Sam 94:1-23
94 E Jiova di Gɔd we de tɔn-dɛt,E di Gɔd we de tɔn-dɛt, sho udat yu bi!
2 E di Wan We De Jɔj di wɔl, grap.
Pɔnish di wan dɛn we prawd fɔ wetin dɛn dɔn du.
3 Aw lɔng, E Jiova,Aw lɔng di wan dɛn we wikɛd go kɔntinyu fɔ gladi?
4 Di we aw dɛn de tɔk de sho se dɛn fulish ɛn prawd;Ɔl di wan dɛn we de du wetin bad de bost bɔt dɛnsɛf.
5 E Jiova, dɛn nyamanyama yu pipul dɛnƐn sɔprɛs di wan dɛn we yu dɔn tek as yu prɔpati.
6 Dɛn kil di uman dɛn we dɛn man dɔn day ɛn di fɔrina dɛn,Ɛn dɛn kil pikin dɛn we nɔ gɛt papa.
7 Dɛn de tɔk se: “Ja nɔ de si;Jekɔp in Gɔd nɔ de tek notis.”
8 Una we nɔ de tink, una ɔndastand dis;Una we fulish, ustɛm una go tink gud wan fɔ ɔndastand?
9 Di Wan we mek di yes, i nɔ go yɛri?
Di Wan we mek di yay, i nɔ go si?
10 Di Wan we de kɔrɛkt di neshɔn dɛn nɔ go disiplin?
Na in na di Wan we de mek pipul dɛn no sɔntin!
11 Jiova no aw mɔtalman de tink,Dɛn tan lɛk ɛmti briz we pɔsin de blo.
12 E Ja, di pɔsin we yu kɔrɛktƐn di pɔsin we yu tich frɔm yu lɔ gɛt gladi-at.
13 Yu go gi am pis di tɛm we prɔblɛm de,Te dɛn dig ol fɔ di wikɛd wan.
14 Jiova nɔ go fɔgɛt in pipul dɛn,Ɛn i nɔ go lɛf di wan dɛn we i dɔn tek as in prɔpati.
15 Dɛn go jɔj di rayt we bak,Ɛn ɔl di wan dɛn we de waka tret go sɔpɔt dat.
16 Udat go tinap fɔ mi agens di wikɛd wan?
Udat go tinap fɔ mi agens di wan dɛn we de du wetin bad?
17 If nɔto Jiova bin de ɛp mi,A fɔ dɔn day kwik kwik wan.
18 We a tɔk se: “A de slipul,”
E Jiova, yu lɔv we nɔ de chenj kɔntinyu fɔ sɔpɔt mi.
19 We a de wɔri tumɔs,Yu de kɔrej mi ɛn mek a fil fayn.
20 Fɔ se di wan dɛn we de rul* kɔrɔpt wan go wok wit yuWe dɛn de mek plan fɔ yuz di lɔ fɔ kɔz trɔbul?
21 Dɛn de atak pɔsin we de du wetin rayt bad bad wan,Ɛn dɛn de sɛntɛns pɔsin we inosɛnt fɔ lɛ dɛn kil am.
22 Bɔt Jiova go bi mi sef ples fɔ ayd,Mi Gɔd na mi rɔk we a de go ayd to.
23 I go mek di wikɛd tin dɛn we dɛn de du tɔn pan dɛn.
I go yuz di bad tin dɛn we dɛn de du fɔ dɔnawe wit dɛn.*
Jiova wi Gɔd go dɔnawe wit dɛn.*
