Sam 56:1-13
To di wan we de dayrɛkt; di myuzik we nem “Di Dɔv we Nɔ De Mek Sawnd ɛn we De Fa Say.” Devid in siŋ. Miktam.* Di tɛm we di Filistin dɛn bin kech am na Gat.
56 E Gɔd, sɔri fɔ mi, bikɔs mɔtalman de atak* mi.
Ol de dɛn de fɛt mi ɛn sɔprɛs mi.
2 Mi ɛnimi dɛn de atak* mi ol de;Bɔku pan dɛn de fɛt mi, ɛn dɛn gɛt kɔnfidɛns se dɛn go win.
3 We a de fred, na pan yu a de abop.
4 A abop pan Gɔd, a de prez in wɔd.A abop pan Gɔd; a nɔ de fred.
Wetin ɔdinari mɔtalman go du to mi?
5 Ol de dɛn de kɔz trɔbul fɔ mi;Di tin nɔmɔ we dɛn de tink bɔt na fɔ du mi bad.
6 Dɛn de ayd dɛnsɛf fɔ atak;Dɛn de wach ɔl wetin a de du,Dɛn want fɔ kil mi.
7 Tɔn-am-gi dɛn bikɔs dɛn wikɛd.
E Gɔd, pɔnish di neshɔn dɛn wit wamat.
8 Yu no bɔt mi ɔp ɛn dɔŋ.
Duya gɛda mi kray wata na yu bɔtul.*
Yu nɔ dɔn rayt dɛn na yu buk?
9 Mi ɛnimi dɛn go kɔmɔt biɛn mi di de we a go kɔl yu fɔ ɛp mi.
A gɛt kɔnfidɛns se Gɔd de fɔ mi.
10 A abop pan Gɔd, a de prez in wɔd.A abop pan Jiova, a de prez in wɔd.
11 A abop pan Gɔd; a nɔ de fred.
Wetin ɔdinari mɔtalman go du to mi?
12 E Gɔd, a fɔ du wetin a dɔn vaw se a go du fɔ yu;A go mek sakrifays dɛn fɔ tɛl yu tɛnki.
13 Yu dɔn sev miƐn yu mek a nɔ fɔdɔm,So dat a go kɔntinyu fɔ de alayv ɛn waka bifo yu.
Futnot Dɛn
^ Rid Baybul Wɔd dɛn Minin.
^ Ɔ “bɛt.”
^ Ɔ “bɛt.”
^ Dis na bɔtul we dɛn mek wit animal kanda.
