Чәнд һʹәфти шунда, нав тʹәмамийа дьнйайеда щурʹә-щурʹә ԝәлатада ԝе һьлбьжартьна сәрԝера дәстпебә. Мәрьв гәрәке сафикьрьнед фәрз бькьн, һәла әԝана кʹижан сәрԝера бьжберьн.

 Ле Кʹьтеба Пироз дәрһәԛа ве йәке чь дьбежә?

 Кʹьтеба Пироз дьбежә ԝәки синоред һʹәму сәрԝеред мәрьва һәнә.

•   «Гӧмана хԝә нәдьнә ль сәр мира, ль сәр бәнде кӧ нькарә хьлаз кә. Рʹӧһʹе ԝи гава жь ԝи дәрте, дьчә дьбә диса хԝәли, әԝе рʹоже шеԝьред ԝи дьтʹәрʹьбьн» (Зәбур 146:3, 4).

 Һәла һе сәрԝеред һәри аԛьл у баш жи ахьрийеда дьмьрьн. Хенщи ве йәке, сәрԝер нькарьн сәд сәләфи баԝәр бьн, ԝәки кьред ԝани баш, кʹижан ԝана бона щьмәʹте дькьр, ԝе сәрԝеред паши ван жи бәрдәԝам кьн ван тьшта бькьн (Ԝаиз 2:18, 19).

 Бь рʹасти Кʹьтеба Пироз әʹйан дькә, ԝәки мәрьва гәрәке тʹӧ щар сәр һәвдӧ сәрԝерти нәкьрана.

•   «Рʹийа мәрьв нә дәсте ԝида йә; гавед хԝә рʹасткьрьн, нә дәсте мәрьве кӧ дьмәшәда йә» (Йерәмйа 10:23).

 Һәрге ӧса нә, гәло кʹе иро дькарә бьбә сәрԝере һәри баш?

 Кʹьтеба Пироз шьровәдькә, ԝәки Хԝәде сәрԝере һәри билан у бь итʹбар кʹьфш кьрийә; әԝ һәйә Иса Мәсиһ (Зәбур 2:6). Иса йә Пʹадше Пʹадшатийа Хԝәде, демәк сәрԝертийа кӧ жь әʹзмана пʹадшатийе дькә (Мәтта 6:10).

 Гәло тӧйе Иса һьлбьжери ча сәрԝере хԝә? Кʹьтеба Пироз нишан дькә, ԝәки әва һьлбьжартьнәкә гәләк фәрз ә:

•   «Кӧрʹ рʹамусьн кӧ һерс нәкʹәвә, кӧ рʹеда жь ԝә кәс ӧнда нәбә, гава һерса Ԝи ньшкева рʹабә. Хԝәзи ль һʹәмуйед хԝә дьсперьнә Ԝи» (Зәбур 2:12).

 Ньһа йә ԝәʹдә ԝәки әве сафикьрьне бькьн. Пʹехәмбәртийа Кʹьтеба Пироз әшкәрә дькә, ԝәки Иса сала 1914-да дәстпекьр сәрԝертийе бькә, у ԝе зутьрәке Пʹадшатийа Хԝәде дәԝса һʹәму сәрԝертийед мәрьва бьгьрә (Данийел 2:44).

 Сәва һе зедә әʹламәти кӧ чаԝа һун дькарьн пьштгьрийа сәрԝертийа Иса бькьн, бьхуньн готар бь наве «Ньһада Пьштгьрийа Пʹадшатийа Хԝәде Бькә!»