Sam 113:1-9
113 Prez Ja!*
Una we na Jiova in savant dɛn, una prez am.Una prez Jiova in nem.
2 Lɛ pipul dɛn prez Jiova in nemFrɔm naw ɛn sote go.
3 Lɛ pipul dɛn prez Jiova in nemFrɔm usay di san de kɔmɔt to usay di san de go dɔŋ.
4 Jiova de rayt ɔp, i de oba ɔl di neshɔn dɛn;In glori pas ɛvin.
5 Udat tan lɛk Jiova wi Gɔd,Di wan we de* rayt ɔp?
6 I de butu fɔ luk di ɛvin ɛn di wɔl.
7 I de es di wan we pipul dɛn nɔ tek mek natin kɔmɔt na dɔti.
I de es di po wan kɔmɔt na dɔtibɔks,
8 So dat i go mek i sidɔm wit di wan dɛn we impɔtant pan in pipul dɛn.
9 I de mek uman we nɔ bɔn pikin gɛt say fɔ de;I de mek i bi mama we gladi we gɛt pikin dɛn.
Prez Ja!*
Futnot Dɛn
^ Ɔ “Aleluya!” “Ja” na di shɔt we fɔ kɔl Jiova in nem.
^ Ɔ “sidɔm na in tron we de.”
^ Ɔ “Aleluya!” “Ja” na di shɔt we fɔ kɔl Jiova in nem.
