Хԝәде кʹомәкә бьчʹук жь Мәсиһийед амьн дьжберә, ԝәки әԝана паши мьрьне рʹабьн у ль әʹзмен бьжин (1 Пәтрус 1:3, 4). Әԝана гәрәке паши кʹьфшкьрьна хԝә жи, бь баԝәри у рʹабун рʹуньштьна хԝә мәсәлә бьн, ԝәки һежайи пʹадшатийа әʹзмана бьн (Әфәси 5:5; Филипи 3:12-14).

Әԝед кӧ дьчьнә әʹзмен ԝедәре ԝе чь бькьн?

 Әԝана ԝе тʹәви Иса 1 000 сали ԛӧльх кьн ча пʹадша у кʹаһин (Әʹйанти 5:9, 10; 20:6). Әԝана ԝе саз кьн әʹзманед ну, демәк сәрԝертийа әʹзмани, кʹижан кӧ ԝе сәр әʹрдәки ну, демәк сәр инсанәтерʹа сәрԝертийе бькә. Әԝ сәрԝеред әʹзмани ԝе али мәрьва бькьн, ԝәки бь әʹмьрәки ӧса бьжин, чаԝа кӧ сәре серида Хԝәде бона ԝана ԛьрар кьрьбу, демәк бьбьнә беԛьсур (Ишайа 65:17; 2 Пәтрус 3:13).

Чьԛас мәрьв ԝе жь мьрьне рʹабьн бона жийина ль әʹзмен?

 Кьтеба Пироз дьдә кʹьфше, ԝәки бона жийина ль әʹзмен ԝе 144 000 мәрьв жь мьрьне рʹабьн (Әʹйанти 7:4). Әʹйанти 14:1-3-да дитьнокәк те шьровәкьрьне, кʹижанеда Йуһʹәннайе шанди дит, ԝәки «Бәрх ль сәре чʹийайе Сийоне сәкьни бу у сәд чьл чар һʹәзар мәрьв тʹәви ԝи бун». Ԝе дитьнокеда «Бәрх» бь симболик Иса йә, йе кӧ жь мьрьне рʹабу (Йуһʹәнна 1:29; 1 Пәтрус 1:19). «Чʹийайе Сийоне» те һʹәсабе ԛӧльхийа Исайә бьльнд у йа 144 000, йед кӧ ԝе тʹәви ԝи ль әʹзмен сәрԝертийе бькьн (Зәбур 2:6; Ибрани 12:22).

 Кʹьтеба Пирозда сәр «бьжарти у амьна» йед кӧ ԝе тʹәви Иса пʹадшатийе бькьн те готьне «кәрийе пези бьчʹук» (Әʹйанти 17:14; Луԛа 12:32). Әԝ йәк дьдә кʹьфше, кӧ һʹәсабе ԝана ԝе жь һʹәсабе пәзед Иса кемтьр бә (Йуһʹәнна 10:16).

Ньһерʹандьна нәрʹаст дәрһәԛа ԝан йед кӧ дьчьнә ль әʹзмен

 Ньһерʹандьна нәрʹаст: Һәжмара 144 000 дәрһәԛа кʹижани кӧ кʹьтеба Әʹйантида те готьне, бь симболик ә.

 Избати: Рʹаст ә кʹьтеба Әʹйантида һәнә һәжмаред бь симболик, ле һьнә һәжмар нә бь симболик ьн. Мәсәлә, ԝедәре те готьне дәрһәԛа «навед һәр донздәһ шандийед Бәрх» (Әʹйанти 21:14). Ԝәрә әм ньһа бьньһерʹьн кӧ чь избат дькә, ԝәки һәжмара 144 000 жи бь симболик нинә.

 Әʹйанти 7:4-да те готьне: «Һьнге рʹәԛәма йед кӧ һатьбунә моркьрьне [йан жи кʹижан кӧ һатьнә ԛәбулкьрьне кӧ әʹмьре ль әʹзмана бьстиньн], ... сәд чьл чар һʹәзар» бу. Контекста ве рʹезеда ӧса жи те гьликьрьне дәрһәԛа кʹомәкә дьн, демәк «әʹлаләтәкә ӧса мәзьн, кӧ тʹӧ кәси нькарьбу бьжьмарта» Әндәмед жь «әʹлаләтәкә ӧса мәзьн» жи жь Хԝәде хьлазбуне дьстиньн (Әʹйанти 7:9, 10). Һәрге һәжмара 144 000 бь симболик буйа, у дәрһәԛа ԝе кʹоме буйа кʹижан кӧ беһʹәсаб бу, һьнге ԝе фьрԛийа ортʹа ԝанда нәһата хане. a

Хенщи ве йәке, дәрһәԛа 144 000 те готьне, ԝәки «әвана жь нава мәрьва һатьнә кʹьрʹине чаԝа бәре дәрәмәта пешьн» (Әʹйанти 14:4). Әв гьли «бәре дәрәмәта пешьн», дәрһәԛа кʹома бьчʹук йа бьжартийа йә. Әв йәк шьровәкьрьна зәлал ә дәрһәԛа ԝан, йед кӧ ԝе ль әʹзмен тʹәви Иса сәрԝертийе бькьн сәр ԝан мәрьварʹа, кʹижан кӧ ԝе сәр әʹрде бьн у һәжмара ԝан әʹйан нинә (Әʹйанти 5:10).