Nɔ. Wi de prich ɔltɛm frɔm os to os, bɔt wi nɔ biliv se na da wok de go mek wi gɛt layf we go de sote go. (Lɛta Fɔ Ɛfisɔs 2:8) Wetin mek wi se so?

 Tink bɔt dis: Wan mɔni man prɔmis fɔ gi wan dia gift to ɔlman we kam na wan ples insay wan patikyula de. If yu rili biliv di man in prɔmis, yu go du wetin i se? Yɛs, yu go du am! Ɛn yu go ivin tɛl yu fambul ɛn padi dɛn bɔt dis fayn tin, so dat dɛnsɛf go bɛnifit frɔm am. Pan ɔl dat, yu nɔ go gɛt di gift jɔs bikɔs yu du wetin di man se. Di tin we di man go gi yu stil na gift.

 Semweso, Jiova Witnɛs dɛn biliv Gɔd in prɔmis fɔ se i go gi layf we go de sote go to ɔlman we obe am. (Lɛta Fɔ Rom 6:23) Wi de tray fɔ tɛl ɔda pipul dɛn bɔt wetin wi biliv na di Baybul, ɛn op se dɛnsɛf go bɛnifit frɔm Gɔd in prɔmis dɛn. Bɔt wi nɔ biliv se wi go gɛt layf we go de sote go bikɔs wi de prich to pipul dɛn. (Lɛta Fɔ Rom 1:17; 3:28) Bɔt fɔ tru, no mɔtalman nɔ de we go ɛva ebul fɔ du ɔltin fɔ ɛnjɔy di wɔndaful tin dɛn we Gɔd dɔn prɔmis. “I sev wi; ɛn nɔto fɔseka ɛni gud tin we wi bin dɔn du mek i du so, bɔt na bikɔs i sɔri fɔ wi.”—Taytɔs 3:5.