Жийина Малбәте у Һәвалти
Гәләк мәрьварʹа чәтьн ә һәләԛәтийа баш хԝәй кьн тʹәви малбәт у һәвалед хԝә. Ԝәрен әм шеԝьр кьн һьнә принсипед Кʹьтеба Пироз, кʹижан кӧ дькарьн һәләԛәтийа тә тʹәви мәрийа дьһа баш кьн.
ХԜӘҺʹЬЗ НИБӘ
ПРИНСИПА КʹЬТЕБА ПИРОЗ: «Т′әне ль к′ара хԝә нәгәр′ьн, ле бьра һәр кәс ль к′ара һәвале хԝә жи бьгәр′ә» (Филипи 2:4).
ӘВ ЧЬ ТЕ ҺʹӘСАБЕ: Әме бькарьбьн һәләԛәтийа баш тʹәви мәрийа чекьн, һәрге дина хԝә бьдьнә ве йәке, кӧ әм чь дькарьн сәва ԝан бькьн, нә кӧ чь әԝана дькарьн бона мә бькьн. Һәрге ве йәкеда тӧ хԝәһʹьзийе дьди кʹьфше, ӧса тӧ һәләԛәтийа хԝә тʹәви мәрийа хьраб дьки. Мәсәлә, һәрге һәвалзәԝащ тʹәне сәва хԝәстьнед хԝә дьфькьрә, әԝ ԝе һьндава һәвалзәԝаще хԝә нәамьн бә. Хенщи ԝе йәке, тʹӧ кәс нахԝазә һәвалтийе бькә тʹәви мәрьве кӧ тʹьме пʹайе хԝә дьдә, йан хԝә ӧса дьдә кʹьфше, кӧ тʹәне әԝ һʹәму тьшти занә. Кʹьтебәкеда «The Road to Character», һатьбу готьне: «Мәрьвед кӧ тʹәне дәрһәԛа хԝә дьфькьрьн, ԝе рʹасти гәләк проблема бен».
ТӦ ЧЬ ДЬКАРИ БЬКИ:
-
Али мәрийа бькә. Һәвалед баш итʹбарийа хԝә һәв тиньн у тʹьме һазьр ьн али һәвдӧ бькьн. Ль гора һьнә леколина һатийә кʹьфше, ԝәки әԝе кӧ али мәрьва дькә, накʹәвә депресийайе у хԝә баш тʹәхмин дькә.
-
Дьлшәԝат бә. Дьлшәԝати әԝ ә, гава тӧ еша мәрьве дьн ль сәр хԝә тʹәхмин дьки. Һәрге тӧ дьлшәԝат и, тӧ хԝә дур дьгьри жь ԝан гьлийа, кʹижан кӧ дькарьн дьле мәрийа бешиньн.
Чахе тӧ дьлшәԝатийе дьди кʹьфше, тӧ бь сәбьр и һьндава мәрийа. Әв йәк ԝе али тә бькә, кӧ фьрԛийе нәки ортʹа мәрьва у һәвалтийе тʹәви һʹәму щурʹә мьләта бьки.
-
Ԝәʹдә ԝәԛәтинә. Чьԛас һе зедә тӧ тʹәви мәрийа ԝәʹдә дәрбаз дьки, һаԛас һе рʹьнд тӧ ԝана нас дьки. Сәва кӧ һәвалед баш хԝәрʹа бьвини, тӧ гәрәке тʹәви ԝан дәрһәԛа ԝан тьшта хәбәр ди, чь кӧ ԝана хԝәш тен у сәва чь жи әԝана хәмгин ьн. Гӧһдарванәки баш бә. Бьдә кʹьфше ԝәки тӧ бона хәмед һәвалед хԝә бәрхԝәдькʹәви. Ль гора леколинәке һатә кʹьфше, ԝәки «хәбәрдана керһати дькарә мәрийа гәләк бәхтәԝар кә».
БЬ БИЛАНИ ҺӘВАЛА БЬЖБЕРӘ
ПРИНСИПА КʹЬТЕБА ПИРОЗ: «Һәвалтийа хьраб мәрьве хԝәйип′әргал хьраб дькә» (1 Корьнтʹи 15:33).
ӘВ ЧЬ ТЕ ҺʹӘСАБЕ: Әԝ мәрьв, тʹәви кʹижана тӧ ԝәʹдә дәрбаз дьки, дькарьн йан баш йан жи хьраб сәр тә һʹӧкӧм бьн. Зандар дьбежьн, ԝәки һәвалед мәрьва дькарьн һʹәму алийава, сәр ԝан һʹӧкӧм бьн. Мәсәлә, әԝана дьбежьн, кӧ һәрге бәндә ԝәʹде хԝә дәрбаз кә тʹәви мәрьвед кӧ щьхаре дькʹьшиньн, йан тʹәви әԝед кӧ дьхԝазьн жь һәв бьԛәтьн, жь бо ве йәке әԝе бькʹәвә бәр байе ԝан у дәстпекә ӧса бькә ча әԝана.
ТӦ ЧЬ ДЬКАРИ БЬКИ: Тʹәви ԝан мәрийа һәвалтийе бькә, хәйсәтед кʹижана кӧ тә хԝәш тен у тӧ дьхԝази чʹәʹв бьди ԝан. Ԝе баш бә һәвалтийе бьки тʹәви ԝан бәнда , кʹижан кӧ мәʹрифәт ьн, ԛәдьре мәрьва дьгьрьн, мәрʹд у меванһʹьз ьн.
ПРИНСИПЕД ДЬН ЖЬ КʹЬТЕБА ПИРОЗ
Бьньһерʹә видеойед кӧ ль сәр һʹиме Кʹьтеба Пироз ьн, йед кӧ дькарьн али щотед зәԝьщи бькьн, ӧса жи али щаһьла у зарʹа, ԝәки әԝана малбәта хԝәда бәхтәԝар бьн
ХԜӘ ДУР БЬГЬРӘ ЖЬ ХӘБӘРДАНА ӦСА, КӦ ДЬЛЕ МӘРЬВА ДЕШИНӘ.
«Һьнәк бь хәбәра мина шур мерьв бьриндар дькьн» (МӘТʹӘЛОК 12:18).
МӘРʹД БӘ.
«Нандаре сьһʹәт у ԛәԝат бә» (МӘТʹӘЛОК 11:25).
ТʹӘВИ МӘРИЙА ӦСА БӘ, ЧАԜА ДЬХԜАЗИ КӦ ТʹӘВИ ТӘ ЖИ ӦСА БЬН.
«Һәр чь кӧ һун дьхԝазьн мәрьв бона ԝә бькьн, һун жи ӧса ԝанар′а бькьн» (МӘТТА 7:12).
