Sam 17:1-15
Devid in prea.
17 E Jiova, duya lisin to di beg we a de beg fɔ jɔstis;Pe atɛnshɔn to di kray we a de kray fɔ ɛp;Lisin to mi prea we nɔ gɛt wan lay lay.
2 Disayd di rayt tin fɔ mi sek;Lɛ yu yay si wetin rayt.
3 Yu dɔn tek tɛm wach mi at, yu dɔn wach mi na nɛt.Yu dɔn klin mi.Yu si se a nɔ plan ɛnitin bad,Ɛn a nɔ sin wit mi mɔt.
4 We i kam to di tin dɛn we mɔtalman de du,A dɔn avɔyd di say usay tifman de waka, akɔdin to wetin yu tɔk.
5 Lɛ a kɔntinyu fɔ waka na yu rodSo dat a nɔ go bɔk mi fut.
6 E Gɔd, a de kɔl yu bikɔs yu go ansa mi.
Pe atɛnshɔn to mi. Lisin to wetin a de tɔk.
7 Sho yu lɔv we nɔ de chenj wɔndaful we,E di Wan We De Sev di wan dɛn we de ayd na yu raytanFrɔm di wan dɛn we dɔn tɔn agens yu.
8 Protɛkt mi lɛk yu bɔlyay;Ayd mi ɔnda yu wiŋ dɛn.*
9 Protɛkt mi frɔm di wikɛd wan dɛn we de atak mi,Frɔm mi ɛnimi dɛn we sɔrawnd mi ɛn we want fɔ kil mi.
10 Dɛn nɔ want fɔ no aw ɔda pɔsin de fil;Dɛn de tɔk prawd wan wit dɛn mɔt;
11 Naw dɛn dɔn sɔrawnd wi;Dɛn de luk fɔ ɛni chans fɔ mek wi fɔdɔm.*
12 Di wikɛd wan tan lɛk layɔnWe rɛdi fɔ chɛr chɛr di animal we i dɔn kech,
I tan lɛk yɔŋ layɔn we ledɔm de wet na ambush.
13 E Jiova, duya grap go fɛt am ɛn win am;Sev mi frɔm di wikɛd wan wit yu sɔd;
14 E Jiova, sev mi wit yu an,Frɔm pipul dɛn na dis wɔl we nɔ de tink bɔt tumara bambay,Di wan dɛn we yu de gi gud tin dɛnƐn we de lɛf prɔpati fɔ dɛn bɔku bɔku pikin dɛn.
15 Bɔt as fɔ mi, a de du wetin rayt ɛn na dat mek yu de du gud to mi;A satisfay fɔ de wek bifo yu.
