Ве дәрәще бьдә бәр чʹәʹве хԝә: Том тʹәви һәвалед хԝә дьлизә у ньшкева тʹопа ԝи авта щинар дькʹәвә у шушә дьшке.

Һәрге тӧ дәԝса Том буйайи, тәйе чь бькьра?

СЕ МӘЩАЛЕД ТӘ ҺӘНӘ:

1. А. Бьрʹәви.

2. Б. Йәки дьн нәһәԛ ки.

3. В. Щинаре хԝәрʹа гьли ки у пʹәра жи бона чекьрьне бьди ԝи.

Дьԛәԝьмә тәйе бьхԝәста ӧса бькьра, чаԝа Мәщала А-да те готьне. Фьрԛи тʹӧнә тӧ ча у чь бьки, ле ԝе баш бә шашийед хԝә бьди рʹуйе хԝә. Бона ԝе йәке һәнә һьнә мәʹни.

1. Әԝ йәк рʹаст ә.

   Кʹьтеба Пирозда те готьне: «Әм . . . дьхԝазьн кӧ һәр тьшти рʹаст бькьн» (Ибрани 13:18).

2. Мәрьв дьһа һеса дьбахшиньнә ԝан, кʹе гӧне хԝә дьдә рʹуйе хԝә.

   Кʹьтеба Пирозда те готьне: «Әԝе кӧ нәһәԛийа хԝә вәдьшерә хере набинә, ле йе кӧ хԝә мӧкӧрʹ те у дьһелә, ԝе рʹәʹме бьбинә» (Мәтʹәлок 28:13).

3. Йа лапә фәрз әԝ ә, ԝәки тӧ дьле Хԝәде ша дьки.

   Кʹьтеба Пирозда те готьне: «Мәрьве ԛәлп, ль бәр чʹәʹве Хӧдан зьвер ә, ле бәле әԝ һәвале сьтԛе дьле рʹаст ә» (Мәтʹәлок 3:32).

Карина, йа кӧ 20 сали йә, сафи кьр баве хԝәрʹа нәбежә, ԝәки әԝе авто ӧса ԛайим ажот, кӧ щьрм данә сәр ԝе. Ле әԝе нькарьбу гәләк ԝәхт әԝ йәк вәшарта. Карина тинә бира хԝә: «Ԝәкә саләк шунда, баве мьн дит щьрма, кӧ сәр наве мьн бу. У жь бо ԝе йәке проблем пешда һат!»

Чь дәрс әм дькарьн хԝәрʹа һьлдьн? Карина дьбежә: «Дьһа хьраб ә чахе шашийед хԝә вәдьшери. Зу йан дәрәнг, те бона шашийед хԝә щаба хԝә бьди!»

Кʹьтеба Пирозда те готьне: «Әм һʹәму жи гәләки шашийа дькьн» (Аԛуб 3:2). У чаԝа мә дит, дьһа фәрз ә перʹа-перʹа шашийед хԝә бьдьнә рʹуйе хԝә, чьмки әԝ йәк дьдә кʹьфше мьлуктийа мә у рʹӧһʹанийа мә.

Гавәкә дьн әԝ ә, кӧ жь шашийед хԝә дәрсе һьлдьн. Кәчʹькәкә бь наве Вера дьбежә: «Әз дьхәбьтьм сәр ԝе йәке, кӧ сәр шашийед хԝә ча сәр дәрса һинбуне бьньһерʹьм. Әԝ йәк ԝе али мьн бькә бьбьмә мәрьвәкә дьһа баш у ахьрийе жи дәрәщед ԝи щурʹәйида, хԝә рʹаст бьдьмә кʹьфше». Ԝәрен әм пебьһʹәсьн, чаԝа тӧ дькари хԝә бьди кʹьфше.

Тә бал баве хԝә бисиклет һьлда у хьраб кьр. Демәк тӧйе ньһа чь бьки?

• Тӧйе әԝе йәке жь баве хԝә вәшери у бьфькьри, ԝәки әԝе нә жи бьвинә.

• Тӧйе һʹәлал һәр тьшти баве хԝәрʹа гьли ки.

• Дьбәкә тӧйе баве хԝәрʹа ӧса гьли ки, ԝәки йәки дьн нәһәԛ ки.

Мәкʹтәбеда тә екзам нькарьбу бьда, чьмки тә хԝә рʹьнд һазьр нәкьрьбу. Тӧйе чь бьки?

• Тӧйе бежи, ԝәки дәрсед тә гәләк чәтьн бун.

• Шашийа хԝә бьди рʹуйе хԝә.

• Йан бежи, ԝәки дәрсдаре тә кʹине тәрʹа дькʹьшинә.

 Ньһа әм диса хәбәр дьн сәр дәрәща жоре у хԝә дайньн дәԝса 1) бав у 2) дәрсдар. Баве тә у дәрсдаре тә ԝе дәрһәԛа тә чь бьфькьрьн, һәрге тӧ шашийед хԝә дьди рʹуйе хԝә? Ле әԝана ԝе чь бьфькьрьн, һәрге тӧ шашийед хԝә вәдьшери?

Ле ньһа ԝәре әм биньн бира хԝә әԝ шашийа тә, йа кӧ тә ве саледа кьрийә у щаба хԝә сәр ԝан пьрса бьдә.

Шаши чь бу? У тӧйе чь бьки?

• Вәшери.

• Шашийа хԝә бавежи сәр кәсәки дьн.

• Перʹа-перʹа шашийа хԝә бини рʹуйе хԝә.

Һәрге тә шашийа хԝә перʹа-перʹа нәда рʹуйе хԝә, ахьрийе тӧйе чь сәр хԝә тʹәхмин ки?

• Дә баш ә; әз һеса ле хьлаз бум!

• Бәр хԝә кʹәви; мьн гәрәке рʹастийе бьгота.

Ле тә чаԝа дькарьбу дьһа баш әԝ дәрәщә сафи кьра?

Тә жь шашийа чь дәрс хԝәрʹа һьлда?

Чьрʹа һьнә мәрьв нахԝазьн гӧне хԝә биньн рʹуйе хԝә?

Мәрьв чь дькарә дәрһәԛа тә бьфькьрә, һәрге тӧ һәр гав шашийед хԝә вәдьшери? Ле чь дькарьн дәрһәԛа тә бьфькьрьн, һәрге тӧ шашийед хԝә тини рʹуйе хԝә? (Луԛа 16:10).