Бе шьк тӧ ԛәԝате дьди хәбате сәва кӧ тьштед хԝәйи ԛимәт, мәсәлә мал йан әʹрәбә, рʹьнд хԝәй ки. Мина ԝе йәке тӧ гәрәке достийа хԝә тʹәви Хԝәде хԝәй ки. Тӧ ча дькари достийа хԝә тʹәви Хԝәде, паши ньхӧмандьне жи хԝәй ки?

Ве готареда

•  Бәрдәԝам кә Хәбәра Хԝәде һин бә

•  Бәрдәԝам кә Йаһоԝарʹа дӧа бькә

•  Бәрдәԝам кә дәрһәԛа баԝәрийа хԝә мәрийарʹа гьли кә

•  Бәрдәԝам кә һәрʹә сәр щьвата

 Рʹеза сәрәкә: «Һәр ԛәнщикьрьнеда хԝәйибәр бьн, бь занәбуна Хԝәде бьгьһижьн» (Колоси 1:10).

 Әв чь те һʹәсабе: Паши ньхӧмандьне тӧ гәрәке бәрдәԝам ки Кʹьтеба Пироз бьхуни у бьфькьри сәр ԝе йәке, чь кӧ тә хԝәндийә (Зәбур 25:4; 119:97).

 Чь һивийа мә йә: Щарна дьбә кӧ һʹәԝаса тә һинбунерʹа тʹӧнә бә. У дьԛәԝьмә тәрʹа ӧса бе кʹьфше, ԝәки һинбун бал тә рʹьнд найе стандьне.

 Тӧ чь дькари бьки: Тʹемед Кʹьтеба Пироз кʹижан кӧ тәрʹа һʹәԝас ьн, кʹур леколин кә. Бәрнама хԝәйә һинбуне ӧса чекә, кӧ тәрʹа баргьрани нибә, ле дәԝсе шабуне бинә. Нета тә гәрәке әԝ бә, ԝәки һʹьзкьрьна хԝә һьнда Йаһоԝа у Хәбәра ԝи, зедә ки. Һинбуна ӧса ԝе һьм керһати һьм жи һʹәԝас бә (Зәбур 16:11).

 Ширәт: Щийе ӧса бьвинә, кʹидәре те бькарьби рʹьһʹәт хԝәрʹа һин би у тʹӧ тьшт дина тә нәкʹьшинә бәрбь хԝә.

 Тәрʹа аликʹарийа зедә лазьм ә?

•   Бьхунә:

   «Кʹьтеба Пироз Ча Дькарә Али Мьн Бькә?—Пʹара 2: Хԝәндьна Кʹьтеба Пироз Һʹәԝас Бькә»

   «Әз Ча Дькарьм Рʹьнд Дина Хԝә Бьдьмә Тьштәки?»

•   Бьньһерʹә:

   Щаһьлед дьн чь дьбежьн—Хԝәндьна Кʹьтеба Пироз

•   Бьдә кʹьшандне:

   «Плана Хԝәндьна Кʹьтеба Пироз»

 Рʹеза сәрәкә: «Бона тʹӧ тьшти хәм нәкьн, ле хԝәстьна ԝә бьра бь дӧа-дьрозга, рʹазибунева тʹәвайи, Хԝәдева әʹйан бә» (Филипи 4:6).

 Әв чь те һʹәсабе: Хәбәрдана тʹәви Хԝәде дӧ алийава нә: Тӧ гӧһ дьди ԝи чахе Хәбәра ԝи дьхуни; у тʹәви ԝи хәбәр дьди чахе жерʹа дӧа дьки. Бир нәкә ԝәки чахе тӧ дӧа дьки дькари жь Хԝәде аликʹарийе бьхԝази у рʹазибуна хԝә жи бьди кʹьфше бона кʹәрәмед кӧ жь ԝи дьстини.

 Чь һивийа мә йә: Ԝәʹдә шунда дьԛәԝьмә дӧайед тә бе нет бьн. Һәла һе дьбәкә тӧ дӧдьли би жи, ԝәки Йаһоԝа бь рʹасти тә дьбьһе йан жи дьхԝазә гӧһ бьдә тә (Зәбур 10:1).

 Тӧ чь дькари бьки: Нава рʹожеда бьфькьрә, кӧ дәрһәԛа чь дькари дӧа бьки. Һәрге жь бо дәрәщед хԝә тӧ нькари дьреж дӧа бьки, бира хԝәда хԝәй кә у паше чахе бе стандьн дӧа бькә. Нә кӧ тʹәне бона хәмед хԝә, ле ӧса жи бона һʹәԝщед мәрьвед дьн дӧа бькә (Филипи 2:4).

 Ширәт: Һәрге тӧ тʹәхмин дьки, кӧ дӧайед тә бе нет ьн, сәва ве йәке Йаһоԝарʹа бежә. Әԝ дьхԝазә ԝәки тӧ һʹәму дәрд у хәмед дьле хԝә, ӧса жи дәрһәԛа хәмгинийа хԝәйә бона дӧакьрьне, ԝирʹа гьли ки (1 Йуһʹәнна 5:14).

 Тәрʹа аликʹарийа зедә лазьм ә?

•   Бьхунә:

   «Щьрʹа Әз Гәрәке Хԝәдерʹа Дӧа Бькьм?»

•   Бьдә кʹьшандьне:

   «Ча Дькари Дӧайед Хԝә Баш ки?»

 Рʹеза сәрәкә: «Һаш жь хԝә у һинкьрьна хԝә һәбә . . . чьмки бь ви тьһәри те хԝә жи хьлаз ки у ԝан жи, кʹижанед гӧһдарийа тә дькьн» (1 Тимотʹейо 4:16).

 Әв чь те һʹәсабе: Чахе тӧ мәрийарʹа дәрһәԛа баԝәрийа хԝә гьли дьки, ӧса тӧ баԝәрийа хԝә ԛәԝи дьки. Бь ве йәке тӧйе һьм жийина хԝә хьлаз ки, һьм жи жийина ԝан мәрийа йед кӧ гӧһ дьдьнә тә.

 Чь һивийа мә йә: Щарна дьбәкә һʹәԝаса тә тʹӧнә бә кӧ мәрийарʹа дәрһәԛа баԝәрийа хԝә гьли ки. Һәла һе жи тӧ дьбәкә бьтьрси дәрһәԛа ве йәке хәбәр ди, илаһи мәкʹтәбеда.

 Тӧ чь дькари бьки: Сәр хԝә бьхәбьтә кӧ нәһели ԝәки тьрс у емосийед дьн сәр сафикьрьнед тә һʹӧкӧм бьн. Паԝлосе шанди ньвиси: «Ле әз ве йәке [бәлакьрьна мьзгинийе] нә бь һʹәмде хԝә дькьм, чьмки әва ԛӧльхәк ә ль мьн һатийә спартьне» (1 Корьнтʹи 9:16, 17).

 Ширәт: Бь изьна де-баве хԝә, кәсәки жь щьвате бьвинә кʹижан кӧ мәсәләкә баш ә, у жерʹа бежә ԝәки тӧ һʹәԝще аликʹарийа ԝи йи, кӧ хьзмәтийеда бьби һостә (Мәтʹәлок 27:17).

 Тәрʹа аликʹарийа зедә лазьм ә?

•   Бьхунә:

   «Ча бь Мерхаси Дәрһәԛа Баԝәрийа Хԝә Гьли кьм?»

 Рʹеза сәрәкә: «У бьра әм бона һәвдӧ хәм бькьн, ԝәки һʹьзкьрьне у ԛәнщикьрьнеда һелана бьдьнә һәв. Бьра әм дәст жь льһәвщьвине нәкʹьшиньн» (Ибрани 10:24, 25).

 Әв чь те һʹәсабе: Әм дьчьнә щьвата, сәва кӧ Йаһоԝа бьһʹәбиньн. Ле диса дӧ мәʹнийед баш һәнә, кӧ чьма дьчьнә щьвата. Йа пешьн, тӧ һелане дьстини жь хушк-бьред щьвате. Йа дӧда, тӧ хԝәха дькари һелане бьди ԝан бь ве йәке, кӧ тейи щьвата у бәрнамеда кʹар дьки (Рʹомайи 1:11, 12).

 Чь һивийа мә йә: Щарна ԝәʹде щьвате дьԛәԝьмә фькьред тә дәрбази сәр тьштед дьн бьн, у жь бо ве йәке тӧ дькари һьнә фькьред гәләк фәрз бәрʹди. Йан жи дьԛәԝьмә жь бо дәрсед мәкʹтәбе йан тьштед дьн, тӧ щарна йан жи һәргав щьвата бәрʹди.

 Тӧ чь дькари бьки: Һәмьки гәрәке тʹәрка һинбуна хԝәйә мәкʹтәбе нәди, ле ӧса жи бир нәкә, ԝәки щьват гәләк фәрз ьн. Бьхәбьтә кӧ һәр гав бейи сәр щьвата, рʹьнд гӧһ бьдә бәрнаме у щабед хԝә бьдә. Паши щьвате пʹайе кәсәки бьдә сәва щаба ԝи йан жи бона дәрса ԝи.

 Ширәт: Пешда хԝә һазьр кә. JW Library® апп хԝәрʹа бьдә кʹьшандьне у бьдә хәбате таба «Щьват», кӧ бәрнама щьватейә һʹәфтийе бьзаньби.

 Тәрʹа аликʹарийа зедә лазьм ә?

•   Бьхунә:

   «Чьма Гәрәке Һәрʹьн Щьвата?»