹьфше сәва һʹәму тьштед әʹфьранди у фәʹм бькьн, кӧ бона жийина мә әв фәрз ьн. Мәрʹа лазьм ә һәԝа кӧ бина хԝә бькʹьшиньн, ав кӧ вәхԝьн у хԝарьн кӧ бьхԝьн. Әԝан мәсәла бьдә хәбате, сәва кӧ рʹазибуна зарʹед тә һьндава ԝан тьшта, пешда бе.

• Зарʹед хԝә һин кә, мәрийа ԛимәт кьн. Бькә бира зарʹа хԝә, ԝәки һәр кәс тьштәкида жь ԝи четьр ә. Ләма жи дәԝса кӧ әԝ чʹәʹвнәбарийе йед дьн бькә, хԝәха гәрәке жь ԝана һин бә.

• Зарʹед хԝә һелан кә, кӧ рʹазибуна хԝә бьдьнә кʹьфше. Зарʹе һин кә, кӧ әԝ бежә «зәʹф рʹази мә». У әв нә кӧ тʹәне гәрәке гьли бьн, ле жь дьл бьн. Чахе рʹазибуне дьдьнә кʹьфше, әв йәк аликʹарийе дьдә кӧ мьлук бьн.

Зарʹед хԝә һин кә али йед дьнена бькьн.

ПРИНСИПА КʹЬТЕБА ПИРОЗ: «Бь мьлуктийе һәвале хԝә сәр хԝәр′а бьгьрә. Т′әне ль к′ара хԝә нәгәр′ьн, ле бьра һәр кәс ль к′ара һәвале хԝә жи бьгәр′ә» (Филипи 2:3, 4).

• Бьһелә, кӧ зарʹ шьхӧле мале бькә. Һәрге нәһельн кӧ зарʹ шьхӧле мале бькә, әԝ дькарә бьфькьрә кӧ әв шьхӧл нәһежайи ԝи йә. Зарʹ гәрәке фәʹм бькә, кӧ пешийе әԝ гәрәке бькә ԝан шьхӧла кӧ тʹәсмили ԝи кьрьнә, у паше һәрʹә бьлизә. Зарʹерʹа шьроԝәкә, ԝәки гава әԝ али мәрийа бькә, әԝ йәк кʹаре дькарә бинә, мәрьв ԝе жь ԝи рʹази бьн у шьхӧле ԝи ԛимәт кьн.

• Зарʹерʹа шьроԝәкә, кӧ аликʹарийе бьдьнә мәрьва, әв тьштәкә ԛәнщ ә. Чахе зарʹ аликʹарийе дьдә мәрьва, әв йәк али ԝи дькә, бьбә мәрьвәки баш. Али зарʹе бькә, кӧ бькарьбә тедәрхә һәла кʹирʹа у чь щурʹә аликʹари лазьм ә. Тʹәви ԝи шеԝьр кә, кӧ чь щурʹәйи әԝ дькарә әве йәке бькә. Пʹайе зарʹе бьдә у пьштгьрийа ԝи бькә, чахе әԝ али йед дьн дькә.