Sam 55:1-23
To di wan we de dayrɛkt; dɛn fɔ siŋ dis siŋ wit myuzik instrumɛnt dɛn we gɛt string. Maskil.* Devid in siŋ.
55 E Gɔd, lisin to mi preaƐn nɔ tɔn yu bak pan mi we a de beg yu fɔ sɔri fɔ mi.*
2 Pe atɛnshɔn to mi ɛn ansa mi.
Di tin we de mɔna mi de mek a tɔmɛnt,Ɛn a rili wɔri
3 Bikɔs ɔf wetin di ɛnimi de seƐn di sɔprɛs we di wikɛd wan de sɔprɛs mi.
Dɛn de put bɔku trɔbul pan mi,Dɛn at rili wam pan mi, ɛn dɛn et mi bad bad wan.
4 Mi at pwɛl bad bad wan,Ɛn a de fred se dɛn go kil mi.
5 A de fred ɛn trimbul,Ɛn mi bɔdi de shek bad bad wan.
6 A de tɔk se: “If nɔmɔ a bin gɛt wiŋ dɛn lɛk dɔv!
A fɔ flay go na say we sef ɛn de de.
7 Luk! A bin fɔ rɔnawe go fa say.
A bin fɔ go de na di wildanɛs.* (Sila)
8 A go rɔn go na ples we sef,Na ples usay big big briz ɛn ɛvi ren nɔ go mit mi.”
9 E Jiova, kɔnfyuz dɛn ɛn mek dɛn plan dɛn nɔ wok,A dɔn si fɛt-fɛt ɛn kɔnfyushɔn na di siti.
10 De ɛn nɛt dɛn de waka rawnd di wɔl dɛn;Badat ɛn trɔbul de insay di siti.
11 Trɔbul de ɔlsay na di siti;Dɛn de sɔprɛs ɛn ful pipul dɛn ɔltɛm na di pɔblik ples.
12 Nɔto mi ɛnimi de provok mi;If na so i bi, a fɔ dɔn bia.
Nɔto pɔsin we et mi dɔn tɔn agens mi;If na so i bi, a fɔ dɔn ayd pan am.
13 Bɔt na yu we na man lɛk mi,*Mi yon padi we a no gud gud wan.
14 Wi na bin tayt padi;Wi bin de go insay Gɔd in os togɛda wit bɔku pipul dɛn.
15 Mek dɛn day!
Mek dɛn go dɔŋ di Grev* layv layv wan;Bikɔs bad tin de apin usay dɛn de ɛn bad tin de na dɛn at.
16 As fɔ mi, a go kɔl Gɔd,Ɛn Jiova go sev mi.
17 Ivintɛm, mɔnin, ɛn aftanun, a kin wɔri ɛn pini,Ɛn i kin yɛri mi vɔys.
18 I go sev mi frɔm di wan dɛn we de fɛt mi ɛn gi mi pis,Bikɔs bɔku bɔku pipul dɛn de agens mi.
19 Gɔd we sidɔm na in tron frɔm trade tradeGo yɛri ɛn du sɔntin to dɛn. (Sila)
Di wan dɛn we nɔ de fred Gɔd,Dɛn nɔ go gri fɔ chenj.
20 I* atak di wan dɛn we i gɛt pis wit;I de pwɛl in yon agrimɛnt.
21 In wɔd dɛn fayn fɔ lisin to lɛk aw bɔta izi fɔ swɛla,Bɔt i lɛk kɔnfyushɔn.
In wɔd dɛn swit fɔ lisin to lɛk aw ɔyl kin fayn na di skin,Bɔt dɛn tan lɛk shap sɔd dɛn.
22 Lɛf wetin de mɔna yu na Jiova in an,Ɛn i go sɔpɔt yu.
I nɔ go ɛva alaw pɔsin we de du wetin rayt fɔ fɔdɔm.*
23 Bɔt E Gɔd, yu go put dɛn insay di ol we dip pas ɔl.
Dɛn man dɛn de we gɛt blɔd na dɛn ed ɛn we de ful pipul dɛn go day kwik.
Bɔt as fɔ mi, a go abop pan yu.
Futnot Dɛn
^ Rid Baybul Wɔd dɛn Minin.
^ Ɔ “Ɛn nɔ ayd pan mi we a de pre fɔ mek yu ɛp mi.”
^ Rid Baybul Wɔd dɛn Minin.
^ Ɔ “na mɔtalman, mi ikwal.”
^ Ɔ “Shiol.” Dis tinap fɔ di ples usay dayman dɛn de. Dis nɔto tru tru ples. Rid Baybul Wɔd dɛn Minin.
^ Dat na, di ol padi we vas 13 ɛn 14 tɔk bɔt.
^ Ɔ “staga.”
